Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Êsêkiêl 24:14 - Nau Brah Ndu Ngơi 2023

14 Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

အခန်းကိုကြည့်ပါ။ ကော်ပီ




Êsêkiêl 24:14
30 ပူးပေါင်းရင်းမြစ်များ  

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.


Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.


Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.


Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”


Măt Gâp uănh mâu nhhuach ôh ma may, Gâp mâu mra geh nau yô̆ ma may; ƀiălah Gâp mra mplơ̆ ma may tĭng nâm trong may hăn, jêh ri ntil nau ƀơ̆ ƀơch may mra gŭ ta nklang may. Rnôk aơ, khân may mra gĭt Gâp jêng Brah Yêhôva.’


Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.


Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.


Brah Yêhôva lah: ‘Gâp mra ƀư ma bunuyh aơ tâm djrel đah bunuyh ri, mbơ̆ tâm tom đah kon. Gâp mra ti mâu djân, mâu yô̆, mâu nhhuach nôk Gâp ƀư rai khân păng.’”


Tâm ban pônây lĕ nau Gâp ngơi, Luh jêh bơh trôm mbung Gâp mâu mra sĭt ma Gâp dơm dam ôh, Ƀiălah păng mra ƀư jêh nau Gâp ŭch, Jêh ri păng ƀư lôch nau kan Gâp jao.


Yorlah mâm nau Păng lah mra geh ro; Păng ntrŭnh nau ntăm lĕ rngôch ndơ mra nâp ngăn.


Rlau lơn ma nĕ, Kôranh Brah Chrêk Rmah phung Israel mâu ngơi mƀruh ôh, mâu plĕch rgâl nau mĭn ôh, yorlah Păng mâu jêng du huê bunuyh dĭng bu dơi plĕch rgâl nau mĭn!”


Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?


Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”


Gâp hŏ ƀư nchah rai nhhơt jêh khân păng tâm phung ƀon lan jêh ri khân păng lĕ pru pra lam bri dak êng; Gâp hŏ phat dôih khân păng tĭng trong jêh ri kan khân păng pah.


Khân păng mra ƀư ma ay ma nau tâm rmot jêh ri sŏk pit play n'hâm suan ay pah kan. Khân păng mra ăn ay gŭ rhôk, săk hưl jêh ri nau ka n'hong, nau ay văng tĭr bu mra mpơl lĕ.


Khân păng ndrăp ndơ tâm lơh, ndeh seh, ndeh rdeng ndơ, jêh ri du phung tahan âk râk văch tâm rdâng đah ay; khăn păng sŏk khêl toyh, khêl jê̆, jêh ri ndô môk loih nchueng jŭm ay. Gâp mra jao nau phat dôih khân păng jêh ri khân păng mra phat dôih tĭng nâm nau vay ƀư khân păng.


Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”


Yorlah ay mâu kah gĭt ôh ma rnôk ay druh mom, ƀiălah duh nuih tâm rdâng đah Gâp tâm ăp ntil kan, yor ri, di yơh, Gâp mra ƀư ăn trong ay nkhŭt ta klơ bôk ay nơm,’ Kôranh Brah Yêhôva lah pônây. Mâu di hĕ ay ntop jêh nau tih văng tĭr tâm lĕ rngôch nau Gâp tâm rmot ma ay?


Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”


Măt Gâp uănh mâu nhhuach ôh ma may, mâu lĕ yô̆ ôh ma may. Gâp mplơ̆ ma may tĭng trong may hăn jêh ri lĕ nau ƀơ̆ ƀơch may mra gŭ ta nklang may. Rnôk nây, khân may mra gĭt Gâp yơh, Brah Yêhôva, jêng Nơm tâm rmal.


“Trong jêh ri nau kan may Hŏ ƀư ăn may lĕ nau nây. Nây jêng nau nglĕ dŭt rêh ni may, rngot ngăn ngên! Rngot ngăn ngên kŏ tât tâm trôm nuih n'hâm.”


Brah Yêhôva lah ma Y-Môis: “Ti Brah Yêhôva jêng gleh ir lĕ? Ăn may kâp uănh nau Gâp ngơi jêh ma may mra dơi jêng nau ngăn mâu lah mâu!”


Chiông sial rpuh tât nau mhĭk toyh ta klơ păng mâu geh nau yô̆ nđach; Păng nsrôih nchuăt du bơh nau tât.


Yorlah Brah Yêhôva ma phung tahan lah: “Nâm bu Gâp hŏ ăn jêh nau mhĭk tât khân may, lah chô yau khân may nsônh nuih Gâp, Gâp mâu rgâl ôh nau mĭn,” Brah Yêhôva ma phung tahan lah kơt nây,


Aƀaơ aơ, nau tât nglĕ dŭt ma may. Gâp mra nkhŭt nau Gâp ji nuih ta may; Gâp mra phat dôih may tĭng nâm trong may hăn jêh ri mra tâm rmal may yor lĕ nau ƀơ̆ ƀơch may.


Aơ hôm djê̆ lê̆ Gâp mra nkhŭt nau Gâp ji nuih ta may jêh ri ăn mpay nau Gâp nuih ma may. Gâp mra phat dôih may tĭng nâm nau gŭ ngao jêh ri mplơ̆ ma may ntil nau ƀơ̆ ƀơch may.


Lĕ rngôch tơm si tâm bri mra gĭt ma Gâp, Brah Yêhôva, hŏ njŭr tơm si prêh jêh ri n'hao tơm si dêh klơ. Gâp hŏ ƀư kro lơi tơm si ndrêh jêh ri ƀư ăn tơm si lĕ kro dơi nse ueh. Gâp, Brah Yêhôva, hŏ lah jêh ri ƀư dơi jêng nau nây ro.’”


Tâm nar nây, lĕ rngôch phung mbơh Gâp mprơh hăn ma kumpăn mra ƀư ăn ma phung Êthiôpi dôl geh nau đăp mpăn mra klach ngăn. Phung ƀon lan mra rngot tâm nar geh nau mhĭk tât Êjipt, yorlah aơ, nar nây tât ngăn!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ