Êsêkiêl 3:12 - Nau Brah Ndu Ngơi 2023

¹² Rnôk nây Huêng Brah chông gâp leo klơ jêh ri gâp tăng nau nteh mpât ktang ngăn pakơi gâp pô aơ: “Khư tâm rnê ma nau chrêk rmah Brah Yêhôva tă bơh tâm ntŭk Păng dôl gŭ!”

Êsêkiêl 3:12 ပူးပေါင်းရင်းမြစ်များ

I Phung Hađăch 18:12

Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

II Phung Hađăch 2:16

jêh ri lah: “Aơ, tâm phung oh mon may geh prăm jât bunuyh dăng ktang. Dăn ăn khân păng hăn joi kôranh may. Klăp lah Huêng Brah Yêhôva djôt leo jêh păng hao jêh nây dơm păng ta klơ yôk mâu lah tâm rlŭng?” Y-Êlisê plơ̆ lah: “Lơi đă khân păng hăn.”

Nau Mprơ Ơm 148:2

Hơi phung tông mpăr Păng, tâm rnê hom ma Păng! Hơi lĕ rngôch phung tahan Păng tâm trôk, tâm rnê hom ma Păng!

Nau Mprơ Ơm 26:8

Ơ Brah Yêhôva, gâp rŏng ngih May gŭ, Jêh ri ntŭk chrêk rmah May.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Êsêkiêl 10:4

Nau chrêk rmah Brah Yêhôva hao du klơ tă bơh chêrub jêh ri dâk ta ntŭk kađar lăp mpông sâng ngih brah. Ngih brah bêng ndâr tŭk jêh ri tâm nkual nhuang bêng nau chrat ang chrêk ma lơp Brah Yêhôva.

Êsêkiêl 11:1

Huêng Brah chông gâp leo klơ jêh ri njŭn tât mpông pêr Pa lơ ngih Brah Yêhôva mpeh luh nar. Aơ, ntŭk lăp mpông pêr, gâp saơ geh bar jât ma prăm nuyh, tâm nây geh Y-Jasania, kon bu klâu Y-Asur, jêh ri Y-Pêlatia, kon bu klâu Y-Bênaya, jêng phung kôranh chiă uănh ƀon lan da dê.

Êsêkiêl 2:2

Păng lah ma gâp pônây Huêng Brah lăp gŭ tâm gâp, ƀư ăn jâng gâp dâk jêh ri gâp tăng Nơm dôl ngơi ma gâp.

Êsêkiêl 3:11

Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Êsêkiêl 43:4

Chrêk ma lơp Brah Ndu lăp tâm ngih brah rgăn ta mpông pêr mpeh luh nar.

Êsêkiêl 43:5

Huêng Brah chông gâp leo klơ jêh ri njŭn gâp lăp nkual tâm trôm, jêh ri nau chrêk ma lơp Brah Yêhôva bêng ngih brah.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Êsêkiêl 9:3

Nau chrêk rmah Brah Ndu Israel hao trơn bơh Chêrub jêng ntŭk păng vay gŭ hăn tât ta kađar lăp mpông sâng ngih brah. Brah Yêhôva kuăl bunuyh nsoh ao bok mhay, gang bŭt văn hip ndơ nchih

Kôranh Oh Mon 2:2

Ƀât lât, geh nteh tă bơh trôk tâm ban ma nteh sial khôm hut hut, bêng ngih khân păng gŭ tâm rƀŭn.

Kôranh Oh Mon 8:39

Dôk khân păng hao du luh tă bơh dak, Brah Huêng Ueh Kôranh Brah sŏk Y-Philip hăn; kôranh char mâu gĭt saơ păng ôh, jêh ri păng hăn tay ma nau maak.

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng

Nau Tâm Mpơl 1:15

jâng păng nâm bu kông tho chrêk hŏ ƀư kloh jêh tâm ŭnh năk; bâr Păng nâm bu nteh n'gôr âk n'hor dak.

Nau Tâm Mpơl 19:6

Jêh nây gâp tăng geh nteh nâm bu nteh du mpôl bunuyh âk ngăn, nâm bu nteh n'gôr âk n'hong dak, nâm bu nteh nglaih ktang, lah: “Halêluya! Yorlah Kôranh Brah he jêng Brah Ndu Geh Lĕ Nau Brah chiă uănh.