Êsêkiêl 30:5 - Nau Brah Ndu Ngơi 2023

⁵ Êthiôpi, Put, Lut, lĕ rngôch mpôl băl bunuyh tâm rlŭk, Kup jêh ri lĕ rngôch phung ƀon lan tâm bri dak tâm rnglăp, mra chôt khĭt yor đao ndrel ma Êjipt.’”

Êsêkiêl 30:5 ပူးပေါင်းရင်းမြစ်များ

II Nau Rêh Jêng 12:3

Bơh Êjipt, hađăch jă du rbăn bar rhiăng ndeh seh, prao rmưn tahan ncho seh jêh ri âk râk tahan hăn jâng phung Libi, phung Sukim, jêh ri phung Kus.

Êsai 18:1

Rêh ni ngăn ma bri neh rtuh năr nteh drơu drơu, Jêng bri neh đah ri dak krong bri Kus;

Êsai 20:4

tâm ban pônây lĕ, hađăch bri Asiri têk leo phung Êjipt jêh ri phung Kus ƀư bu nă bơh bri khân păng, phung druh ndăm jêh ri phung bu ranh, hăn săk hưl, jâng dơm, jêh ri mpơl n'gang bŭt, gay ƀư bêk ma bri Êjipt nâm bu pônây lĕ.

Yêrêmi 25:20

lĕ rngôch phung ƀon lan gŭ tâm rlŭk, lĕ rngôch hađăch n'gor bri Us, lĕ rngôch hađăch n'gor bri Philistin: nây jêng hađăch Askalôn, Gaxa, Êkron, jêh ri phung hôm e klen gŭ ta Asdôt;

Yêrêmi 25:24

lĕ rngôch phung hađăch Arabi, phung hađăch tâm lĕ bri dak jêng lĕ ƀon lan tâm rlŭk gŭ rêh tâm bri rdah;

Yêrêmi 44:27

Aơ, Gâp mra gŭ rngeh gay ƀư nau mhĭk tât ăn ma khân păng mâu di ƀư nau ueh ôh; lĕ rngôch phung bu klâu Yuđa dôl gŭ tâm bri Êjipt mra khĭt da dê ma đao jêh ri nau sât ji ngot kŏ tât khân păng rai lôch lĕ.

Yêrêmi 46:9

Seh ndơ tâm lơh, rduh ran tât; Ndeh seh tâm lơh, rduh hom! Phung tahan tâm lơh, ran rlet panăp; Phung n'gor Kus jêh ri n'gor Put djôt khêl, Phung n'gor Ludim blau sŏng pănh na.

Yêrêmi 50:37

Ăn tak đao tât ta klơ seh jêh ri ndeh seh, Ma lĕ rngôch phung ƀon lan gŭ tâm pot tâm nklang păng, Ƀư ma khân păng jêng bu ur! Ăn đao tât ma lĕ rngôch jay prăp drăp ndơ khlay, Ƀư ma khân păng bu ntŭng lĕ!

Êsêkiêl 27:10

Phung Persi, phung Lut, phung Put Ƀư tahan tâm lơh tâm phung tahan may; Khân păng yông khêl jêh ri môk tâm lơh ta klơ may, Jêh ri ƀư ăn ma may jêng nau chrêk rmah.

Êsêkiêl 38:5

Phung tahan Persi, phung Kus jêh ri phung Put mra gŭ ndrel khân păng, lĕ rngôch khân păng cheng khêl jêh ri ndô môk loih.

Daniel 11:43

Păng mra dơi chiă uănh lĕ ngih drăp mah prăk jêh ri lĕ rngôch ndơ khlay n'gor Êjipt. Phung Libi jêh ri phung Êthiôpi nchuăt tĭng hađăch nây da dê.

Sôphôni 2:12

“Bi khân may, hơi phung ƀon lan Kus! Khân may mra khĭt ma đao Gâp.”