Êsêkiêl 3:11 - Nau Brah Ndu Ngơi 2023

¹¹ Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Êsêkiêl 3:11 ပူးပေါင်းရင်းမြစ်များ

Nau Ngluh Êjipt 32:7

Brah Yêhôva lah ma Y-Môis: “Jŭr hom, yorlah phung ƀon lan may ngluh jêh bơh n'gor Êjipt hŏ mhĭk jêh.

Yêrêmi 29:20

Ƀiălah, ơ khân may jêng phung bu nă Gâp hŏ njŭn bơh Yêrusalem tât ma bri Babilôn, iăt hom nau Brah Yêhôva;

Êsêkiêl 2:4

Nây jêng phung kon sau sưr dăng bôk Gâp prơh may hăn tât ma khân păng. Lah hom đah khân păng pô aơ: ‘Nau Yêhôva Brah Ndu lah pô aơ!’

Êsêkiêl 2:5

Nđâp lah khân păng iăt mâu lah mâu iăt nau may yorlah khân păng jêng ngih mơng vay tâm rdâng, khân păng mra gĭt geh jêh du huê nơm mbơh lor ta nklang khân păng.

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Êsêkiêl 20:27

Yor ri, hơi kon bunuyh, ngơi hom ma ngih Israel jêh ri lah ma khân păng: ‘Kôranh Brah Yêhôva lah: Phung chô yau khân may ngơi sưr jêh ma Gâp yorlah khân păng mâu răp jăp đah Gâp.

Êsêkiêl 3:10

Păng lah đŏng ma gâp pô aơ: “Hơi kon bunuyh, dơn hom tâm nuih n'hâm jêh ri iăt ma trôm tôr lĕ rngôch nau Gâp mra ngơi ma may.

Êsêkiêl 3:12

Rnôk nây Huêng Brah chông gâp leo klơ jêh ri gâp tăng nau nteh mpât ktang ngăn pakơi gâp pô aơ: “Khư tâm rnê ma nau chrêk rmah Brah Yêhôva tă bơh tâm ntŭk Păng dôl gŭ!”

Êsêkiêl 3:15

Gâp hăn tât ma phung bu mprơh jêng bu nă gŭ ta ƀon Têlavip, gŭ ta kơh dak krong Kêbar. Gâp nsrŭng ta ntŭk khân păng dôl gŭ jêh ri gŭ ta nây ndrel ma khân păng tâm pơh nar, nuih n'hâm bêng ma nau rngot.

Êsêkiêl 3:27

Ƀiălah tơlah Gâp lah ma may, Gâp mra pơk trôm mbung may jêh ri may mra lah ma khân păng pô aơ: ‘Yêhôva Brah Ndu lah kơt aơ: Mbu nơm ŭch iăt, iăt hom; mbu nơm mâu ŭch iăt, lơi ta iăt ôh! Yorlah khân păng jêng du rplay ƀon vay mơng tâm rdâng.’”

Êsêkiêl 33:12

Bi ma may, hơi kon bunuyh, lah hom ma phung ƀon lan may pô aơ: Nau sŏng may nau sŏng mâu mra tâm rklaih păng ôh tơlah păng ƀư tih, jêh ri nau mhĭk nơm mhĭk mâu mra ƀư ăn păng rdja tơlah păng hŏ chalơi jêh nau mhĭk nây. Bunuyh sŏng srăng mâu mra yor tă nau sŏng srăng păng ơm geh dơi rêh tâm nar păng ƀư tih.

Êsêkiêl 33:17

Ƀiălah phung mpôl băl may lah pô aơ: ‘Trong Kôranh Brah mâu sŏng ôh’ ƀiălah trong khân păng mâu sŏng ôh.

Êsêkiêl 33:2

“Hơi kon bunuyh, lah hom ma phung ƀon lan may mbơh lah pô aơ: ‘Tơlah Gâp ăn đao tât ma du n'gor bri, jêh ri ƀon lan tâm bri nây săch du huê nuyh gay ƀư bunuyh gak njrăng;

Êsêkiêl 33:30

Hơi kon bunuyh, phung ƀon lan may gŭ n'gŏ mpêr ƀon jêh ri nkoch may tanăp mpông ngih; khân păng tâm ngơi ndrăng khân păng nơm, nơm aơ đă nơm ri: ‘Ăn văch hom iăt nau mbơh tă bơh Brah Yêhôva.’

Êsêkiêl 37:18

Tơlah phung ƀon lan may ôp: ‘May mâu mra rblang nau tâm ntĭt aơ ma hên moh lĕ ntil nau nây?’

Daniel 12:1

“Tâm rnôk nây, tông mpăr toyh Mikel, nơm king n'gang ma phung ƀon lan may mra dâk. Jêh ri mra geh du rơh uh ah mâu mâp saơ ôh bơh ntơm ndâk njêng bri dak kŏ tât ta rnôk nây. Ƀiălah rnôk nây lĕ, mbu nơm tâm phung ƀon lan may geh amoh tâm ndrom samƀŭt ri mra dơi geh nau tâm rklaih.

Daniel 6:13

Khân păng plơ̆ lah ma hađăch: “Tâm phung bu nă tă bơh Yuđa geh Y-Daniel mâu chrê ma may ôh. Ơ hađăch, nđâp lah ma nau buay may nchih amoh jêh, păng ăt mbơh sơm pe tơ̆ ăp nar.”

Nau Vay Nkah Tay 9:12

Brah Yêhôva lah ma gâp: ‘Dâk hom, jŭr gơnh bơh ntŭk aơ yorlah phung ƀon lan may njŭn jêh luh bơh n'gor Êjipt hŏ ƀư jêng nau tih mhĭk. Khân păng hŏ chalơi gơnh trong Gâp hŏ ntĭm nti jêh, jêh ri tŏ ma khân păng nơm du mlâm rup brah.’