Êsêkiêl 31:4 - Nau Brah Ndu Ngơi 2023

⁴ Lĕ n'hor dak siăm păng, Lĕ tu dak mŭr ƀư ăn păng văch ma prêh, Ƀư ăn ma lĕ n'hong dak krong Hoch jŭm ntŭk bu tăm păng, Jêh ri ăn lĕ n'hor dak Djrah lĕ rngôch tơm si tâm bri.

Êsêkiêl 31:4 ပူးပေါင်းရင်းမြစ်များ

Nau Hôr 14:28

Phung ƀon lan âk jêng nau chrêk rmah ma hađăch, Mâu geh ƀon lan, phung kôranh chiă uănh jêng nau rai lôch.

Yêrêmi 51:36

Yor nây, Brah Yêhôva lah: “Aơ, Gâp mra koh dŏng may, Plơng bôk ăn ma may. Gâp mra ƀư suăt lơi dak mƀŭt păng Jêh ri tu dak păng suăt kro;

Êsêkiêl 17:5

Jêh nây, păng sŏk ntil bơh bri nây djôt tăm tâm neh ueh, dơm dăch ntŭk âk dak jêh ri tăm nâm bu tơm si yôr.

Êsêkiêl 17:7

Ƀiălah geh đŏng du mlâm klang toyh êng, geh nting năr toyh, rsau âk. Jêh ri tơm krăk ƀâu sŏr reh rlet păng nơm jêh ri n'gĭng vơr rlet ma păng gay ma păng dơi djrah dak.

Êsêkiêl 17:8

Tơm krăk ƀâu dơi tăm tâm neh ueh dăch ntŭk âk dak gay ma gơnh geh n'gĭng âk play, jêh ri jêng du tơm krăk ƀâu ueh reh.’

Nau Tâm Mpơl 17:1

Nôk nây, du huê tâm pơh nuyh tông mpăr djôt pơh mlâm ngan văch tât jêh ri đă ma gâp pô aơ: “Văch hom aơ, gâp mra ntĭm ma may nau phat dôih bu ur văng tĭr toyh gŭ ta klơ lĕ n'hong dak ri.

Nau Tâm Mpơl 17:15

Jêh nây tông mpăr lah ma gâp: “Lĕ n'hong dak may saơ bu ur văng tĭr gŭ ta klơ jêng lĕ ntil mpôl bunuyh, phung mpôl bunuyh, lĕ bri dak jêh ri lĕ nau ngơi.