Êsêkiêl 31:3 - Nau Brah Ndu Ngơi 2023

³ Uănh hom bri Asiri: Nar saơm păng tâm ban ma du tơm si sêdar tâm bri Liban, N'gĭng ueh reh, n'hâm nâm bu si krŏng, Tơm toyh prêh Jêh ri chiông prêh kŏ ban tŭk.

Êsêkiêl 31:3 ပူးပေါင်းရင်းမြစ်များ

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Êsai 37:24

May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Yêrêmi 17:8

Bunuyh nây nâm bu tơm si tăm gŭ kơh dak n'hor, Hon reh tĭng n'hor dak hoch; Mâp trôk duh ăt mâu klach ôh N'ha ăt ndrêh ueh. Mâp năm prăng phang mâu đŏng rvê ir lĕ Ăt luh play mâu rlu ôh.

Yêrêmi 50:18

Yor nây, Brah Yêhôva ma phung tahan, Brah Ndu Israel lah kơt aơ: “Aơ, Gâp mra tâm rmal hađăch Babilôn jêh ri bri dak păng nâm bu hŏ tâm rmal jêh ma hađăch bri Asiri.

Êsêkiêl 17:22

Kôranh Brah Yêhôva lah: ‘Gâp nơm mra sŏk chiông tơm si sêdar prêh klơ jêh ri Gâp mra tăm. Ta ntŭk dăch dŭt n'gĭng păng, Gâp mra nkê̆ch lơi du nkeh nse jêh ri Gâp nơm mra tăm păng ta yôk dŭt prêh klơ.

Êsêkiêl 19:11

Lĕ n'gĭng păng nâp ngăn, Tât jêng mâng jra ma kôranh chiă uănh. Tơm păng prêh ngăn Ta nklang tơm si pŭm. Ăp nơm saơ păng da dê, Yorlah tơm prêh, n'gĭng n'ha âk.

Êsêkiêl 31:10

Yor nây, Kôranh Brah Yêhôva lah: ‘Yorlah păng toyh prêh, chiông păng prêh kŏ ban tŭk jêh ri nuih n'hâm păng sưr rlau yor nau păng toyh prêh nây,

Êsêkiêl 31:16

Gâp ƀư ma phung ntil mpôl bunuyh râm nsâr tăng nteh păng rlâm rai, tơlah Gâp klŭp mƀăr păng ma ƀon phung khĭt ndrel ma phung jŭr tâm ntu jru! Rnôk nây, lĕ rngôch tơm si n'gar Êđen, lĕ rngôch tơm si ueh ngăn, Liban săch jêh, lĕ rngôch tơm si saơm dơi geh âk dak djrah, dơi geh nau bonh leng da dê ta ntu jru tâm dâng neh.

Êsêkiêl 31:17

Khân păng tâm ban lĕ jŭr tâm ntŭk ƀon phung khĭt ndrel păng, gŭ dăch phung bu nkhĭt ma đao, nây jêng phung ntơm saơm ndrel ma păng jêh ri gŭ nde tâm dâng n'hâm păng ta nklang lĕ rngôch bri dak.’

Êsêkiêl 31:5

Yor ri, tơm si sêdar nây Prêh lơn ma lĕ rngôch tơm si tâm mir, N'gĭng n'ha pŭm ngăn, N'gĭng păng vơr jong ngăn Yor geh âk dak.

Êsêkiêl 31:6

Lĕ rngôch phung sĭm tâm trôk Ƀư rsuăn ta n'gĭng păng; Lĕ rngôch ntil mpô mpa bri Deh kon tâm dâng n'gĭng păng, Jêh ri lĕ rngôch bri dak toyh Gŭ tâm dâng n'hâm păng da dê.

Êsêkiêl 31:8

Mâu geh ôh tơm si sêdar êng tâm n'gar Brah Ndu Dơi tâm rđĭl đah păng. Tơm n'ho mâu ban ôh n'gĭng păng, Tơm ntang ăt mâu ban lĕ đah n'gĭng păng. Mâu geh ôh tơm si tâm n'gar trao Brah Ndu Ueh reh tâm ban ma păng đŏng ôh.

Êsêkiêl 32:22

Asiri gŭ ta nây ndrel ma lĕ rngôch phung ƀon lan păng; văr jŭm păng jêng môch da dê. Lĕ rngôch khân păng lĕ bu nkhĭt jêh jêh ri chôt khĭt yor ma đao.

Daniel 4:10

Aơ jêng nau gâp tâm saơ mpơl tâm bôk gâp dôl gâp lâng săk ta klơ sưng bê̆ch: Aơ, gâp saơ geh du mlâm tơm si hon ta nklang neh ntu; Du mlâm tơm si toyh prêh êng ngăn.

Daniel 4:12

N'ha ueh, play âk, Ăn ndơ sa tŏng ma lĕ rngôch ntil. Mpô mpa bri nde tâm dâng gui păng; Sĭm tâm trôk drâm klơ n'gĭng păng, Jêh ri lĕ rngôch mpa rêh yor bơh păng siăm da dê.

Daniel 4:7

Phung rƀên, phung n'hŭm, phung Kaldê, jêh ri phung nchrâng mănh tât. Gâp nkoch nau mbơi ăn ma khân păng iăt, ƀiălah khân păng mâu dơi rblang nau mbơi nây ma gâp ôh.

Sôphôni 2:13

Brah Yêhôva mra yơr ti rlet mpeh pa lơ, Păng mra ƀư rai bri Asiri, Jêh ri ƀư ma Ninive jêng du ntŭk rngol, Du ntŭk neh sơh nâm bu bri rdah.

Sakari 11:1

Hơi bri Liban, ăn may pơk lĕ mpông, Ăn ŭnh sa lĕ tơm si sêdar may!

Sakari 11:2

Hơi tơm n'ho, nhĭm vơl hom yorlah tơm si sêdar lĕ cha lôt jêh, Lĕ tơm si ueh lĕ bu ƀư rai jêh. Hơi tơm si guyh bri Basan, nhĭm vơl hom, Yorlah bri krŏng mbâl lĕ bu kăl jêh!

Phung Kôranh Phat Dôih 9:15

Rlô lok plơ̆ lah ma tơm si: ‘Tơlah ma nuih n'hâm nanê̆ ngăn khân may ŭch tŏ dak ƀâu kah ăn gâp jêng hađăch khân may Văch hom nde tâm dâng gui n'hâm gâp; Lah mâu pônây, ăn geh ŭnh luh bơh rlô lok Jêh ri su tơm si sêdar n'gor Liban!’