Êsêkiêl 24:9 - Nau Brah Ndu Ngơi 2023

⁹ Yor ri, Brah Yêhôva lah: ‘Rêh ni ngăn ma ƀon phung pling mham! Gâp tâm ban lĕ mra bun long ăn âk.

Êsêkiêl 24:9 ပူးပေါင်းရင်းမြစ်များ

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsai 31:9

Lŭ toyh păng rnơm mra rlau lôch yor nau klach krit, Phung kôranh chiă uănh păng mra râm nsâr, yor saơ n'ha kơ, Nây jêng nau Brah Yêhôva lah, Nơm geh ŭnh ta Siôn, ŭnh năk tâm ƀon Yêrusalem.

Êsêkiêl 21:2

“Hơi kon bunuyh, rle hom muh măt may leo rđŭng pa dâng jêh ri nti nau tâm rdâng mpeh pa dâng. Mbơh lor hom nau tâm rdâng đah bri krŏng ntŭk n'gor bri lâng Nêgep.

Êsêkiêl 21:3

Ngơi hom ma bri krŏng Nêgep pô aơ: ‘Iăt hom nau Brah Yêhôva! Kôranh Brah Yêhôva lah: Aơ, Gâp mra sŭnh ŭnh tâm may, ŭnh nây mra sa lĕ rngôch tơm si ndrêh jêh ri nđâp tơm si kro ta ntŭk may. Mpiăt ŭnh hit mâu mra nhhât ôh, lĕ rngôch muh măt păng bu mra su ntơm bơh mpeh pa dâng tât mpeh pa lơ.

Êsêkiêl 22:2

“Hơi kon bunuyh, di lĕ may mra phat dôih, di lĕ may mra phat dôih ma ƀon pling mham aơ? Pôri ƀư hom ăn păng gĭt lĕ rngôch nau mhĭk păng.

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Êsêkiêl 24:10

Bun hom long, sŭnh ŭnh ăn hĭt, Gâm ăn rmuk puăch, tât suăt dak, Jêh ri ăn kŏ ŭnh sa nting lĕ.

Êsêkiêl 24:5

Săch hom du mlâm biăp ueh ngăn tâm phung Jêh ri bun long tâm dâng glah gay gâm nting. Gâm hom ăn khuh Gay krĕt nting tâm glah.’

Êsêkiêl 24:6

Yor nây, Brah Yêhôva lah: ‘Rêh ni ngăn ma ƀon pung mham, Rêh ni ma glah lĕ ek găm Ek găm nây mâu jut kloh ôh! Sŏk hom du mlay du mlay ăn kŏ tât lĕ, Mâu sŏk tâm nchroh mâu lah săch ôh.

Nahum 3:1

Rêh ni ngăn ma ƀon toyh krêp mham! Păng bêng ma nau mƀruh jêh ri janh ƀai Mâu rlu ôh nau ntŭng ndô ndơ.

Habakuk 2:12

Rêh ni ma nơm sŏk mham ndâk ƀon, Jêh ri sŏk nau djơh mhĭk ndâk njêng ƀon toyh!

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Nau Tâm Mpơl 14:20

Bu jot plên khân păng tâm thŭng mpet nây padih ƀon, jêh nây geh mham tă bơh thŭng mpet hoch luh; hao tât ta mbung seh, jêh ri lêng tât geh pe rhiăng kilômet.

Nau Tâm Mpơl 16:19

Ƀon dŭt toyh tâm pă jêng pe; bi lĕ ƀon toyh tâm ntil mpôl bunuyh rlâm lĕ. Brah Ndu kah gĭt ma ƀon Babilôn dŭt toyh, gay ma ăn păng nhêt kachok ndrănh nau Păng ji nuih hâu ngăn.

Nau Tâm Mpơl 16:6

Yorlah khân păng ƀư nkhŭt jêh mham phung kloh ueh jêh ri phung nơm mbơh lor, Pôri May ăn jêh ma khân păng nhêt mham. Nĕ mơ tâm di!”

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”