Êsêkiêl 26:16 - Nau Brah Ndu Ngơi 2023

¹⁶ Lĕ rngôch phung kôranh tâm nkual dak mƀŭt mra trŭnh tă bơh sưng hađăch khân păng nơm da dê, doh lơi ao jâr jêh ri doh lơi ao cheh chiăk. Khân păng geh nau klach nchueng jŭm jêh ri gŭ rvel ta neh. Khân păng râm nsâr ƀaƀơ, jêh ri klach ngăn yor may.

Êsêkiêl 26:16 ပူးပေါင်းရင်းမြစ်များ

Ndrom Samƀŭt bơh Yôp 8:22

Phung tâm rmot may geh nau bêk prêng ma păng dŭt hâu Jêh ri ngih bok phung mhĭk mra rai lôch.”

Nau Mprơ Ơm 109:18

Păng nsoh nau rtăp rak, nâm bu bok ao păng nơm; Nau rtăp rak nây lăp jru jêh tâm păng nâm bu dak, Nâm bu dak ngi lăp jru tâm nting păng.

Nau Mprơ Ơm 109:29

Ăn phung rlăng đah gâp nsoh nau bêk. Nau bêk prêng nkŭm khân păng nâm bu ao.

Nau Mprơ Ơm 132:18

Gâp mra sâm nsoh nau bêk ma phung rlăng păng; Ƀiălah đon hađăch ta klơ bôk may mra chrêk rmah.”

Nau Mprơ Ơm 35:26

Ŭch ma phung răm maak nau mhĭk tât ma gâp Mra geh nau bêk prêng jêh ri bêk prêng hâu ngăn. Mbu dâk tâm rdâng đah gâp ma nau sưr, Geh nau nkŭm ma nau bêk prêng jêh ri bu rmot da dê.

Nau Ngluh Êjipt 15:15

Phung kôranh n'gor Êđôm geh nau rŭng răng; Phung nanh janh n'gor Môap râm sâr; Lĕ rngôch phung Kanaan krit kir da dê.

Êsai 3:26

Lĕ mpông pêr Siôn mra nhĭm nhhiăng jêh ri ndrê klâng; Khân păng mra gŭ tâm bri rngol.

Êsai 41:5

Lĕ rngôch gôl dak mƀŭt saơ jêh ri klach krit, Lĕ ntŭk nglĕ dŭt neh ntu râm sâr da dê. Khân păng văch dăch jêh ri hăn tât.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Êsai 52:2

Ơ ƀon Yêrusalem, dâk hom may, Rtuh hom ndruyh neh jêh ri gŭ ta klơ sưng hađăch; Ơ kon bu ur ƀon Siôn, jêng phung gŭ tâm ndrung Doh êng rse ta trô ko ay.

Yêrêmi 48:39

“Ri, mâm ƀư păng nchah rai! Mâm nau khân păng nhĭm vơl! Môap ndôn kơi nchuăt ma nau prêng! Môap mra jêng nau bu gơm mưch Jêh ri nau klach toyh ăn ma ăp bri dak gŭ jŭm păng.”

Nau Nhĭm Vơl 2:10

Phung kôranh bu ranh kon bu ur ƀon Siôn Răk klăk gŭ ta klơ neh; Bôk pot neh muy, Săk jăn nsoh ƀau mhay. Phung bu ur druh ƀon Yêrusalem Kŭnh bôk êp ta neh.

Êsêkiêl 16:10

Gâp nsoh ăn ma ay ao bu cheh, ntrŭp ntô jot ntâu ma ay, vân bŭt ay ma bok mhay rhên, jêh ri mpân ay ma bok ek ndrŭng.

Êsêkiêl 26:21

Gâp mra dŏng may ƀư du ntil nau krit ngăn. May mâu mra hôm đŏng ôh, jêh ri nđâp lah bu tĭng joi may ăt mâu mra saơ may,” Kôranh Brah Yêhôva lah pônây.

Êsêkiêl 28:17

Nuih n'hâm may sưr rlau yor nau ueh may, Jêh ri yor nau chrêk rmah may ƀư ăn djơh nau blau mĭn may nơm. Gâp nklơ̆ may tâm neh, Dơm may panăp măt phung hađăch, Ƀư nau pâl ăn khân păng uănh.

Êsêkiêl 31:15

Kôranh Brah Yêhôva lah: ‘Tâm nar păng jŭr tâm ƀon phung khĭt, Gâp mra ăn bu nhĭm vơl ma păng; Gâp brôi lơi ntu jru, bât lơi dak krong, king âk n'hong dak toyh. Gâp ƀư ăn bri Liban nhĭm vơl yor păng jêh ri lĕ rngôch tơm si tâm bri lĕ kro yor păng.

Êsêkiêl 32:10

Gâp mra ăn âk phung ƀon lan geh nau klach krit yor may, Jêh ri phung hađăch khân păng mra râm nsâr yor may, Tơlah Gâp yơr đao tanăp măt khân păng. Tâm nar may rlâm tŭp jêh, Lĕ rngôch bunuyh klach da dê ăp nar ăp mông Mĭn rvê ma nau rêh păng nơm.’

Êsêkiêl 7:27

Hađăch mra nhĭm vơl, phung kôranh chiă uănh mra nsoh nau klach, ti phung ƀon lan tâm n'gor bri râm sâr da dê. Gâp mra ƀư ma khân păng tĭng nâm nau khân păng gŭ ngao; Gâp mra phat dôih khân păng tĭng nâm khân păng hŏ ƀư tih. Rnôk nây, khân păng mra gĭt ma Gâp jêng Brah Yêhôva.’”

Êsêkiêl 7:8

Aơ hôm djê̆ lê̆ Gâp mra nkhŭt nau Gâp ji nuih ta may jêh ri ăn mpay nau Gâp nuih ma may. Gâp mra phat dôih may tĭng nâm nau gŭ ngao jêh ri mplơ̆ ma may ntil nau ƀơ̆ ƀơch may.

Daniel 5:6

Rnôk nây muh măt păng êr, nau păng mĭn rŭng răng, nting nđăng ra ai, bar đah kômâk râm nsâr.

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Yônais 3:6

Nau mhe mhan nây tât ma hađăch ƀon Ninive, pôri păng dâk tă bơh sưng hađăch păng doh lơi ao jâr păng, put ao ƀau jêh ri gŭ tâm ŭnh buh.

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

Nau Tâm Mpơl 18:9

Lĕ rngôch phung hađăch ta neh ntu, đơ phung bunuyh ƀư tih văng tĭr jêh ri gŭ rêh dŭt ndrŏng dŭt maak đah păng, mra nhĭm nhhiăng, lŭng nter tơlah khân păng saơ nhhŭk ŭch sa păng.