Êsêkiêl 30:3 - Nau Brah Ndu Ngơi 2023

³ Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Êsêkiêl 30:3 ပူးပေါင်းရင်းမြစ်များ

Nau Mprơ Ơm 110:6

Păng mra phat dôih lĕ bri dak, Ƀư lam ntŭk bêng ma săk jăn bunuyh khĭt; Păng mra jot hăch Lĕ phung mât bôk tâm ăp n'gor bri.

Nau Mprơ Ơm 37:13

Ƀiălah Kôranh Brah mra gơm mưch rmot păng Yorlah saơ nar tâm rmal păng dăch tât.

Nau Ngluh Êjipt 14:20

gŭ ta vah vang rmlak tahan phung Êjipt jêh ri rmlak tahan phung Israel. Ndâr tŭk ƀư mpeh đah aơ geh nau ngo ƀiălah mpeh đah ri dơi sol ang rĭ dĭng tâm du măng nây bar đah ding phung nây mâu dơi tâm văch dăch ôh.

Nau Ngluh Êjipt 14:24

Kêng ơm ôi, Brah Yêhôva bơh n'gâng tŭk jêh ri n'gâng ŭnh gŭ uănh ma phung tahan Êjipt jêh ri ƀư ma khân păng uh ah.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 13:9

Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 19:1

Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Yêrêmi 25:31

Nau ngrông ngloh mra tât nglĕ dŭt rplay neh; Yorlah Brah Yêhôva tâm rdâng đah lĕ rngôch bri dak, Phat dôih lĕ rngôch nglay săk, Jao phung mhĭk ăn ma đao,’ Brah Yêhôva lah pônây.

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Êsêkiêl 29:12

Gâp mra ăn n'gor bri Êjipt jêng rngol ta nklang bri jêng rngol jêh ri lĕ rngôch ƀon păng mra rngot njăp gŭ ta nklang lĕ ƀon rngot njăp tâm puăn jât năm. Gâp mra ƀư ma phung Êjipt pru pra tâm lĕ phung ƀon lan jêh ri mprơh lơi khân păng du gŭ tâm lĕ bri dak.’

Êsêkiêl 30:18

Ta ƀon Tahpanhes nôk nar mra ngo klĕng, Tơlah Gâp nkê̆ch pă lĕ mâng mbăk phung Êjipt ta nây, Jêh ri nau dăng ktang bêng ma nau sưr rlau păng mra lôch dŭt. Păng mra geh du ndâr tŭk nkŭm ndâp, Phung kon bu ur păng mra hăn jêng bu nă.

Êsêkiêl 32:7

Tơlah Gâp buh nhhât may Gâp mra nkŭm lĕ ndâr trôk, Jêh ri ăn phung mănh klơ trôk jêng ngo klĕng; Nkŭm nar ma ndâr tŭk, Jêh ri khay mâu mra hôm nchrat ang đŏng ôh.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Êsêkiêl 7:10

Aơ, nar nây! Păng tât jêh! Mrô nal lĕ dăp nal jêh, mâng jra hŏ luh kao jêh, nau sưr lĕ chăt nse jêh.

Êsêkiêl 7:12

Mông hŏ tât jêh, nar lĕ dăch jêh! Nơm rvăt lơi ta răm, nơm tăch lơi ta rngot ôh, yorlah nau ji nuih dôl gŭ ma lĕ rngôch phung âk.

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Êsêkiêl 7:7

Hơi phung gŭ tâm n'gor bri, mrô hŏ nal ma may; rô̆ lĕ tât jêh, nar hŏ dăch jêh; mra geh nar nau uh ah ntrok nau troh hâk răm ta klơ yôk nâm.

Yôel 1:15

Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Apdia 1:15

Yorlah nar Brah Yêhôva hŏ dăch tât jêh ma lĕ rngôch bri dak. Aƀaơ, bu mra ƀư ma may di nâm bu may hŏ tă ƀư; Lĕ nau kan may ƀư mra nkhŭt tay ta bôk may nơm.

Sôphôni 1:14

“Nar toyh bơh Brah Yêhôva lĕ dăch tât jêh, Dăch ngăn jêh, păng tât gơnh ngăn ro. Geh bâr nter lah rêh ni ngăn tâm nar Brah Yêhôva, Nôk nây phung janh mra nter nhĭm tâm ban lĕ.

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Mathay 24:33

Tâm ban lĕ, tơlah khân may saơ lĕ nau nây, ri mơ gĭt pô aơ Kon Bunuyh văch dăch jêh, dôl gŭ dâk tanăp mpông.

Philip 4:5

Ăn hom lĕ rngôch bunuyh gĭt nau rdơ̆ rbăn khân may. Kôranh Brah văch dăch jêh!

Yakơ 5:9

Hơi phung oh nâu, lơi tâm nduyh ndrăng khân may nơm, gay ma khân may mâu geh nau phat dôih; ri, Nơm phat dôih dôl dâk ta bôk mpông.

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”