Êsêkiêl 31:9 - Nau Brah Ndu Ngơi 2023

⁹ Gâp hŏ ƀư jêh ăn păng ueh reh, Ndrel n'gĭng n'ha pŭm ngăn; Lĕ rngôch tơm si Êđen Jêng tơm si tâm n'gar trao Brah Ndu Tâm keh nach đah păng da dê.’

Êsêkiêl 31:9 ပူးပေါင်းရင်းမြစ်များ

Nau Ntơm 13:10

Y-Lot n'gơr măt uănh jêh ri saơ lam neh lâng dak krong Yurdan tât ta ƀon Sôar. Êlor ma Brah Yêhôva ƀư rai ƀon Sôdôm jêh ri Gômôrơ, n'gor aơ ăp ntŭk geh dak da dê tâm ban ma n'gar trao Brah Yêhôva, nâm bu neh Êjipt đŏng.

Nau Ntơm 26:14

Păng geh âk phung biăp, ndrôk jêh ri oh mon âk ngăn yor ri phung Philistin mâu nach ma păng.

Nau Ntơm 37:11

Phung nâu tâm rmot ma păng, bi mbơ̆ păng kah gĭt nau ngơi nây.

Nau Ngluh Êjipt 9:16

Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Nau Hôr 27:4

Nau ji nuih jêng nau janh djơh ngăn, jêh ri nau ji nuih nâm bu dak bŭk, Ƀiălah mbu moh dơi dơn tanăp nau mâu nach?

Nơm Nti 4:4

Gâp dơn saơ kon bunuyh pah kan đah nau hŏt rgănh jêh ri gĭt blau, knŏng yor ŭch nach bunuyh aơ đah nơm êng dơm yơh. Nau aơ nâm bu jêng nau dơm dam, tĭng rlong sial khôm.

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Êsêkiêl 16:14

Nau lư n'găr ay bu rnê hâu ngăn tâm lam bri dak yor nau ueh ay jêh ri yor nau chrêk rmah Gâp ăn jêh ma ay, ƀư nau ueh ay ntop rah vah ngăn,’ Kôranh Brah Yêhôva lah pônây.

Êsêkiêl 17:22

Kôranh Brah Yêhôva lah: ‘Gâp nơm mra sŏk chiông tơm si sêdar prêh klơ jêh ri Gâp mra tăm. Ta ntŭk dăch dŭt n'gĭng păng, Gâp mra nkê̆ch lơi du nkeh nse jêh ri Gâp nơm mra tăm păng ta yôk dŭt prêh klơ.

Êsêkiêl 17:24

Lĕ rngôch tơm si tâm bri mra gĭt ma Gâp, Brah Yêhôva, hŏ njŭr tơm si prêh jêh ri n'hao tơm si dêh klơ. Gâp hŏ ƀư kro lơi tơm si ndrêh jêh ri ƀư ăn tơm si lĕ kro dơi nse ueh. Gâp, Brah Yêhôva, hŏ lah jêh ri ƀư dơi jêng nau nây ro.’”

Êsêkiêl 28:13

May lĕ gŭ tâm n'gar Êđen, jêng n'gar Brah Ndu. May hŏ geh ăp ntil lŭ khlay, Jêng lŭ karnêlian, lŭ tôpas, lŭ diamôn, Lŭ krisôlit, lŭ êmêrôt, lŭ saphir, Lŭ beril, lŭ ĭr, lŭ chăng jêh ri mah đŏng. Nơm rhăk gâr jê̆ jêh ri dĭng n'hôm jêng ndơ may, Ntơm bơh nar may mhe ndâk njêng bu hŏ ndrăp ơm jêh.

Êsêkiêl 31:16

Gâp ƀư ma phung ntil mpôl bunuyh râm nsâr tăng nteh păng rlâm rai, tơlah Gâp klŭp mƀăr păng ma ƀon phung khĭt ndrel ma phung jŭr tâm ntu jru! Rnôk nây, lĕ rngôch tơm si n'gar Êđen, lĕ rngôch tơm si ueh ngăn, Liban săch jêh, lĕ rngôch tơm si saơm dơi geh âk dak djrah, dơi geh nau bonh leng da dê ta ntu jru tâm dâng neh.

Êsêkiêl 31:18

Moh tơm si tâm n'gar Êđen tâm ban ma may yơk ma nau chrêk rmah? May tâm ban lĕ bu mra nklơ̆ tŭp ndrel ma lĕ tơm si Êđen rlet ma ntu jru tâm dâng neh nâm bu pônây; may mra lâng bê̆ch nklang phung mâu ŭch koh ntâu, ndrel ma phung bu hŏ nkhĭt jêh ma đao. Pharaôn jêh ri lĕ rngôch phung bunuyh âk ƀon lan păng mra ndrel mrô nal. Kôranh Brah Yêhôva lah pônây.”

Êsêkiêl 36:35

Khân păng mra lah: “Bri neh rngol aơ hŏ jêng nâm bu n'gar Êđen; đơ ƀon lĕ rlâm rai, jêng rngol jêh ri ntŭk hŏ rai, aƀaơ lĕ nkra tay jêh ri geh bunuyh gŭ!”

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Sakari 11:2

Hơi tơm n'ho, nhĭm vơl hom yorlah tơm si sêdar lĕ cha lôt jêh, Lĕ tơm si ueh lĕ bu ƀư rai jêh. Hơi tơm si guyh bri Basan, nhĭm vơl hom, Yorlah bri krŏng mbâl lĕ bu kăl jêh!

I Samuel 18:15

Tơlah saơ Y-Đavit geh nau dơi kơt nĕ, Y-Sôl klach ma păng.