Êsêkiêl 3:26 - Nau Brah Ndu Ngơi 2023

²⁶ Gâp mra ăn mpiăt may krêp ta rmlông trôm mbung; may mra mlo, mâu dơi nduyh khân păng ôh yorlah khân păng jêng du phung vay mơng tâm rdâng.

Êsêkiêl 3:26 ပူးပေါင်းရင်းမြစ်များ

Nau Mprơ Ơm 137:6

Tơlah gâp mâu kah gĭt đah may, Mâu uănh Yêrusalem jêng nau răm maak toyh ma gâp, Ăn mpiăt gâp krêp đah rmlông trôm mbung gâp!

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Yêrêmi 1:17

Ƀiălah du huê kon, vân hom rse bŭt jêh ri gơnh ro ngơi đah khân păng ăp ntil nau Gâp ntăm jêh ăn may. Lơi ta klach krit ôh khân păng klach lah Gâp nơm yơh ƀư ăn may klach krit tanăp măt khân păng.

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Êsêkiêl 12:3

Pônây hơi kon bunuyh, ndrăp hom ndô ndơ may djôt leo du hăn jêng bu nă jêh ri du trơn nôk nar tanăp măt khân păng. Ƀư hom nâm ƀư bu nă, hăn tă bơh ntŭk may gŭ tât du ntŭk êng tanăp măt khân păng. Ndâp tơlah khân păng jêng ngih tâm rdâng kđôi, ƀiălah gĭt khân păng mra mĭn tay.

Êsêkiêl 24:27

Tâm nar nây, trôm mbung may mra hă jêh ri ngơi ma nơm du klaih. May mra ngơi jêh ri mâu hôm jêng mlo đŏng ôh. May mra jêng du ntil ndơ tâm mbên ma khân păng jêh ri khân păng mra gĭt ma Gâp jêng Brah Yêhôva.”

Êsêkiêl 33:22

Rnôk nây, kêng mhaơ êlor ma bunuyh klaih nây văch tât, ti Brah Yêhôva dra ta gâp jêh ri Păng hŏ pơk mbung gâp êlor bunuyh klaih nây văch tât kêng ôi. Pônây bâr mbung gâp dơi hă gâp mâu hôm mlo đŏng ôh.

Daniel 10:15

Tâm dôl păng ngơi ma gâp lĕ nau nây, gâp chŭn măt ta neh jêh ri jêng mlo.

Ndrom Samƀŭt bơh Ôsê 4:17

Êphraim tâm rnglăp đah rup brah, Lơi kđôi păng!

Ndrom Samƀŭt bơh Ôsê 4:4

Nđâp tơlah pônây lơi ăn du huê tâm rlăch ôh, Lơi ăn geh bunuyh nduyh ôh! Yorlah phung ƀon lan may nâm bu phung tâm rlăch đah kôranh ƀư brah.

Amôt 5:10

Khân păng tâm rmot ma nơm nduyh khân păng ta mpông ƀon, Jêh ri khân păng ntêh rmot ma nơm nănh ngơi nau nanê̆ ngăn.