Êsêkiêl 3:7 - Nau Brah Ndu Ngơi 2023

⁷ Ƀiălah ngih Israel mâu mra iăt nau may ôh yorlah khân păng mâu ŭch iăt Gâp. Yorlah lĕ rngôch ngih Israel dăng bôk dăng nuih n'hâm da dê.

Êsêkiêl 3:7 ပူးပေါင်းရင်းမြစ်များ

Êsai 3:9

Muh măt khân păng tâm mpơl an nau tâm rdâng đah khân păng nơm; Khân păng nkoch rah vah nau tih khân păng nâm bu ƀon Sôdôm, Mâu mo ôh. Rêh ni ngăn ma huêng khân păng, Yorlah khân păng hŏ ƀư nau mhĭk ma khân păng nơm!

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yêrêmi 44:16

“Nau may ngơi jêh ma hên tâm amoh Brah Yêhôva, hên mâu mra iăt ôh.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 6:10

Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Yêrêmi 6:17

Gâp hŏ ndâk bunuyh gak njrăng khân may; ‘Rkêng hom tôr iăt bâr nŭng!’ Ƀiălah khân păng lah: ‘Phung hên mâu rkêng tôr iăt ôh!’

Yêrêmi 7:27

“Pônây, may mra ngơi ma khân păng lĕ rngôch nau aơ, ƀiălah khân păng mâu mra iăt may ôh. May mra kuăl, ƀiălah khân păng mâu plơ̆ sĭt lah.

Êsêkiêl 2:4

Nây jêng phung kon sau sưr dăng bôk Gâp prơh may hăn tât ma khân păng. Lah hom đah khân păng pô aơ: ‘Nau Yêhôva Brah Ndu lah pô aơ!’

Êsêkiêl 24:7

Yorlah mham păng pling jêh hôm e ta nklang păng; Păng pling mham nây ta klơ lŭ chrêk Mâu pling ôh ta neh Gay ăn ma ndruyh neh brôi lơi.

Êsêkiêl 3:6

Mâu lĕ prơh may hăn ma âk phung ndŭl mpôl ngơi jêr gĭt rbăng, bâr jêr iăt, ƀư ăn may mâu dơi gĭt rbăng ôh. Lah Gâp prơh may hăn tât ma khân păng, n'hêl nanê̆ khân păng mra iăt may.

Êsêkiêl 3:8

Aơ Gâp mra ƀư ăn men dăng muh măt may gay tâm rdâng đah muh măt khân păng, jêh ri ndăr kleng may men dăng tâm rdâng đah ndăr kleng khân păng.

Sakari 7:11

Ƀiălah khân păng dun mâu ŭch iăt, dăng bôk jêh ri ndôn kơi, nsêt lơi tôr khân păng nơm gay lơi ăn tăng ôh nau ngơi.

Sakari 7:12

Khân păng ƀư ăn nuih n'hâm jêng dăng nâm bu lŭ diamôn, gay mâu tăng nau vay jêh ri lĕ nau ngơi Brah Yêhôva ma phung tahan hŏ njuăl jêh ma Huêng Brah Păng ăn ma phung nơm mbơh lor kăl e ri. Yor nây Brah Yêhôva ma phung tahan geh nau ji nuih toyh ngăn.

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Luka 13:34

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng gay pôn lơi tâm dâng năr păng, ƀiălah khân may mâu ŭch ôh.

Luka 19:14

Ƀiălah phung ƀon lan păng ta bri nây tâm rmot ma păng, rĭ dĭng khân păng njuăl bunuyh mbơh tĭng pakơi păng jêh ri lah: ‘Hên mâu ŭch ôh ma bunuyh aơ chiă uănh hên!’

I Samuel 8:7

Brah Yêhôva lah ma Y-Samuel: “Gŭ iăt hom ma lĕ nau ngơi phung ƀon lan lah ma may, yorlah mâu di khân păng dun ma may ôh, ƀiălah dun ma Gâp, gay ma Gâp mâu hôm jêng hađăch khân păng đŏng ôh.