Êsêkiêl 3:4 - Nau Brah Ndu Ngơi 2023

⁴ Păng lah tay: “Hơi kon bunuyh, hăn hom ma ngih Israel jêh ri mbơh nau Gâp ngơi ăn ma khân păng.

Êsêkiêl 3:4 ပူးပေါင်းရင်းမြစ်များ

Êsêkiêl 11:25

Rnôk nây gâp nkoch tay ma phung bu mprơh du jêng bu nă lĕ rngôch nau Brah Yêhôva mpơl jêh ma gâp.

Êsêkiêl 11:4

Yor ri, mbơh lor hom nau tâm rdâng đah khân păng. Hơi kon bunuyh, mbơh lor hom!”

Êsêkiêl 2:3

Păng lah ma gâp: “Hơi kon bunuyh, Gâp prơh may hăn tât ma phung ƀon lan Israel, hăn tât ma phung vay mơng tâm rdâng đah Gâp. Khân păng jêh ri phung chô yau khân păng ƀư tih vay mơng tâm rdâng đah Gâp kŏ tât nar aơ.

Êsêkiêl 2:4

Nây jêng phung kon sau sưr dăng bôk Gâp prơh may hăn tât ma khân păng. Lah hom đah khân păng pô aơ: ‘Nau Yêhôva Brah Ndu lah pô aơ!’

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Êsêkiêl 20:27

Yor ri, hơi kon bunuyh, ngơi hom ma ngih Israel jêh ri lah ma khân păng: ‘Kôranh Brah Yêhôva lah: Phung chô yau khân may ngơi sưr jêh ma Gâp yorlah khân păng mâu răp jăp đah Gâp.

Êsêkiêl 3:11

Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Êsêkiêl 3:3

Păng lah: “Hơi kon bunuyh, sŏk hom ndrom samƀŭt klôt Gâp ăn may sa ăn hơm, ƀư ăn bêng ndŭl.” Pônây gâp sa jêh ri tâm trôm mbung saơ nau njŭng nâm bu dak sŭt.

Êsêkiêl 3:5

Gâp mâu prơh may hăn ôh ma phung bu năch ngơi nau jêr gĭt rbăng tât ma ngih Israel.

Mathay 15:24

Păng plơ̆ lah: “Bu njuăl Gâp văch, knŏng ma phung biăp nkhah du ngih Israel.”

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”