Êsêkiêl 24:23 - Nau Brah Ndu Ngơi 2023

²³ Bok khân may mra dơm ta klơ bôk mro, ntâu jot khân may mra nsoh mro tâm jâng; khân may mâu kuăl nhĭm ôh, nhhiăng nhĭm ƀiălah mra huănh hươi yor nau tih khân ay may nơm, jêh ri khân may tâm vơl ndrel ndrăng nơm dơm.

Êsêkiêl 24:23 ပူးပေါင်းရင်းမြစ်များ

II Samuel 15:30

Y-Đavit hăn hao klơ yôk Ôlive, nkre nhĭm nkre chuat, nkŭm bôk păng jêh ri chuat jâng dơm. Lĕ rngôch phung ƀon lan hăn tĭng hađăch nkŭm bôk khân păng, jêh ri nkre nhĭm nkre hăn.

Ndrom Samƀŭt bơh Yôp 27:15

Phung hôm klen gŭ rêh mra geh nau ji tưp tâp brôi. Ur ndrô khân păng kŏ tât mâu hôm dơi nhĭm nhhiăng ôh.

Nau Mprơ Ơm 107:17

Phung rluk geh nau rêh ni yorlah nau gŭ ngao tih, Jêh ri rêh ni yor nau djơh mhĭk khân păng nơm.

Nau Mprơ Ơm 78:64

Phung Kôranh ƀư brah cha lôt prah yor đao, Ƀiălah phung bu ur ndrô khân păng mâu nhĭm nhhiăng ôh.

Êsai 20:2

tâm nôk nây geh nau Brah Yêhôva ngơi ma Y-Êsai, kon bu klâu Y-Amôt, pô aơ: “Hăn hom, doh hom ao ƀau bơh bŭt may, jêh ri doh lơi ntâu jot bơh jâng may.” Y-Êsai ƀư di nâm bu pônây, păng hăn săk hưl jêh ri hăn jâng dơm.

Êsai 59:11

He rđêng nđor tâm ban ma kau ngrông, Jêh ri rđêng rngot tâm ban nteh sĭm plŭk rđêng; He kâp gân nau sŏng ƀiălah mâu tât ôh, Kâp gân nau tâm rklaih, ƀiălah păng gŭ ngai đah hên!

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Êsêkiêl 24:22

Rnôk nây, khân may mra ƀư nâm bu gâp hŏ ƀư jêh; khân may mâu mra rdêp ôh têp trôm mbung, mâu lĕ sa piăng let bu njăt.

Êsêkiêl 33:10

Hơi kon bunuyh, lah hom ma ngih Israel pô aơ: ‘Khân may lah: Yor nau mhĭk jêh ri nau tih hên bun jâk ta klơ hên ƀư ăn ma hên rgănh hâu ngăn yor păng; mâm dơi hên rêh?’

Êsêkiêl 4:17

Yor pưt piăng let jêh ri dak, khân păng uănh ndrăng ma nau krit toyh jêh ri ra ai huơi yor ma nau tih khân păng nơm.”

Êsêkiêl 44:18

Khân păng mra mpân kưn ma bok mhay ta klơ bôk jêh ri nsoh kho gleh ma bok mhay tât ta n'gang bŭt; khân păng mâu mra dơi nsoh moh bok ƀư tuh dak rhal.

Kan Lêvi 26:16

Gâp mra ƀư lĕ nau ma khân may: Gâp mra nkhŭt nau krit kir tât ma khân may, nau ji khô hiăn jêh ri nau ji kăt, ƀư vĭr măt khân may jêh ri ƀư rngot nuih n'hâm khân may. Khân may mra huăr srih ntil yorlah phung rlăng đah khân may mra sa lĕ ndơ nây.

Kan Lêvi 26:39

Mbu nơm tâm phung khân may hôm rêh mra rngot tâm n'gor phung rlăng yor nau djơh mhĭk khân păng nơm. Yor nau djơh mhĭk phung chô yau khân păng, khân păng mra rngot tâm n'gor phung rlăng tâm ban ma phung chô yau khân păng nơm.