Êsêkiêl 3:19 - Nau Brah Ndu Ngơi 2023

¹⁹ Ƀiălah, tơlah may lah lor ma nơm mhĭk ƀiălah păng mâu chalơi nau ƀư mhĭk ndrel trong nau djơh mhĭk păng, păng mra khĭt tâm nau tih păng, ƀiălah may mra dơi tâm rklaih huêng may nơm.

Êsêkiêl 3:19 ပူးပေါင်းရင်းမြစ်များ

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Êsêkiêl 14:14

nđâp lah tâm bri nây geh pe nuyh aơ jêng Y-Nôê, Y-Daniel jêh ri Y-Yôp, khân păng dơi tâm rklaih knŏng huêng khân păng nơm yor nau sŏng srăng khân păng, Brah Yêhôva lah pônây.

Êsêkiêl 14:20

nđâp lah geh Y-Nôê, Y-Daniel jêh ri Y-Yôp gŭ tâm bri nây, Kôranh Brah Yêhôva lah, ngăn nâm bu Gâp gŭ rêh mro mrăng, khân păng tâm ban lĕ mâu dơi tâm rklaih ôh du huê kon bu ur mâu lah kon bu klâu khân păng, ƀiălah knŏng dơi tâm rklaih nau rêh khân păng nơm yor nau sŏng srăng khân păng dơm.

Êsêkiêl 3:18

Lah Gâp lah ma bunuyh mhĭk: ‘Nanê̆ ngăn may mra khĭt!’ Tơlah may mâu mbơh ôh ma păng, mâu ngơi đah păng, jêh ri mâu buay ôh păng chalơi trong djơh mhĭk gay ma tâm rklaih nau rêh may, pôri nơm djơh mhĭk nây mra khĭt tâm nau tih păng, ƀiălah Gâp mra ăn krêp mham păng ta ti may.

Êsêkiêl 3:21

Ƀiălah, tơlah may mbơh ăn nơm sŏng srăng lơi ta ƀư tih ôh, jêh ri bunuyh nây mâu ƀư tih ôh n'hêl nanê̆ bunuyh nây mra rêh yorlah iăt jêh nau mbơh lor, jêh ri may mra tâm rklaih jêh huêng may nơm.”

Êsêkiêl 33:3

bunuyh nây saơ đao tât tâm bri dak păng uh nŭng gay mbơh ma phung ƀon lan.

Êsêkiêl 33:5

Yorlah păng hŏ tăng jêh bâr nŭng ƀiălah mâu ŭch njrăng ôh yor nây mham păng mra nkhŭt ta bôk păng. Ƀiălah tơlah păng iăt nau mbơh ri mơ dơi rklaih nau rêh păng nơm.

Êsêkiêl 33:9

Ƀiălah, tơlah may hŏ mbơh jêh ma phung mhĭk chalơi lĕ trong djơh mhĭk păng ƀiălah păng mâu ŭch lơi ôh, păng mra khĭt tâm nau djơh mhĭk păng ƀiălah may hŏ rklaih jêh nau rêh may nơm.

Kôranh Oh Mon 20:26

Yor nây, nar aơ gâp lah ngăn tanăp khân may, gâp mâu geh nau tih ma mham lĕ rngôch khân may.

I Têsalônik 4:6

Tâm ntil nau aơ, lơi ăn geh bunuyh ƀư tih, mâu lah ndơm oh nâu păng nơm; yorlah Kôranh Brah jêng Nơm phat dôih tâm rmal ma lĕ nau nây, nâm bu hên hŏ lah lor jêh ri mbơh jêh ma khân may.

I Timôthê 4:16

Njrăng hom ma may nơm jêh ri ma nau may nti lah; srôih tâm lĕ rngôch nau nây, yorlah ƀư tâm ban pônây, may nơm jêh ri phung gŭ iăt may geh nau rklaih da dê.

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.