Êsêkiêl 3:10 - Nau Brah Ndu Ngơi 2023

¹⁰ Păng lah đŏng ma gâp pô aơ: “Hơi kon bunuyh, dơn hom tâm nuih n'hâm jêh ri iăt ma trôm tôr lĕ rngôch nau Gâp mra ngơi ma may.

Êsêkiêl 3:10 ပူးပေါင်းရင်းမြစ်များ

Ndrom Samƀŭt bơh Yôp 22:22

Sŏk dơn hom nau vay tă bơh trôm mbung Păng, Nchih prăp nau Păng ngơi tâm nuih n'hâm may.

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Nau Mprơ Ơm 85:9

Nanê̆ nau Păng tâm rklaih gŭ dăch phung klach yơk ma Păng, Gay ma nau chrêk rmah Păng dơi gŭ tâm n'gor bri he mro.

Nau Hôr 19:20

Iăt hom nau bu ntĭm jêh ri sŏk dơn nau ntĭm nti, Gay nglĕ dŭt, may dơi geh nau blau mĭn.

Nau Hôr 8:10

Dơn hom nau gâp ntĭm nti ueh lơn ma dơn prăk, Sŏk dơn nau blau mĭn rlau lơn ma mah ngăn;

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Êsêkiêl 2:8

Ƀiălah hơi kon bunuyh, iăt hom nau Gâp lah ma may. Lơi tâm rdâng ôh nâm bu ngih mơng vay tâm rdâng nây. Hă hom trôm mbung sa ndơ Gâp ăn ma may.”

Êsêkiêl 3:11

Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Êsêkiêl 3:9

Gâp ƀư ndăr kleng may dăng nâm bu lŭ diamôn, dăng lơn ma lŭ ŭnh. Lơi ta klach đah khân păng ôh, ăt mâu lĕ râm nsâr yor muh măt khân păng yorlah khân păng jêng ngih mơng vay tâm rdâng.”

Luka 8:15

Ƀiălah lĕ grăp tŭp tâm neh ueh jêng phung bunuyh tăng djôt prăp nau Brah Ndu Ngơi nuih n'hâm nanê̆ jêh ri mĭn ueh, bơh nau nsrôih dơi geh play.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.