Êsêkiêl 27:12 - Nau Brah Ndu Ngơi 2023

¹² Phung gŭ tâm ƀon Tarsis tăch rgâl đah may geh âk drăp ndơ ăp ntil; khân păng rgâl prăk, loih, thao, ndrak, gay tâm rgâl drăp ndơ may tăch.

Êsêkiêl 27:12 ပူးပေါင်းရင်းမြစ်များ

Nau Ntơm 10:4

Phung kon bu klâu Y-Javan jêng Y-Êlisa jêh ri Y-Tarsis, Y-Kitim jêh ri Y-Dôdanim.

I Phung Hađăch 10:22

Tâm ăp pe năm, mpôl kumpăn hăn tât ta Tarsis păng rgăn dak mƀŭt ndrel ma mpôl kumpăn hađăch Hiram, djôt leo sĭt mah, prăk, la rveh, dôk jêh ri brak.

I Phung Hađăch 22:48

Rnôk nây, tâm n'gor Êđôm mâu geh hađăch ôh, knŏng geh du kôranh chiă uănh.

II Nau Rêh Jêng 9:21

yorlah hađăch geh mpôl kumpăn hăn tât ta Tarsis ndrel ma phung gŭ ƀĭt kumpăn Y-Hiram; tâm pe năm du tơ̆, mpôl kumpăn nây djôt leo sĭt mah, prăk, la rveh, dôk jêh ri brak.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Êsai 2:16

Ma lĕ rngôch kumpăn Tarsis, Jêh ri ma lĕ rngôch kumpăn toyh lư.

Êsai 23:10

Ơ kon bu ur ƀon Tarsis, hăn rgăn hom bri neh khân ay, Tâm ban ma kuĭl dak krong Nil. Mâu hôm geh nau nhŭp kât ôh.

Êsai 23:14

Ơ lĕ rngôch kumpăn Tarsis, nhĭm nhhiăng hom! Yorlah pôih khân may hŏ rai jêh.

Êsai 23:6

Trơn rgăn hom ta Tarsis; Ơ phung gŭ ta kơh dak mƀŭt, nhĭm nhhiăng hom!

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Yêrêmi 10:9

Prăk chiăr n'hơ dơi lăp tă bơh Tarsis, Mah tă bơh Uphas, Ndơ nơm blau trah jêh ri kôp ti nơm chiăr prăk, Nsoh bok dak piêk sut chăng krăk ƀư ao; Lĕ rngôch tă bơh ti nơm blau da dê.

Êsêkiêl 27:11

Phung bu klâu ƀon Arvat ndrel phung tahan may Gak njrăng văr jŭm mpêr ƀon may, Phung bu klâu ƀon Gamat gŭ ta klơ lĕ ngih tŭm may; Khân păng yông khêl văr jŭm mpêr ƀon may, Jêh ri ƀư ăn nau ueh may ntop rah vah ngăn.

Êsêkiêl 27:13

Lĕ phung gŭ ta ƀon Javan, gŭ ta ƀon Tubal jêh ri gŭ ta ƀon Mêsek tăch rgâl đah may; khân păng rgâl dĭk bu jêh ri ndơ dŏng ma kông gay tâm rgâl ndô ndơ may tăch.

Êsêkiêl 27:16

Yorlah may geh âk ngăn ndô ndơ yor ri phung Aram tăch drăp đah may; khân păng tăch lŭ khlay jaspidi, bok chăng, bok bu cheh chiăk, bok mhay rhên, lŭ tâm dâng dak mƀŭt, jêh ri lŭ rubi tâm rgâl drăp ndơ đah may.

Êsêkiêl 27:18

Yorlah may geh âk ntil ndơ, drăp ndơ rmeh rmai yor ri yơh phung Damas sŏk ndrănh krăk ƀâu tă bơh Helbôn jêh ri rsau biăp nglang tâm rgâl đah may.

Êsêkiêl 27:33

Tơlah drăp ndơ may tăch luh tă bơh dak mƀŭt, May hŏ ƀư ma phung ƀon lan hơm mpay; Yor drăp ndơ jêh ri ndơ tăch ƀrư̆ nar geh âk rmeh, May hŏ ƀư ndrŏng ăn ma phung hađăch ta neh ntu.

Êsêkiêl 28:16

Tơlah tăch rgâl drăp ndơ geh âk rmeh rmai, May bêng ma nau ƀai, jêh ri ƀư tih; Yor nây, Gâp mra nklơ̆ may jêng nâm bu ndơ ƀơ̆ ƀơch jŭr tă bơh yôk Brah Ndu; Hơi Chêrub nkŭm nking ri, Gâp ƀư rai may ta nklang lĕ glo lŭ ang nâm bu ŭnh!

Êsêkiêl 28:5

Yor nau gĭt mĭn tâm nau tăch drăp, May hŏ n'hao jêh nau ndrŏng may, Jêh ri nuih n'hâm may sưr yor nau ndrŏng may.’

Êsêkiêl 38:13

Phung Sêba jêh ri phung Dêdan, phung tăch rgâl tă bơh phung Tarsis jêh ri lĕ rngôch tahan mom ndăm păng mra lah ma may pô aơ: ‘Di lĕ may văch tât gay sŏk pit drăp ndơ? Di lĕ may rgum jêh phung lĭng tahan may gay ƀư rai, sŏk lơi prăk jêh ri mah, mpô mpa rong jêh ri drăp ndơ, jêh ri sŏk pit in âk râk ndô ndơ lĕ?’

Yônais 1:3

Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.

Nau Tâm Mpơl 18:12

Drăp ndơ nây geh mah, prăk, lŭ khlay, lŭ rmah; bok mhay rhên, bok chăng krăk, bok ek ndrŭng jêh ri bok chăng; ăp ntil tơm si ƀâu kah, ăp ntil ndơ ma la, ma tơm si khlay, ma kông, ma loih, ma lŭ marbrơ;