Êsêkiêl 26:3 - Nau Brah Ndu Ngơi 2023

³ Yor nây, Kôranh Brah Yêhôva lah: ‘Hơi ƀon Tyre! Aơ, Gâp mra tâm rdâng đah may. Gâp mra leo âk bri dak dâk tâm lơh đah may nâm bu dak mƀŭt geh âk rbuh ktang.

Êsêkiêl 26:3 ပူးပေါင်းရင်းမြစ်များ

Nau Mprơ Ơm 107:25

Păng ăn phŭt sail khôm, Jêh ri mpiăt dak toyh rpuh đô̆;

Êsai 5:30

Tâm nar nây, mra geh nau ngrông tâm rdâng đah phung nây, Tâm ban ma nteh rbuh dak mƀŭt djhut djhut; Tơlah mbu nơm uănh lăp tâm n'gor knŏng saơ nau ngo klĕng jêh ri nau mhĭk, Ndâr tŭk nkŭm lơi nau ang ƀư ma nau ngo klĕng.

Yêrêmi 21:13

Brah Yêhôva lah: ‘Hơi phung ƀon lan gŭ tâm rlŭng, Hơi lŭ toyh tâm neh lâng ri, Gâp tâm rdâng đah khân may, Jêng phung bunuyh nănh ngơi: Mbu nơm mra tât tâm rdâng đah gâp? Mbu nơm dơi lăp ntŭk he krap?’”

Yêrêmi 25:22

phung hađăch Tyre, lĕ rngôch hađăch Sidôn, jêh ri lĕ rngôch phung hađăch gŭ lĕ gôl dak mƀŭt;

Yêrêmi 50:31

Kôranh Brah jêng Brah Yêhôva ma phung tahan lah: “Aơ, ơ ƀon lan sưr! Gâp tâm rdâng đah may; Yorlah nar may hŏ tât jêh, Jêng rnôk Gâp tâm rmal ma may.

Yêrêmi 50:42

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Yêrêmi 51:42

Dak Mƀŭt lip bŭk jêh bri Babilôn, Lĕ nau rbuh dak ji nuih nkŭm ngâm păng.

Yêrêmi 6:23

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter; Khân păng ncho klơ seh, Âk bunuyh nâm bu du huê, Ndrăp rduh lơh may, Hơi kon bu ur Siôn!”

Êsêkiêl 21:3

Ngơi hom ma bri krŏng Nêgep pô aơ: ‘Iăt hom nau Brah Yêhôva! Kôranh Brah Yêhôva lah: Aơ, Gâp mra sŭnh ŭnh tâm may, ŭnh nây mra sa lĕ rngôch tơm si ndrêh jêh ri nđâp tơm si kro ta ntŭk may. Mpiăt ŭnh hit mâu mra nhhât ôh, lĕ rngôch muh măt păng bu mra su ntơm bơh mpeh pa dâng tât mpeh pa lơ.

Êsêkiêl 26:19

Ngăn yơh, Kôranh Brah Yêhôva lah: “Tơlah Gâp mra ƀư may jêng rngol nâm bu ƀon bu mâu geh bunuyh gŭ, tơlah Gâp mra ƀư rbuh dak tă bơh brŏng jru nkŭm ta klơ may, jêh ri phung n'hor dak toyh brôi lơi may;

Êsêkiêl 27:26

Ƀiălah phung vah kumpăn may hŏ leo may Rgăn ta klơ dak toyh, Jêh ri sial tă luh nar hŏ nchah lơi hăch rhên may Ta nklang dak mƀŭt.

Êsêkiêl 28:22

May ngơi hom: Kôranh Brah Yêhôva lah: ‘Hơi ƀon Sidôn, aơ Gâp tâm rdâng đah may; Gâp ŭch ƀư ang amoh Gâp ta nklang may. Khân păng mra gĭt Gâp jêng Brah Yêhôva Tơlah Gâp mra ƀư nau phat dôih, Jêh ri mpơl nau kloh ueh Gâp ta nklang păng.

Êsêkiêl 29:10

‘Yor nây, aơ, Gâp tâm rdâng đah may jêh ri đah lĕ dak krong may. Gâp mra ăn n'gor bri Êjipt jêng nâm bu bri rdah jêng rngol, ntŭk nsoih ntơm bơh Mikdôl tât ma Syene jêh ri kŏ tât ta n'har neh n'gor bri Êthiôpi.

Êsêkiêl 38:3

May lah hom pô aơ Kôranh Brah Yêhôva lah: ‘Hơi Y-Gôk, hađăch ma phung Rôs, phung Mêsek jêh ri phung Tubal, aơ, Gâp tâm rdâng đah may.

Êsêkiêl 5:8

Yor nây, Yêhôva Brah Ndu lah: ‘Aơ, Gâp, Gâp nơm yơh mra tâm rdâng ma may jêh ri Gâp mra ăn tât nau phat dôih ta nklang may gay ma lĕ ndŭl mpôl bunuyh saơ da dê.

Mika 4:11

Nôk nây, geh âk bri dak rgum băl tâm lơh đah may, Khân păng lah: “Ƀư ƀơ̆ ƀơch ăn păng Jêh ri măt he ŭch uănh ma ƀon Siôn!

Nahum 2:12

Yau mŭr nkuăng hêk mpa ăp ma kon păng Jêh ri kăp nkhĭt mpô mpa ăn ma yau mŭr me; Trôm păng bêng ma mpa sa, Rsuăn păng bêng ma mpô mpa hŏ kăp hêk jêh.

Nahum 3:5

Brah Yêhôva ma phung tahan lah: “Aơ, Gâp tâm rdâng đah ay; Gâp mra rhơl nah bŭt ay nkŭm tât muh măt ay, Mpơl nau rhôk may ăn ma lĕ mpôl băl bunuyh Jêh ri ma lĕ ƀon bri hađăch saơ nau bêk prêng ay.

Sakari 14:2

Gâp mra rgum lĕ rngôch bri dak tâm lơh đah ƀon Yêrusalem. Bu mra sŏk gro ƀon toyh, bu pit in ngih vâl, phung bu ur bu mra nchâp gay bê̆ch ndrel; n'gul ƀon mra hăn ƀư bu nă, ƀiălah phung ƀon lan hôm e bu mâu mprơh ngluh ôh tă bơh ƀon.

Sakari 9:4

Ƀiălah aơ, Kôranh Brah mra sŏk pit lĕ drăp ndơ păng, Nklơ̆ lơi nau dơi păng tâm dak mƀŭt, Bi păng nơm ŭnh mra sa.

Luka 21:25

Mra geh nau mbên tâm nar, tâm khay, jêh ri tâm phung mănh, tâm neh ntu mra geh nau uh ah tâm phung mpôl băl bunuyh. Khân păng mâu gĭt, mâm ƀư tăng nteh dak mƀŭt jêh ri dak sial njach.