Êsêkiêl 3:27 - Nau Brah Ndu Ngơi 2023

²⁷ Ƀiălah tơlah Gâp lah ma may, Gâp mra pơk trôm mbung may jêh ri may mra lah ma khân păng pô aơ: ‘Yêhôva Brah Ndu lah kơt aơ: Mbu nơm ŭch iăt, iăt hom; mbu nơm mâu ŭch iăt, lơi ta iăt ôh! Yorlah khân păng jêng du rplay ƀon vay mơng tâm rdâng.’”

Êsêkiêl 3:27 ပူးပေါင်းရင်းမြစ်များ

Êsêkiêl 11:25

Rnôk nây gâp nkoch tay ma phung bu mprơh du jêng bu nă lĕ rngôch nau Brah Yêhôva mpơl jêh ma gâp.

Êsêkiêl 2:4

Nây jêng phung kon sau sưr dăng bôk Gâp prơh may hăn tât ma khân păng. Lah hom đah khân păng pô aơ: ‘Nau Yêhôva Brah Ndu lah pô aơ!’

Êsêkiêl 2:5

Nđâp lah khân păng iăt mâu lah mâu iăt nau may yorlah khân păng jêng ngih mơng vay tâm rdâng, khân păng mra gĭt geh jêh du huê nơm mbơh lor ta nklang khân păng.

Êsêkiêl 24:27

Tâm nar nây, trôm mbung may mra hă jêh ri ngơi ma nơm du klaih. May mra ngơi jêh ri mâu hôm jêng mlo đŏng ôh. May mra jêng du ntil ndơ tâm mbên ma khân păng jêh ri khân păng mra gĭt ma Gâp jêng Brah Yêhôva.”

Êsêkiêl 29:21

Tâm nar nây, Gâp mra ăn ngih Israel hon du nke, jêh ri Gâp mra ăn may hă mbung ta nklang khân păng jêh ri khân păng mra gĭt Gâp jêng Brah Yêhôva.”

Êsêkiêl 3:11

Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Êsêkiêl 3:26

Gâp mra ăn mpiăt may krêp ta rmlông trôm mbung; may mra mlo, mâu dơi nduyh khân păng ôh yorlah khân păng jêng du phung vay mơng tâm rdâng.

Êsêkiêl 3:9

Gâp ƀư ndăr kleng may dăng nâm bu lŭ diamôn, dăng lơn ma lŭ ŭnh. Lơi ta klach đah khân păng ôh, ăt mâu lĕ râm nsâr yor muh măt khân păng yorlah khân păng jêng ngih mơng vay tâm rdâng.”

Êsêkiêl 33:22

Rnôk nây, kêng mhaơ êlor ma bunuyh klaih nây văch tât, ti Brah Yêhôva dra ta gâp jêh ri Păng hŏ pơk mbung gâp êlor bunuyh klaih nây văch tât kêng ôi. Pônây bâr mbung gâp dơi hă gâp mâu hôm mlo đŏng ôh.

Êsêkiêl 33:32

Aơ, khân păng uănh may nâm bu du huê nuyh blau mprơ, geh bâr ueh jêh ri blau kreh gong rêng; khân păng iăt nau may lah ƀiălah khân păng mâu tĭng ƀư ôh.

Mathay 11:15

Mbu nơm geh tôr, iăt hom!

Mathay 13:9

Mbu nơm geh tôr, rkêng iăt hom!”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Êphêsô 6:19

Dăn mbơh sơm đŏng ma gâp, gay tơlah gâp hă mbung, Brah Ndu ăn ma gâp geh nau nti lah, jêh ri gâp nănh mbơh nau khlay ndâp bơh Nau Mhe Mhan Ueh;