Êsêkiêl 27:17 - Nau Brah Ndu Ngơi 2023

¹⁷ N'gor Yuđa jêh ri n'gor Israel ăt tăch rgâl đah may tâm ban lĕ; khân păng djôt ba ƀlê tă bơh Minnit, ƀănh njŭng, dak sŭt, dak ngi ôlive jêh ri dak si ƀâu kah tâm rgâl đah ndrăp ndơ đah may.

Êsêkiêl 27:17 ပူးပေါင်းရင်းမြစ်များ

Nau Ntơm 43:11

Y-Israel, mbơ̆ khân păng, lah: “Lah pôri khân may ƀư hom kơt aơ: Tâm ndô ndơ khân may djôt leo ndơ khlay bơh n'gor aơ nâm bu ntăk si ƀâu kah djê̆ jêh ri dak sŭt djê̆, ndơ sa kah, dak si tăng, găr guyh jêh ri play amandê gay ƀư ndơ nhhơr ma nơm nây.

I Phung Hađăch 5:9

Phung oh mon gâp mra leo tơm si nây ntơm bơh Liban tât ta dak mƀŭt, jêh nây gâp mra ƀư rkĭt jêh ri ngre ăn hăn ta dak mƀŭt leo rlet ma ntŭk may nchŏng. Ta nây gâp mra rơih rkĭt, jêh ri may mra sŏk dơn nchuăn. Bi may, dăn ƀư đŏng tĭng nâm nau gâp ŭch jêng ăn ndơ sông sa ma phung tâm ngih hađăch gâp.”

II Nau Rêh Jêng 2:10

Gâp mra ăn ma phung oh mon may, jêng phung blau kăl tơm si, puăn rkeh puăn rsen lit ba ƀlê lĕ peh jêh, puăn rkeh puăn rsen lit ba ôrgơ, puăn rkeh puăn rsen lit ndrănh, jêh ri puăn rkeh puăn rsen lit dak ngi ôlive.”

Êsra 3:7

Khân păng ăn prăk ma phung ndâk lŭ, phung trah si, ăn ndơ sông sa, dak nhêt, jêh ri dak ngi ôlive ma phung Sidôn jêh ri Tyre, gay khân păng djôt leo tơm si sêdar tă bơh bri Liban tât ta dak mƀŭt Jôpa, tĭng nâm samƀŭt nau ntrŭnh tă bơh Y-Sirus, hađăch Persi.

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Kôranh Oh Mon 12:20

Rnôk nây, hađăch Hêrôt ji nuih hâu ngăn ma phung Tyre jêh ri phung Sidôn; yor ri, khân păng geh du ai nuih n'hâm hăn gŭ tanăp hađăch. Jêh nsŭk nsôr nơm kâp kơl ma hađăch jêng Y-Blastus, khân păng hăn tât ƀư nau đăp mpăn, yorlah n'gor khân păng geh ndơ sông sa bơh n'gor hađăch.

Nau Vay Nkah Tay 32:14

Sa dak toh ndrôk kŏt, dak toh ndrêh bơh biăp, Ndrel ma ngi biăp kon jêh ri biăp nkuăng Bơh phung ndrôk jêh ri be bơh n'gor Basan, Ndrel ma ba ƀlê ueh lơn. Khân may mra nhêt ndrănh krăk ƀâu mâu geh rlŭk chăng tâm ban ma mham.

Nau Vay Nkah Tay 8:8

n'gor geh ba ƀlê, ba ôrgơ, tơm krăk ƀâu, tơm rvi, jêh ri tơm pom gra nat, tơm ôlive jêh ri dak sŭt.

Phung Kôranh Phat Dôih 11:33

Y-Jêptê dơi tâm lơh đah khân păng ntơm bơh Arôer tât ma n'gor jŭm Minnit, kŏ tât ma Abel-Kêramim, jêh ri dơi pit bar jât ƀon toyh. Phung ƀon lan Ammôn mâu dơi lơh jêh ri gŭ chŭn tâm dâng phung ƀon lan Israel.