Êsêkiêl 3:8 - Nau Brah Ndu Ngơi 2023

⁸ Aơ Gâp mra ƀư ăn men dăng muh măt may gay tâm rdâng đah muh măt khân păng, jêh ri ndăr kleng may men dăng tâm rdâng đah ndăr kleng khân păng.

Êsêkiêl 3:8 ပူးပေါင်းရင်းမြစ်များ

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

Êsai 50:7

Kôranh Brah jêng Brah Yêhôva mra kơl Gâp, Yor ri Gâp mâu geh nau bêk ôh; Yor nây, Gâp ƀư muh măt Gâp kranh tâm ban ma lŭ, Yorlah Gâp gĭt, Gâp mâu geh du ntil ndơ bêk ôh.

Yêrêmi 1:18

Aơ nar aơ, Gâp nơm ndâk may hao ƀư du rplay ƀon nâp ktang, ƀư n'gâng loih, mpêr kông gay rdâng ma lĕ n'gor aơ, tâm rdâng lĕ hađăch Yuđa, lĕ phung kôranh, lĕ kôranh ƀư brah, jêh ri phung ƀon lan tâm n'gor.

Yêrêmi 15:20

Gâp mra njêng may Ƀư mpêr kông nâp ăn ma phung ƀon lan aơ, Khân păng mra tâm lơh đah may, Ƀiălah mâu dơi đah may ôh, Yorlah Gâp gŭ ndrel may Gay tâm rklaih may jêh ri ăn kon me may.” Brah Yêhôva lah pônây.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Êsêkiêl 3:7

Ƀiălah ngih Israel mâu mra iăt nau may ôh yorlah khân păng mâu ŭch iăt Gâp. Yorlah lĕ rngôch ngih Israel dăng bôk dăng nuih n'hâm da dê.

Êsêkiêl 3:9

Gâp ƀư ndăr kleng may dăng nâm bu lŭ diamôn, dăng lơn ma lŭ ŭnh. Lơi ta klach đah khân păng ôh, ăt mâu lĕ râm nsâr yor muh măt khân păng yorlah khân păng jêng ngih mơng vay tâm rdâng.”

Mika 3:8

Ƀiălah bi ma gâp, gâp bêng ler ma nau dăng, Nau di jêh ri nau nuih n'hâm janh Yor Huêng Brah bơh Brah Yêhôva Gay mbơh ma Yakôb gĭt nau păng ƀư tih, Jêh ri ma phung Israel gĭt nau tih păng.

ហេឞ្រើ 11:27

Yor ma nau chroh, păng du tă bơh n'gor Êjipt mâu klach ma nau hađăch ji nuih ôh; yorlah păng srôih nâm bu păng hŏ saơ jêh Nơm bu mâu blau saơ.