Êsêkiêl 3:3 - Nau Brah Ndu Ngơi 2023

³ Păng lah: “Hơi kon bunuyh, sŏk hom ndrom samƀŭt klôt Gâp ăn may sa ăn hơm, ƀư ăn bêng ndŭl.” Pônây gâp sa jêh ri tâm trôm mbung saơ nau njŭng nâm bu dak sŭt.

Êsêkiêl 3:3 ပူးပေါင်းရင်းမြစ်များ

Ndrom Samƀŭt bơh Yôp 23:12

Gâp mâu du ngai lĕ nau vay ntăm bơh bâr mbung Păng, Djôt prăp mro tâm nuih n'hâm gâp nau ngơi bơh bâr mbung Păng.

Nau Mprơ Ơm 119:103

Nau May ngơi jêng njŭng mpiăt gâp hâu ngăn! Nanê̆ njŭng lơn ma dak sŭt tâm trôm mbung gâp!

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Nau Mprơ Ơm 119:97

Gâp rŏng kơnh ngăn ngên ma nau vay May! Lĕ nar gâp gŭ mĭn ma nau vay nây.

Nau Mprơ Ơm 19:10

Lĕ nau nây khlay lơn ma mah, Nanê̆ ngăn khlay lơn ma mah chrêk; Njŭng lơn ma dak sŭt, Ngăn yơh njŭng lơn ma mpơng dak sŭt.

Nau Mprơ Ơm 19:11

Lĕ nau nây ntĭm nti ma oh mon Kôranh Brah; Mbu nơm djôt prăp păng mra geh nau nkhôm toyh.

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Yêrêmi 6:11

Yor nây, nuih n'hâm gâp prăp bêng ma nau ji nuih Brah Yêhôva, Gâp mâu dơi ât rklăk ôh. “Nkhŭt hom nau ji nuih nây ta klơ phung kon se ta trong sâng, Ta klơ phung ndăm dôl tâm rgum; Lĕ rngôch ur nđâp ma sai, Bu ranh jêh ri bunuyh âk năm bu mra nhŭp da dê.

Êsêkiêl 2:10

Păng pơk du ndrom samƀŭt nây tanăp gâp. Nây jêng ndrom samƀŭt geh nau nchih tâm trôm nđâp padih, nchih jêh ta nây nau ngơi nhĭm nhhiăng, nau klâng rvê, jêh ri nau rêh ni.

Êsêkiêl 2:8

Ƀiălah hơi kon bunuyh, iăt hom nau Gâp lah ma may. Lơi tâm rdâng ôh nâm bu ngih mơng vay tâm rdâng nây. Hă hom trôm mbung sa ndơ Gâp ăn ma may.”

Êsêkiêl 3:4

Păng lah tay: “Hơi kon bunuyh, hăn hom ma ngih Israel jêh ri mbơh nau Gâp ngơi ăn ma khân păng.

Yôhan 7:38

Mbu nơm chroh ma Gâp, ri mơ lĕ n'hor dak krong nau rêh mra hoch ler tă bơh tâm nuih n'hâm păng, di nâm Nau Brah Ndu Ngơi hŏ lah.”

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.