Êsêkiêl 3:21 - Nau Brah Ndu Ngơi 2023

²¹ Ƀiălah, tơlah may mbơh ăn nơm sŏng srăng lơi ta ƀư tih ôh, jêh ri bunuyh nây mâu ƀư tih ôh n'hêl nanê̆ bunuyh nây mra rêh yorlah iăt jêh nau mbơh lor, jêh ri may mra tâm rklaih jêh huêng may nơm.”

Êsêkiêl 3:21 ပူးပေါင်းရင်းမြစ်များ

Nau Mprơ Ơm 19:11

Lĕ nau nây ntĭm nti ma oh mon Kôranh Brah; Mbu nơm djôt prăp păng mra geh nau nkhôm toyh.

Nau Hôr 17:10

Nau nduyh lăp jru tâm bunuyh geh nau gĭt rbăng Rlau lơn rhiăng tơ̆ dong bunuyh rluk.

Nau Hôr 9:9

Ăn hom nau ƀŭn lap ma bunuyh blau mĭn, păng mra blau mĭn lơn; Sâm nti hom ma bunuyh sŏng srăng, păng mra ntop nau gĭt blau lơn.

Êsêkiêl 33:9

Ƀiălah, tơlah may hŏ mbơh jêh ma phung mhĭk chalơi lĕ trong djơh mhĭk păng ƀiălah păng mâu ŭch lơi ôh, păng mra khĭt tâm nau djơh mhĭk păng ƀiălah may hŏ rklaih jêh nau rêh may nơm.

Kôranh Oh Mon 20:31

Pôri, rngeh njrăng hom, kah gĭt tay dôl tâm pe năm, măng jêh ri nar, gâp mâu rlu ôh hoch dak măt gay ntĭm nti ma lĕ rngôch bunuyh.

I Kôrintô 10:12

Pôri, mbu nơm mĭn păng dâk nâp, djôt prăp hom klach prah jŭr.

I Kôrintô 4:14

Gâp nchih nau nây mâu di gay ƀư ma khân may bêk prêng ôh, ƀiălah gay ma đă khân may nâm bu phung kon gâp rŏng ngăn ngên.

Kôlôh 1:28

Păng yơh jêng Nơm hên mbơh nkoch. Hên sŏk lĕ nau blau mĭn gay mbơh lor lĕ rngôch bunuyh, ntĭm nti lĕ rngôch bunuyh, gay mpơl lĕ rngôch bunuyh jêng rah vah ngăn tâm Brah Krist.

I Têsalônik 5:14

Hơi oh nâu, dăn khân may đă hom phung kơr ƀlao, n'hao nuih n'hâm phung rdja, srôih đah lĕ rngôch bunuyh.

I Timôthê 4:16

Njrăng hom ma may nơm jêh ri ma nau may nti lah; srôih tâm lĕ rngôch nau nây, yorlah ƀư tâm ban pônây, may nơm jêh ri phung gŭ iăt may geh nau rklaih da dê.

Titus 2:15

May nti hom lĕ nau nây, sŏk nau dơi gay nti nkah jêh ri nduyh. Lơi ăn du huê bunuyh mưch rmot ma may.

Yakơ 5:20

ăn khân may gĭt, mbu nơm leo du huê bunuyh tih plơ̆ tay bơh trong vĭ nhhơt, jêng rklaih huêng bunuyh nĕ tă bơh nau khĭt jêh ri âk nau tih păng bu mra yô̆ an.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!