Êsêkiêl 27:16 - Nau Brah Ndu Ngơi 2023

¹⁶ Yorlah may geh âk ngăn ndô ndơ yor ri phung Aram tăch drăp đah may; khân păng tăch lŭ khlay jaspidi, bok chăng, bok bu cheh chiăk, bok mhay rhên, lŭ tâm dâng dak mƀŭt, jêh ri lŭ rubi tâm rgâl drăp ndơ đah may.

Êsêkiêl 27:16 ပူးပေါင်းရင်းမြစ်များ

Nau Ntơm 10:22

Phung kon bu klâu Y-Sem jêng Y-Êlam, Y-Asur, Y-Arpaksat, Y-Lut jêh ri Y-Aram.

Nau Ntơm 28:5

Pôri, Y-Isăk đă Y-Yakôb hăn rgăn Padan-aram, tât ta ngih Y-Laban, kon bu klâu Y-Bêthuel, bunuyh Aram, jêng nâu H'Rêbêka, me Y-Yakôb jêh ri Y-Êsau.

II Samuel 10:6

Tơlah phung Ammôn saơ ma khân păng nơm lĕ phung Y-Đavit tâm rmot, khân păng prơh phung tahan hăn lơh nkhôm klăp lah bar rmưn nuyh tahan hăn jâng bơh phung Aram ta Bêt-Rêhôp jêh ri ta Sôba, du rbăn nuyh bơh hađăch phung Maka jêh ri du rmưn bar rbăn nuyh bơh n'gor bri Tôp.

II Samuel 15:8

Yorlah dôl gâp gŭ ta n'gor Gêsur tâm n'gor Aram, oh mon hađăch ƀư jêh nau ton pô aơ: ‘Tơlah Brah Yêhôva djôt leo gâp plơ̆ sĭt ma ƀon Yêrusalem, rnôk nây gâp mra pah kan Brah Yêhôva.’”

II Samuel 8:5

Tơlah phung Aram bơh Damas văch ŭch kơl ma Y-Hadadêser, hađăch Sôba, Y-Đavit nkhĭt bar rmưn bar rbăn nuyh tahan tâm phung Aram.

Êsêkiêl 16:10

Gâp nsoh ăn ma ay ao bu cheh, ntrŭp ntô jot ntâu ma ay, vân bŭt ay ma bok mhay rhên, jêh ri mpân ay ma bok ek ndrŭng.

Êsêkiêl 16:13

Tâm ban pônây, ay dơi nkrơ̆ ma mah ma prăk; kho ao ay ma bok mhay rhên, ma bok ek ndrŭng, ma ndơ bu cheh. Ay mât săk ma rnih môi, dak sŭt jêh ri dak ngi ôlive. Ay văch ma toyh ma nau ueh ngăn jêh ri nau ngơi hao kŏ tât jêng ur hađăch.

Êsêkiêl 16:18

Ay sŏk kho bu cheh ay nkŭm ăn ma khân păng, sŏk dak ngi ôlive jêh ri ndơ ƀâu kah Gâp mpơl tanăp khân păng.

Êsêkiêl 16:57

Dôl nây nau janh ƀai ay ê hŏ mpơl ôh, ay ê hŏ plơ̆ jêng du ntil nau phung tâm rmot ma kon bu ur Aram, ma lĕ rngôch phung chiau meng, jêh ri phung kon bu ur Philistin gŭ jŭm ay bu tâm rmot ma ay da dê.

Êsêkiêl 28:13

May lĕ gŭ tâm n'gar Êđen, jêng n'gar Brah Ndu. May hŏ geh ăp ntil lŭ khlay, Jêng lŭ karnêlian, lŭ tôpas, lŭ diamôn, Lŭ krisôlit, lŭ êmêrôt, lŭ saphir, Lŭ beril, lŭ ĭr, lŭ chăng jêh ri mah đŏng. Nơm rhăk gâr jê̆ jêh ri dĭng n'hôm jêng ndơ may, Ntơm bơh nar may mhe ndâk njêng bu hŏ ndrăp ơm jêh.

Phung Kôranh Phat Dôih 10:6

Phung ƀon lan Israel plơ̆ ƀư tay nau djơh tanăp măt Brah Yêhôva. Khân păng pah kan ma brah Baal jêh ri brah Astarôt, nđâp lĕ brah phung ƀon lan Aram, lĕ brah phung ƀon lan Sidôn, lĕ brah phung ƀon lan Môap, lĕ brah phung ƀon lan Ammôn, jêh ri lĕ brah phung ƀon lan Philistin. Khân păng chalơi Brah Yêhôva, mâu hôm ôh pah kan ma Păng.