Êsêkiêl 22:4 - Nau Brah Ndu Ngơi 2023

⁴ May jêng tih jêh yor nau may ƀư pling mham, jêh ri jêng ƀơ̆ ƀơch ma yor lĕ rup brah may hŏ ƀư jêh. Pônây may hŏ ƀư ăn lĕ nar may dăch lơn jêh ri lĕ năm may mra tât gơnh lơn. Yor ri, Gâp hŏ ƀư jêh ăn may jêng ndơ prêng ma ntil mpôl bunuyh, ƀư ăn lĕ rngôch bri dak bu gơm mưch.

Êsêkiêl 22:4 ပူးပေါင်းရင်းမြစ်များ

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

II Nau Rêh Jêng 7:20

nôk nây Gâp mra rôk lơi khân may luh du bơh bri Gâp hŏ ăn jêh ma khân may. Bi ma ngih brah Gâp hŏ ƀư kloh ueh ma amoh Gâp, Gâp mra mƀăr lơi păng bơh Gâp, jêh ri mra ăn păng jêng du bôk nau mprĭng ma lĕ rngôch phung ƀon lan ngơi hôr juar jêh ri gơm mpray.

Nau Mprơ Ơm 79:4

Hên jêng ndơ bu tâm rmot jêh ma phung chiau meng hên, Ndơ suai rak jêh ri ndơ gơm mưch ma phung gŭ jŭm hên.

Yêrêmi 18:16

Bri dak khân păng jêng ntŭk rngot njăp, Ƀư nau gơm mưch mro mrăng ma neh ntu; Nơm sĭt nơm hăn hih rhâl da dê Knŏng hôm gĭt rteh bôk.

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Êsêkiêl 16:57

Dôl nây nau janh ƀai ay ê hŏ mpơl ôh, ay ê hŏ plơ̆ jêng du ntil nau phung tâm rmot ma kon bu ur Aram, ma lĕ rngôch phung chiau meng, jêh ri phung kon bu ur Philistin gŭ jŭm ay bu tâm rmot ma ay da dê.

Êsêkiêl 21:28

Đơ phung hŏ ton jêh uănh nau pol knŏng jêng nau mƀruh dơm, ƀiălah hađăch mra nkah ăn khân păng gĭt nau mhĭk khân păng nơm ƀư khân păng hăn jêng bu nă.

Êsêkiêl 22:2

“Hơi kon bunuyh, di lĕ may mra phat dôih, di lĕ may mra phat dôih ma ƀon pling mham aơ? Pôri ƀư hom ăn păng gĭt lĕ rngôch nau mhĭk păng.

Êsêkiêl 23:32

Kôranh Brah Yêhôva lah: ‘Ay mra nhêt kachok nur ay Jêng kachok jru jêh ri toyh Dơi prăp âk ngăn; Bu mra gơm mưch ntêh rmot ay.

Êsêkiêl 23:7

Păng ƀư văng tĭr ma phung bu klâu ndăm ueh ngăn phung Asiri; păng ƀư ƀơ̆ êng păng nơm ma phung păng rŏng ndrel ma lĕ rngôch rup brah khân păng.

Êsêkiêl 24:7

Yorlah mham păng pling jêh hôm e ta nklang păng; Păng pling mham nây ta klơ lŭ chrêk Mâu pling ôh ta neh Gay ăn ma ndruyh neh brôi lơi.

Êsêkiêl 24:8

Yor nau nây yơh gay ăn hao ji nuih jêh ri har plơng bôk Gâp lĕ pling jêh mham păng ta klơ lŭ chrêk, Kŏ tât păng mâu hôm dơi nkŭm đŏng ôh.’

Êsêkiêl 36:15

Gâp mâu mra hôm ăn khân may tăng nau lĕ bri dak ƀư prêng đŏng ôh; may mâu mra hôm dơn ôh nau phung ƀon lan ntêh rmot jêh ri mâu mra ƀư chêh prah đŏng ôh ma phung ƀon lan, Kôranh Brah Yêhôva lah pônây.”

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Kan Lêvi 26:32

Gâp mra ƀư rai lơi n'gor khân may kŏ tât phung rlăng đah khân may gŭ ta nây mra hih rhâl.

Nau Kơp Bunuyh 32:14

Aƀaơ, khân may jêng noi deh phung bunuyh tih, ntrok tay phung chô yau khân may nơm dâk hao jêh ri ƀư ma Brah Yêhôva ji nuih ma phung Israel lơ hô ntop.

Nau Vay Nkah Tay 28:37

Jêh ri khân may mra jêng du nau krit kir, du nau bu gơm jêh ri du nau ngơi srơh mbơh bir ta nklang phung ƀon lan Brah Yêhôva mra njŭn khân may tât.

Nau Vay Nkah Tay 29:24

Lĕ rngôch phung ndŭl mpôl mra ôp: ‘Mâm ƀư Brah Yêhôva hŏ ƀư pô aơ ma n'gor aơ?’ ‘Mâm dĭng geh nau ji nuih klach krit aơ?’

I Têsalônik 2:16

buay hên nti lah gay tâm rklaih phung bu năch. Khân păng ƀư ăn nau tih khân păng nơm bêng ler âk. Ƀiălah dăch dŭt, Brah Ndu ji nuih hŏ tât jêh ta khân păng.