Êsêkiêl 28:7 - Nau Brah Ndu Ngơi 2023

⁷ Yor nây, Gâp mra ƀư ăn ma phung bu năch djơh lơn tâm lĕ bri dak Dâk tâm rdâng đah may; Khân păng mra tăk đao tâm rdâng đah nau gĭt rbăng nau ueh may, Ƀư ƀơ̆ nau chrêk rmah may.

Êsêkiêl 28:7 ပူးပေါင်းရင်းမြစ်များ

Nau Mprơ Ơm 89:44

May ƀư lôch nau chrêk rmah păng, Klŭp lơi sưng hađăch păng ta neh.

Êsêkiêl 28:17

Nuih n'hâm may sưr rlau yor nau ueh may, Jêh ri yor nau chrêk rmah may ƀư ăn djơh nau blau mĭn may nơm. Gâp nklơ̆ may tâm neh, Dơm may panăp măt phung hađăch, Ƀư nau pâl ăn khân păng uănh.

Êsêkiêl 30:10

Kôranh Brah Yêhôva lah: ‘Gâp mra dŏng ti Nêbukatnetsar, hađăch Babilôn, Gay ƀư rai lơi phung bunuyh âk n'gor Êjipt.

Êsêkiêl 30:11

Hađăch nây ndrel ma phung ƀon lan păng jêng phung djơh mhĭk tâm lĕ phung mpôl băl bunuyh, Mra dơi leo lăp gay ƀư rai bri dak. Khân păng mra tŏk đao tâm lơh đah Êjipt Jêh ri ƀư ma bri dak aơ bêng ma săk jăn khĭt.

Êsêkiêl 31:12

Du phung djơh janh lơn tâm lĕ rngôch phung bu năch mra kăl păng jêh ri chalơi. Đơ n'gĭng păng tŭp lĕ klơ yôk jêh ri tâm lĕ rngôch rlŭng; lĕ n'gĭng păng lĕ pă ntŭk kơh dak tâm n'gor jêh ri lĕ rngôch ƀon lan ta neh ntu der ngai tă bơh n'hâm păng jêh ri chalơi păng.

Êsêkiêl 32:12

Gâp mra ăn ma phung ƀon lan âk râk may mra chôt khĭt Tâm dâng mpiăt đao phung ƀai, Jêng phung djơh mhĭk lơn tâm lĕ rngôch phung ƀon lan. Khân păng mra dong nchah nau sưr rlau phung Êjipt Jêh ri lĕ rngôch phung ƀon lan âk păng mra rai lôch da dê.

Êsêkiêl 7:24

Gâp mra njŭn leo lĕ bunuyh mhĭk lơn tâm lĕ rngôch phung bu năch gay ŭch pit in ngih khân păng. Gâp mra ƀư ma nau sưr nơm ktang lơn bu mra nhhât; lơi; lĕ ntŭk kloh ueh khân păng mra ƀư ƀơ̆ lơi.

Daniel 7:7

Jêh ma nây, tâm nau tâm saơ dôl măng gâp saơ tay du mlâm mpô mpa rơh puăn, uănh janh, krit ngăn jêh ri ktang ngăn. Păng geh neng loih toyh; păng rvăn jêh ri ƀư nchah, jêh nây jot plên ma jâng ndơ hôm e. Păng jêng êng đah lĕ mpô mpa tât lor jêh ri păng geh jât mlâm nke.

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?