Êsêkiêl 24:6 - Nau Brah Ndu Ngơi 2023

⁶ Yor nây, Brah Yêhôva lah: ‘Rêh ni ngăn ma ƀon pung mham, Rêh ni ma glah lĕ ek găm Ek găm nây mâu jut kloh ôh! Sŏk hom du mlay du mlay ăn kŏ tât lĕ, Mâu sŏk tâm nchroh mâu lah săch ôh.

Êsêkiêl 24:6 ပူးပေါင်းရင်းမြစ်များ

II Samuel 8:2

Hađăch dơi đah phung tahan Môap, đă khân păng bê̆ch ta klơ neh jêh ri veh ma rse: veh bar bông rse jêh ri nkhĭt, veh du bông rse ăn ma rêh. Pôri ăn phung Môap pah kan jêh ri chê̆ pi ma Y-Đavit.

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Phung Hađăch 24:3

N'hêl nanê̆ nau mhĭk nây tât ngăn ma phung Yuđa tĭng nâm nau ntăm Brah Yêhôva, gay mprơh lơi bri dak Yuđa bơh tanăp măt Păng; yor lĕ nau tih Y-Manasê hŏ ƀư tih, yorlah lĕ nau păng hŏ ƀư jêh,

II Phung Hađăch 24:4

jêh ri yor păng hŏ ƀư pling đŏng mham phung mâu geh tih, ƀư ăn ma Yêrusalem bêng mham mâu tih, kŏ tât Brah Yêhôva mâu hôm yô̆ an ôh.

Yêrêmi 2:22

Nđâp lah geh dŏng dak si ƀư kloh Jêh ri âk saƀu gay ma jut rao păng nơm, Pôri tanăp măt Gâp, têl nau tih mhĭk may ăt hôm ta ntŭk nây.” Brah Yêhôva lah pônây.

Yêrêmi 6:29

Nuh puh n'hâm dăng, Ndrak lêk hoch tâm ŭnh; Ƀiălah hŏ krĕt jêh krĕt tay ăt mâu khlay ôh, Yorlah phung mhĭk mâu hŏ bu mƀăr lơi.

Êsêkiêl 11:11

Ƀon aơ mâu mra jêng glah ƀŭng ma khân may ôh, mâu lĕ khân may mra jêng puăch tâm glah ƀŭng; Gâp mra tâm rmal khân may ta n'har bri Israel.

Êsêkiêl 11:3

Khân păng lah: ‘Aƀaơ ri ê-tât ôh rnôk ndâk ngih! Ƀon aơ jêng glah ƀŭng, he jêng nglay puăch.’

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Êsêkiêl 22:2

“Hơi kon bunuyh, di lĕ may mra phat dôih, di lĕ may mra phat dôih ma ƀon pling mham aơ? Pôri ƀư hom ăn păng gĭt lĕ rngôch nau mhĭk păng.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 22:3

Lah hom ma păng: ‘Kôranh Brah Yêhôva lah: Du rplay ƀon ƀư pling mham gŭ ta nklang păng tât năng tâm nal; păng ƀư jêh lĕ rup brah gay ƀư nau ƀơ̆ ƀơch êng păng nơm!

Êsêkiêl 24:3

Nkoch hom du nau ngơi ntĭt ma phung ƀon lan vay tâm rdâng jêh ri lah ma khân păng pô aơ: ‘Kôranh Brah lah: N'gân hom glah, n'gân hom glah Jêh ri troch hom dak.

Êsêkiêl 24:9

Yor ri, Brah Yêhôva lah: ‘Rêh ni ngăn ma ƀon phung pling mham! Gâp tâm ban lĕ mra bun long ăn âk.

Yôel 3:3

jêh ri tâm nchroh ma phung ƀon lan Gâp. Khân păng hŏ rgâl kon bu klâu ndăm ŭch sŏk bu ur văng tĭr, jêh ri tăch kon bu ur druh gay sŏk ndrănh nhêt.

Apdia 1:11

Ta nar may dâk uănh phung rlăng sŏk pit drăp ndơ păng Phung bu năch lăp tŭn jot tâm mpông ƀon păng Jêh ri ƀư nau tâm nchroh tâm pă ƀon Yêrusalem May jêng nâm bu du huê tâm phung khân păng.

Yônais 1:7

Jêh nây, phung ƀĭt kumpăn tâm lah ndrăng khân păng pô aơ: “Văch hom, ăn he tâm nchroh gay gĭt mbu yor nơm geh nau mhĭk aơ tât ma he.” Pôri khân păng tâm nchroh jêh ri nau nchroh di ma Y-Yôna.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Nahum 3:1

Rêh ni ngăn ma ƀon toyh krêp mham! Păng bêng ma nau mƀruh jêh ri janh ƀai Mâu rlu ôh nau ntŭng ndô ndơ.

Nahum 3:10

Nđâp lah pônây, păng nơm lĕ hăn jêng bu nă jêh, Jêh ri bu krŭng tâm ndrung; Phung kon păng lĕ bu rchiăt hăch Ntŭk tơm trong sâng ƀon toyh. Phung ndrŏng bu djôt leo nau tâm nchroh, Phung kôranh toyh bu nkông da dê.

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.

Nau Vay Nkah Tay 23:13

Tâm lĕ ndơ dŏng êng ma khân may, ăn khân may geh du mlâm pel jê̆ gay nôk khân may ŭch hăn padih, kuyh ntu ma pel nây jêh ri plơ̆ brôi lơi ek khân may.

Yôsuê 10:22

Rnôk nây, Y-Yôsuê lah: “Pơk hom bâr trôm lŭ djôt leo prăm nuyh hađăch nây luh jêh ri njŭn leo văch ma gâp.”

Nau Tâm Mpơl 17:6

Gâp saơ bu ur nĕ nhŭl mham phung kloh ueh jêh ri mham phung mbơh nkoch ma Brah Yêsu. Tơlah gâp saơ păng, gâp hih rhâl hâu ngăn.

Nau Tâm Mpơl 18:24

Jêh ri ta ƀon aơ, bu joi saơ mham phung nơm mbơh lor, phung kloh ueh jêh ri lĕ rngôch phung bu tâm nkhĭt ta neh ntu.”