Êsêkiêl 23:8 - Nau Brah Ndu Ngơi 2023

⁸ Păng mâu lơi ôh nau văng tĭr păng djôt leo ntơm bơh n'gor bri Êjipt jêng ntŭk bu hŏ ƀư bêk păng dôl rnôk hôm druh mom, ƀư ăn roh ndŭl druh păng jêh ri nkhŭt nau văng tĭr ta khân păng.

Êsêkiêl 23:8 ပူးပေါင်းရင်းမြစ်များ

I Phung Hađăch 12:28

Jêh nây nchră mĭn, hađăch ntrŭnh ƀư bar mlâm ndrôk kon ma mah, jêh ri păng lah ma phung ƀon lan: “Khân may hăn hao Yêrusalem jêr ngăn! Hơi Israel! Aơ jêng phung brah khân may, hŏ njŭn leo khân may du luh bơh Êjipt.”

II Phung Hađăch 10:29

Ƀiălah, Y-Jêhu mâu chalơi ôh nau tih Y-Jêrôbôam, kon bu klâu Y-Nêbat, jêng nau hŏ ƀư ma phung Israel ƀư tih. Y-Jêhu mâu ƀư rai ôh nau yơk mbah rup kon ndrôk mah ta Bêthel jêh ri ta ƀon Dan.

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

Nau Ngluh Êjipt 32:4

Ăn Y-Arôn dơn mah bơh ti khân păng, păng sŏk ndơ dŏng tŏ njêng rup du mlâm ndrôk kon. Phung ƀon lan lah: “Ơ phung Israel! Aơ jêng brah khân may, nơm ngluh jêh khân may bơh n'gor Êjipt.”

Êsêkiêl 20:7

Gâp lah ma khân păng: ‘Ăn ăp nơm khân may mƀăr lơi ăn ngai khân may bơh nau ƀơ̆ măt khân may ŭch uănh jêh ri lơi ta ƀư ƀơ̆ ôh khân may nơm ma lĕ rup brah bri Êjipt! Gâp jêng Yêhôva Brah Ndu khân may.’

Êsêkiêl 23:19

Ƀiălah păng ntop âk nau văng tĭr dôl kah gĭt tay ma rnôk păng hôm druh mom, rnôk păng ƀư nau văng tĭr tâm n'gor bri Êjipt.

Êsêkiêl 23:21

Yorlah ay ŭch rŏng ma nau văng tĭr dôl ay druh mom, rnôk phung Êjipt pet rvơ toh ay jêh ri ƀư roh ndŭl druh ay.

Êsêkiêl 23:3

Khân păng văng tĭr ta Êjipt, ƀư nau văng tĭr dôl khân păng druh mom; ta nây, toh khân păng lĕ bu pet jêh ri roh ndŭl druh.

Êsêkiêl 23:34

Ay mra nhêt kachok nây jêh ri nhêt lĕ, Ay mra dong kachok hăch rhên jêh ri gĭnh păng, Jêh nây ay hêk êng toh ay nơm; Nâm bu Gâp hŏ lah jêh,’ Kôranh Brah Yêhôva lah pônây.

Nau Tâm Mpơl 11:8

Săk jăn bar hê khân păng mra gŭ tâm trong ƀon toyh, rnha tĭng tâm nau hôr jêng ƀon Sôdôm jêh ri n'gor Êjipt, jêng ntŭk bu pâng kđĭn Kôranh Brah khân păng ta si tâm rkăng.