Êsêkiêl 27:18 - Nau Brah Ndu Ngơi 2023

¹⁸ Yorlah may geh âk ntil ndơ, drăp ndơ rmeh rmai yor ri yơh phung Damas sŏk ndrănh krăk ƀâu tă bơh Helbôn jêh ri rsau biăp nglang tâm rgâl đah may.

Êsêkiêl 27:18 ပူးပေါင်းရင်းမြစ်များ

Nau Ntơm 14:15

Y-Abram tâm pă tahan, nôk măng ăn phung oh mon hăn lơh jêh ri hăn tĭng lơh phung rlăng tât ta ƀon Hôba, gŭ mpeh bơh lơ ƀon Damas.

Nau Ntơm 15:2

Ƀiălah Y-Abram ơh: “Hơi Kôranh Brah jêng Brah Yêhôva, moh ndơ May mra ăn ma gâp? Gâp mâu geh ôh oh kon, jêh ri bunuyh ndơn drăp gâp jêng Y-Êliêser, bunuyh Damas.”

Êsai 7:8

Yorlah bôk Aram jêng Damas, Bôk Damas jêng Y-Rêsin. (Tâm prao jât ma prăm năm, phung Êphraim mra rai, khân păng mâu hôm jêng du phung ƀon lan đŏng ôh).

Yêrêmi 49:23

Ma bri Damas: “Ƀon Hamat jêh ri ƀon Arpat geh nau prêng da dê, Yorlah khân păng tăng jêh nau mhĭk; Khân păng djoh nuih n'hâm, khân rung răng nâm bu rbuh dak lêng, Mâu ŭch gŭ rngân ôh.

Êsêkiêl 27:19

Phung Vêdan jêh ri Javan bơh Usan văch tâm rgâl drăp ndơ đah may; khăn păng djôt loih bu krĕt, tơm si kasia, jêh ri tơm si calamôs gay ma rgâl ndrăp ndơ.

Êsêkiêl 27:33

Tơlah drăp ndơ may tăch luh tă bơh dak mƀŭt, May hŏ ƀư ma phung ƀon lan hơm mpay; Yor drăp ndơ jêh ri ndơ tăch ƀrư̆ nar geh âk rmeh, May hŏ ƀư ndrŏng ăn ma phung hađăch ta neh ntu.

Kôranh Oh Mon 9:2

dăn samƀŭt nkoch lor ma phung ngih rƀŭn ta ƀon Đamas, gay ma tơlah tâm mâp mbu moh jêng Bunuyh Nau Chroh, mâu kơp bu ur mâu lah bu klâu, păng mra nhŭp chăp têk leo khân păng ta ƀon Yêrusalem.