Êsêkiêl 30:8 - Nau Brah Ndu Ngơi 2023

⁸ Nôk nây, khân păng mra gĭt Gâp jêng Brah Yêhôva, Tơlah Gâp su bri Êjipt ma ŭnh Jêh ri lĕ rngôch phung kơl păng rai jêh.

Êsêkiêl 30:8 ပူးပေါင်းရင်းမြစ်များ

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 58:11

Bu mra lah pô aơ: “Nanê̆ geh nau nkhôm ma nơm sŏng srăng, Nanê̆ ngăn, Brah Ndu dôl phat dôih tâm neh ntu.”

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Êsêkiêl 28:24

Ngih Israel mâu hôm geh tôt lok nau djơh mâu lah lok mplanh ƀư ji đŏng ôh, nây jêng lĕ bri dak chiau meng ơm ƀư đah păng ma nau mưch rmot. Rnôk nây, khân păng mra gĭt Gâp jêng Kôranh Brah Yêhôva.’”

Êsêkiêl 28:26

Khân păng mra gŭ đăp mpăn ta ntŭk nây, mra ndâk ngih jêh ri tăm play krăk ƀâu. Khân păng gŭ ta nây đăp mpăn tơlah Gâp hŏ ƀư jêh nau phat dôih Gâp tâm rdâng đah bri dak chiau meng khân păng, jêng phung hŏ ƀư jêh đah khân păng ma nau tâm rmot. Nôk nây, khân păng mra gĭt Gâp yơh jêng Yêhôva Brah Ndu khân păng.”

Êsêkiêl 29:16

Bri dak nây mâu hôm ƀư jêng ntŭk rnơm ăn ma ngih Israel đŏng ôh, ƀiălah Israel mra kah gĭt tay nau tih khân păng dôl khân păng plơ̆ dăn kơl ma bri dak nây. Nôk nây khân păng mra gĭt Gâp jêng Kôranh Brah Yêhôva.’”

Êsêkiêl 29:6

Rnôk nây, lĕ rngôch phung gŭ tâm n'gor Êjipt mra gĭt Gâp jêng Brah Yêhôva, yorlah may hŏ jêng mâng jra đah rpho ăn ma ngih Israel.

Êsêkiêl 29:9

N'gor bri Êjipt mra jêng rngol, nsoih dơm jêh ri khân păng mra gĭt Gâp jêng Brah Yêhôva.’ Yorlah Pharaôn geh lah jêh pô aơ: ‘Dak krong Nil jêng ndơ gâp, gâp hŏ njêng jêh păng.’

Êsêkiêl 30:14

Gâp mra ƀư ma ƀon Pathrôs jêng rngol; Su ƀon Sôan ma ŭnh, Jêh ri ƀư nau phat tât ma ƀon Thêbes.

Êsêkiêl 30:16

Gâp mra su n'gor bri Êjipt ma ŭnh, Ƀon Sin mra geh nau rngot toyh ngăn; Ƀon Thêbes bu mra ƀư rai, Jêh ri ƀon Nôp phung rlăng mra ƀư rai ta nôk nar.

Êsêkiêl 39:6

‘Rnôk aơ, Gâp mra njuăl ŭnh tŭp ma bri Magôk jêh ri ma phung gŭ nau mpăn tâm lĕ gôl dak mƀŭt jêh ri khân păng mra gĭt Gâp jêng Brah Yêhôva.

Amôt 1:10

Gâp mra njuăl ŭnh ta klơ mpêr ƀon Tyre, Ŭnh mra sa lĕ pôih nâp păng.”

Amôt 1:12

Gâp mra njuăl ŭnh ta klơ ƀon Têman, Ŭnh mra su rai lĕ pôih nâp ƀon Bôsra.”

Amôt 1:14

Gâp mra mpoh ŭnh su mpêr ƀon toyh Raba, Ŭnh mra su rai lĕ pôih nâp păng, Ta nklang nau lŭng nter tâm nar tâm lơh, Ta nklang phŭt chuănh tâm nar sial vănh blông;

Amôt 1:4

Gâp mra njuăl ŭnh tât tâm ngih Y-Hasael Gay ma ŭnh sa lĕ pôih nâp Y-Ben-Hadat.

Amôt 1:7

Gâp mra njuăl ŭnh ta klơ mpêr ƀon toyh Gaxa, Gay ăn ŭnh sa lĕ pôih nâp păng.

Amôt 2:2

Gâp mra njuăl ŭnh tât ta Môap, Ŭnh mra su rai lĕ pôih nâp ƀon Kêriôt. Môap mra khĭt tâm nau uh ah. Ta nklang bâr lŭng nter jêh ri uh nŭng.

Amôt 2:5

Gâp mra njuăl ŭnh tât ta Yuđa Ŭnh mra su rai lĕ pôih nâp ƀon Yêrusalem.”

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.