Êsêkiêl 26:13 - Nau Brah Ndu Ngơi 2023

¹³ Gâp mra ăn rlu lơi bâr may mpât mprơ, jêh ri bu mâu mra tăng đŏng ôh bâr gong rêng may kreh.

Êsêkiêl 26:13 ပူးပေါင်းရင်းမြစ်များ

Nau Mprơ Ơm 137:2

Hên yông gong rêng loih hên Ta klơ n'gĭng tơm si yôr ta kơh dak krong nây.

Êsai 14:11

Nau lư geh ndrel ma nteh gong rêng loih may Bu hŏ djôt leo jŭr tâm ƀon phung khĭt da dê. Rhai ƀư sưng bê̆ch may, Bi ndrŭng rvơng ƀư nah ntâk!’”

Êsai 22:2

Ơ ƀon bêng ma nau drưh drưh drơu drơu, Jêng ƀon toyh maak răm ri! Phung khân may bu nkhĭt mâu yor ma đao ôh, Mâu lĕ khân păng khĭt tâm nau tâm lơh.

Êsai 23:12

Păng lah: “Ơ kon bu ur Sidôn, jêng bu ur druh bu tŭn jot, Ay mâu hôm răm maak ôh! Nchuăt gơnh hom tât ma n'gor Kitim! Ƀiălah ta nây may mâu lĕ mra dơi nau đăp.”

Êsai 23:16

“Ơ bu ur văng tĭr bu chuêl jêh! Sŏk gong rêng nsong hom jŭm ƀon, Kreh hom ăn ueh, mprơ hom ăn âk, Gay ma bu kah gĭt ma ay!”

Êsai 23:7

Di lĕ aơ jêng ƀon khân may hâk răm? Jêng ƀon geh bơh rnôk ơm kăl e Jâng păng hŏ njŭn leo păng Tât ta gŭ lĕ nkual ngai.

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Yêrêmi 16:9

Yorlah Brah Yêhôva ma phung tahan, Brah Ndu phung Israel, lah: ‘Aơ, tanăp măt khân may, tâm rô̆ khân may, Gâp mra ƀư ăn n'gor aơ mâu hôm geh nau răm maak ma bâr mprơ, mâu hôm geh bâr klay ƀăn.’

Yêrêmi 25:10

‘Gâp mra ƀư ăn ta nklang khân păng mâu hôm geh bâr mprơ răm maak, bâr klay bâr ƀăn, nteh bu rvah mpăl, jêh ri mâu hôm ang nchrat ang ŭnh kađen.

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Êsêkiêl 28:13

May lĕ gŭ tâm n'gar Êđen, jêng n'gar Brah Ndu. May hŏ geh ăp ntil lŭ khlay, Jêng lŭ karnêlian, lŭ tôpas, lŭ diamôn, Lŭ krisôlit, lŭ êmêrôt, lŭ saphir, Lŭ beril, lŭ ĭr, lŭ chăng jêh ri mah đŏng. Nơm rhăk gâr jê̆ jêh ri dĭng n'hôm jêng ndơ may, Ntơm bơh nar may mhe ndâk njêng bu hŏ ndrăp ơm jêh.

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.