Êsêkiêl 26:20 - Nau Brah Ndu Ngơi 2023

²⁰ rnôk nây, Gâp mra ăn may ndrel ma phung hŏ jŭr hăn ma brŏng jru, tât ma phung ƀon lan rnôk kăl e. Gâp mra ăn may gŭ tâm neh ntu tâm dâng, tâm ntŭk rngol ntơm bơh rnôk kăl e ndrel ma phung hŏ jŭr hăn ma brŏng jru gay may mâu hôm geh nuyh gŭ tâm may đŏng ôh, ƀiălah Gâp mra n'gân nau chrêk rmah tâm neh bunuyh hôm gŭ rêh.

Êsêkiêl 26:20 ပူးပေါင်းရင်းမြစ်များ

Nau Mprơ Ơm 27:13

Gâp gĭt nanê̆ mra saơ nau ueh Brah Yêhôva Tâm neh phung rêh.

Nau Mprơ Ơm 28:1

Ơ Brah Yêhôva, gâp kuăl May jêng lŭ toyh ma gâp; Lơi ta nsêt tôr ma gâp. Yorlah tơlah May gŭ rklăk mro đah gâp, Gâp mra jêng tâm ban lĕ phung jŭr tâm môch.

Êsai 14:10

Lĕ rngôch khân păng Mra lah ma may pô aơ: ‘Aơ, may huơi tâm ban ma hên, May jêng jêh tâm ban ma hên!

Êsai 14:9

Ƀon phung khĭt jru âk râk ƀư mpât đŏng yorlah may Gay chuă vơt may tât. Păng hŏ rlay phung phan bunuyh khĭt yor may, Jêng lĕ rngôch phung kôranh chiă uănh ta klơ neh ntu; Păng hŏ ƀư lĕ rngôch hađăch lĕ bri dak Dâk bơh sưng hađăch khân păng.

Êsai 4:5

ta klơ lam ntŭk yôk Siôn jêh ri ta klơ phung ƀon tâm rƀŭn, Brah Yêhôva mra rhăk ndâr tŭk dôl nar, nhhŭk ŭnh jêh ri nau ang mpiăt ŭnh tâm dôl măng. Yorlah mra geh ndơ đôr nkŭm ta klơ lĕ rngôch ndơ chrêk rmah;

Êsai 59:10

Hên rvơ njŏ tĭng mpir tâm ban ma bunuyh chieh măt, Rvơ tâm ban ma phung mâu geh măt ôh; Nklang bôk nar ƀiălah chêh jâng tâm ban ma ngo nsrŭp măng; Ta nklang phung geh nau dăng ktang ƀiălah hên jêng tâm ban ma phung khĭt.

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Nau Nhĭm Vơl 3:6

Păng ăn gâp gŭ tâm ntŭk ngo klĕng, Nâm bunuyh khĭt hŏ jŏ jêh.

Êsêkiêl 31:14

gay mâu geh du mlâm tơm si êng tăm dăch dak janh sưr rlau ma nau toyh prêh păng mâu lah prêh chiông kŏ ban tŭk. Gay mâu geh ôh tơm si êng lĕ n'hor dak djrah toyh prêh nâm bu pônây; lĕ rngôch khân păng bu jao ma nau khĭt, prăp ma brŏng jru tâm dâng neh ntu tâm nklang ntil mpôl bunuyh jêh ri ndrel ma phung jŭr tâm ntu jru!’

Êsêkiêl 39:7

Gâp mra mpơl amoh kloh ueh Gâp ta nklang ƀon lan Israel Gâp jêh ri Gâp mâu dơi ăn bu ngơi djơh tât amoh kloh ueh Gâp đŏng ôh. Lĕ ntil mpôl bunuyh mra gĭt Gâp jêng Brah Yêhôva, Nơm Kloh ueh Israel.

Amôt 9:2

Nđâp tơlah khân păng kuyh neh lăp jŭr tâm ƀon phung khĭt Ti Gâp mra nklĕ ngluh khân păng; Nđâp tơlah khân păng hao ta klơ trôk Gâp mra ntrŭnh khân păng.

Yônais 2:2

Y-Yôna tă bơh ndŭl ka mbơh sơm ma Yêhôva Brah Ndu păng.

Yônais 2:6

Dak văch nkŭm jŭm gâp kŏ tât huêng gâp; Brŏng jru gŭ jŭm gâp puăn mpeh; Mbrĭng dak lĕ put bôk gâp.

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

Nau Kơp Bunuyh 16:30

Ƀiălah tơlah Brah Yêhôva ƀư du nau mhe; tơlah neh hă mbung păng jêh ri rvăn khân păng ndrel ma lĕ rngôch ndơ prăp ma khân păng, jêh nây tơlah khân păng hôm dôl rêh ƀiălah hăn jŭr tâm ƀon phung khĭt, pôri khân may mra gĭt ma phung aơ hŏ ngơi jêh sưr ma Brah Yêhôva.”

Nau Kơp Bunuyh 16:33

Pôri khân păng dôl hôm e rêh nđâp lĕ rngôch ndơ prăp ma khân păng hăn jŭr tâm ƀon phung khĭt; neh njĭr tay jêh ri khân păng rai lôch tă bơh nklang phung tâm rƀŭn.

Mathay 11:23

Bi may, ƀon Kapernum, bu n'hao jêh may tât ta klơ trôk? Mâu, may mra ntrŭnh tâm dâng tât ta ƀon phung khĭt. Yorlah nau mbên khlay ƀư jêh ta nklang may, tơlah nau nây dơi ƀư ta ƀon Sôdôm ƀon nây ăt hôm tât ta nar aơ.

Luka 10:15

Bi may, ƀon Kapernum, bu n'hao jêh may tât klơ trôk? Mâu, may mra ntrŭnh tâm dâng tât ta ƀon phung khĭt!

II Pêtrôs 2:5

tơlah Păng mâu yô̆ an ma neh ntu kăl e, ƀiălah ăn dak lêng toyh ƀư rai neh ntu mâu chroh nây, knŏng prăp Y-Nôê, bunuyh mbơh nkoch ma nau sŏng srăng, jêh ri pơh nuyh êng;