Êsêkiêl 3:13 - Nau Brah Ndu Ngơi 2023

¹³ Gâp tăng đŏng nau nteh bơh rpuh nting năr mpa rêh rpuh ndrăng khân păng, nteh jâng ndeh kêng pŭng lĕ mpa rêh nây jêh ri nteh n'găr neh ntu ktang ngăn.

Êsêkiêl 3:13 ပူးပေါင်းရင်းမြစ်များ

II Samuel 5:24

Jêh ri tơlah may tăng nteh jâng nhuat ta klơ chiông tơm si balsam, rnôk nây rduh lơh gơnh hom, yorlah nôk nây yơh, Brah Yêhôva mra hăn panăp may gay lơh đah phung tahan Philistin.”

I Phung Hađăch 7:30

Tâm ăp mlâm ndơl geh puăn mlâm jâng ndeh ma kông nđâp ma mâng rnung ma kông. Ta puăn njônh ndơl nây geh lĕ jâng meh gay ndăl ngan grưng dak, nđâp ma lĕ rvang kao ta meng ăp jâng meh.

Êsêkiêl 1:15

Dôl gâp uănh ma puăn mlâm mpa nây, gâp saơ ta neh geh du mlâm jâng ndeh gŭ êp ta meng puăn mlâm mpô mpa rêh nây, ăp mpa rêh tâm puăn pŭng geh du mlâm jâng ndeh da dê.

Êsêkiêl 1:24

Tơlah khân păng hăn leo panăp, gâp tăng nteh rpuh lĕ nting năr khân păng nâm bu nteh dak hoch djhut djhut, nâm bu bâr Nơm Geh Lĕ Nau Brah, nteh drơu drơu phung tahan. Tơlah khân păng gŭ nsrŭng, nting năr khân păng nhop.

Êsêkiêl 10:5

Nteh rpuh nting năr chêrubim bu tăng kŏ tât ta nkual nhuang padih nâm bu bâr Brah Ndu Geh Lĕ Nau Brah tơlah Păng lah.