Êsêkiêl 28:4 - Nau Brah Ndu Ngơi 2023

⁴ May hŏ dơi ndrŏng jêh Yor nau gĭt blau jêh ri nau gĭt rbăng may nơm; May hŏ prăp bun jêh prăk mah Tâm ngih prăp drăp may.

Êsêkiêl 28:4 ပူးပေါင်းရင်းမြစ်များ

Nau Hôr 18:11

Drăp ndơ bunuyh ndrŏng jêng pôih nâp ngăn ma păng, Jêng pêr prêh tâm nau mĭn lor bơh nơm nây.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

Êsai 10:13

Yorlah hađăch Asiri lah pô aơ: ‘Gâp ƀư lĕ nau nây ma nau ktang tâm ti gâp Jêh ri ma nau blau mĭn gâp, yorlah gâp geh nau gĭt mĭn. Gâp lĕ ngroh lơi jêh n'har bri neh phung ndŭl mpôl bunuyh, Jêh ri pit in lĕ jay ndơ khlay khân păng. Tâm ban ma du huê janh ktang, Gâp hŏ n'glưh nsot phung hađăch

Yêrêmi 49:4

Ơ kon bu ur mâu geh răp jăp ri, Mâm ƀư khân may ntưih ir ma ntŭk rlŭng, Lĕ rngôch ntŭk rlŭng geh jêng may? May rnơm nsing ma ngih bun drăp ndơ khlay may nơm, Yor nây lah pô aơ: ‘Mbu nơm nănh văch tâm lơh đah gâp?’”

Êsêkiêl 27:33

Tơlah drăp ndơ may tăch luh tă bơh dak mƀŭt, May hŏ ƀư ma phung ƀon lan hơm mpay; Yor drăp ndơ jêh ri ndơ tăch ƀrư̆ nar geh âk rmeh, May hŏ ƀư ndrŏng ăn ma phung hađăch ta neh ntu.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Daniel 5:11

Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

Habakuk 1:16

Yor nây, khân păng nhhơr mpa ƀư brah ma yŭ jal, Jêh ri su ndơ ƀâu kah ăn ma nhuăl; Yorlah ma yŭ jal khân păng geh ndơ sa lay rmŏng Jêh ri geh ndơ sông sa rmeh ler.