Êsêkiêl 26:17 - Nau Brah Ndu Ngơi 2023

¹⁷ Khân păng mra mprơ ma may nau mprơ rngot ma may pô aơ: ‘Mâm dĭng bu ƀư rai may, roh tă bơh dak mƀŭt? Hơi ƀon toyh geh nau lư n'găr, Jêh ri nâp ngăn gŭ ta nklang dak mƀŭt Jêng ntŭk may hăn gŭ tâm dak mƀŭt. May ndrel ma phung gŭ tâm may Ƀư ăn ma lĕ rngôch bunuyh klach krit ngăn.

Êsêkiêl 26:17 ပူးပေါင်းရင်းမြစ်များ

II Samuel 1:19

“Ơ Israel! Bunuyh lư n'găr may bu nkhĭt jêh ta ntŭk klơ dor prêh! Mâm ƀư phung janh ktang nây cha lôt!

Êsai 14:12

Hơi mănh mbing ôi, kon bu klâu ƀhit rvi ang, Mâm ƀư may tŭp jêh tă bơh trôk! Hơi nơm ƀư rai lĕ bri dak, Mâm ƀư bu n'glưh lơi may ta neh!

Êsai 23:4

Ơ ƀon Sidôn, ăn may bêk! Yorlah dak mƀŭt ngơi jêh, Pôih dak mƀŭt lah jêh: “Gâp mâu ji ôh, mâu lĕ mâp deh, Mâu lĕ mât siăm bu klâu ndăm, mâu lah bu ur druh.”

Êsai 23:8

Mbu nơm lĕ dăp nal jêh nau nây tâm rdâng ma Tyre, Jêng ƀon hŏ ndô đon hađăch? Phung tăch rgâl păng jêng phung lư rnam, Phung tăch rgâl păng jêng phung bu yơk tâm neh ntu.

Yêrêmi 48:39

“Ri, mâm ƀư păng nchah rai! Mâm nau khân păng nhĭm vơl! Môap ndôn kơi nchuăt ma nau prêng! Môap mra jêng nau bu gơm mưch Jêh ri nau klach toyh ăn ma ăp bri dak gŭ jŭm păng.”

Yêrêmi 50:23

Me nôp tôp ma lam neh ntu Bu hŏ nkê̆ch pă jêh rai nchah! Ta nklang lĕ rngôch bri dak, Mâm ƀư Babilôn krit toyh ngăn!

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Yêrêmi 7:29

Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Yêrêmi 9:20

Hơi lĕ bu ur, iăt hom nau Brah Yêhôva, Pơk hom tôr iăt nau bơh mbung Păng; Nti hom ăn kon bu ur khân may nau mprơ nhĭm vơl, Nti ndrel nau mprơ rngot klâng!

Nau Nhĭm Vơl 1:1

Ơ! Ƀon aơ kăl e âk ngăn bunuyh, Aƀaơ gŭ êng du huê du! Kăl e geh nau dơi toyh ta nklang phung ƀon lan, Aƀaơ jêng nâm bu bu ur ndrô, Kăl e jêng hađăch bu ur ta nklang âk n'gor, Aƀaơ ri jêng pah kan jâk rgănh ngăn!

Êsêkiêl 19:1

Pôri may rŏ hom nau mprơ rngot ma phung kôranh chiă uănh Israel

Êsêkiêl 19:14

Ŭnh luh tă bơh tơm păng, Sa lĕ n'gĭng jêh ri play păng Kŏ tât mâu hôm geh n'gĭng nâp ktang đŏng, Gay ƀư mâng jra ăn ma ngih kôranh chiă uănh. Nây jêng nau mprơ rngot gay dŏng nhĭm vơl.”

Êsêkiêl 32:16

Aơ jêng nau mprơ rngot khân păng mra nhĭm vơl. Phung kon bu ur lĕ bri dak mra nhĭm vơl ma nau rngot ngăn. Khân păng mra mprơ nau nây gay nhĭm ma n'gor bri Êjipt jêh ri ma lĕ rngôch phung ƀon lan gŭ tâm păng,’ Kôranh Brah Yêhôva lah pônây.”

Êsêkiêl 32:2

“Hơi kon bunuyh, ƀư hom du nau mprơ rngot ma Pharaôn, hađăch Êjipt, pô aơ: ‘May tâm ban ma du mlâm yau mŭr ta nklang lĕ ntil mpôl bunuyh; Mâu êng ôh đah mpa djơh tâm dak mƀŭt, Mpât rbŭh ta nklang dak n'hor. May sŏk jâng rchŭ dak ăn rkhăl, Jêh ri ƀư lĕ dak krong bêng ma dak bŏk.’

Êsêkiêl 32:23

Môch păng ntŭk jru tâm trôm ntu jêh ri phung ƀon lan păng gŭ dâk văr jŭm môch păng. Lĕ rngôch bu nkhĭt da dê; khân păng jêng phung srih nau krit toyh tâm bri dak phung hôm rêh ƀiălah aƀaơ ri hŏ chôt khĭt yor ma đao.

Êsêkiêl 32:27

Khân păng mâu bê̆ch ôh ndrel ma phung tahan janh ktang, mâu hŏ dơn koh ntâu hŏ chôt khĭt jêh, nây jêng phung hŏ trŭnh tâm ƀon phung khĭt ndrel ma ndơ khân păng tâm lơh. Bu hŏ dơm jêh đao tâm dâng bôk khân păng nơm, jêh ri nau mhĭk khân păng bun ta klơ nting khân păng nơm yorlah khân păng lĕ tă ƀư krit ma phung tahan janh ktang tâm lam bri phung hôm rêh.

Yôel 1:18

Ri, mpô mpa nter nhhiăng hâu ngăn ngên! Phung ndrôk rmlơ uh ah ngăn! Yorlah khân păng mâu geh ndrêch gơ̆ sa đŏng ôh. Lĕ rngôch phung biăp rêh ni tâm ban lĕ.

Apdia 1:5

Bu mra ƀư rai yơh may! Tơlah phung ntŭng mâu lah bunuyh pit ndô ndơ tât ta jây may kêng măng, Di lĕ khân păng knŏng ntŭng man tŏng dơm lah? Tơlah phung pĕ play krăk ƀâu văch ma may, Di lĕ khân păng om klen bar pe rkŭm play krăk ƀâu dơm lah?

Mika 2:4

Tâm nar nây, bu mra gơm mưch ma khân may; Khân păng mra mprơ du nau mprơ nhĭm vơl pô aơ: ‘He rai yot lĕ rngôch jêh! Păng sŏk lơi drăp ndơn bơh phung ƀon lan gâp Ăn păng du bơh gâp, Sŏk neh mir gâp jêh nây tâm pă ăn ma phung ƀlăch ƀlêr.’”

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Yôsuê 19:29

N'har nây rle mpeh Rama tât ta ƀon Tyre geh mpêr nâp ngăn, jêh nây hăn tât ta Hôsa jêh ri lôch ta dak mƀŭt, dăch Mahala, tâm bri Aksip,