Êsêkiêl 22:26 - Nau Brah Ndu Ngơi 2023

²⁶ Lĕ rngôch phung kôranh ƀư brah păng ƀư tih đah nau vay Gâp jêh ri ƀư ƀơ̆ ndơ kloh ueh Gâp; khân păng mâu kơp rnglah êng ôh moh ndơ jêng kloh ueh, moh ndơ jêng ƀơ̆; mâu lĕ nti bu gĭt rnglah êng moh ndơ jêng ƀơ̆ ƀơch, moh ndơ jêng kloh; khân păng nhêp măt mâu chrê ôh ma lĕ nar saƀat Gâp, ƀư ƀơ̆ Gâp ta nklang khân păng.

Êsêkiêl 22:26 ပူးပေါင်းရင်းမြစ်များ

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Yêrêmi 15:19

Yor nây, Brah Yêhôva lah: “Tơlah may plơ̆ sĭt tay, Gâp mra njêng tay may, Ăn may dâk tanăp măt Gâp; Tơlah may ƀư nau khlay cha bơh nau lă lêng, Pôri may mra jêng nâm bu bâr mbung Gâp. Khân păng plơ̆ sĭt ma may, Ƀiălah may mâu plơ̆ sĭt ma khân păng.

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Nau Nhĭm Vơl 4:13

Ma yor nau tih phung Nơm mbơh lor, Yorlah nau mhĭk phung kôranh ƀư brah, Jêng phung hŏ ƀư pling jêh mham bunuyh sŏng srăng Ta nklang ƀon.

Êsêkiêl 22:8

May mưch ma ndơ kloh ueh Gâp jêh ri ƀư tih lĕ nar saƀat Gâp!

Êsêkiêl 23:38

Khân păng ăt hôm ƀư nau aơ đŏng: Ndrel tâm du nar khân păng hŏ ƀư ƀơ̆ jêh ntŭk kloh ueh Gâp jêh ri ƀư tih lĕ rngôch nar saƀat Gâp!

Êsêkiêl 36:20

Ntŭk khân păng hŏ tât jêh tâm lĕ bri dak, khân păng hŏ ƀư tih đah amoh kloh ueh Gâp da dê, kŏ tât bu lah ma khân păng pô aơ: ‘Nây jêng phung ƀon lan Brah Yêhôva ƀiălah lĕ bu mprơh khân păng hăn du tă bơh bri Brah Yêhôva!’

Êsêkiêl 42:20

Pôri, păng veh lĕ puăn pŭng mpir văr jŭm ngih brah, nau jong bar rhiăng prăm jât met, nau huy bar rhiăng prăm jât met. Mpir aơ gay tâm pă rnglah ntŭk kloh ueh ma đah ntŭk ƀon lan.

Êsêkiêl 44:10

Dôl phung Israel vĭ nhhơt pôri phung Lêvi du ngai đah Gâp tâm ban lĕ, chalơi Gâp gay pah kan phung rup brah; khân păng mra anh nau tih khân păng nơm.

Êsêkiêl 44:23

Khân păng mra nti ma phung ƀon lan Gâp gĭt rnglah moh ntil ndơ jêng kloh ueh đah moh ntil ndơ neh ntu, ntĭm ăn ma phung ƀon lan Gâp gĭt rnglah ntil nau kloh đah nau ƀơ̆ ƀơch.

Êsêkiêl 44:24

Tơlah geh nau tâm rlăch, khân păng jêng kôranh phat dôih, jêh ri phat dôih tĭng nâm nau vay Gâp. Khân păng mra djôt prăp nau vay Gâp jêh ri nau vay dăp Gâp tâm lĕ rngôch nar năng tâm rƀŭn Gâp jêh ri prăp dơi jêng kloh ueh lĕ nar saƀat Gâp.

Êsêkiêl 7:26

Nau mhĭk ntop âk nau mhĭk, lư nau mhĭk thoi tay lư nau mhĭk. Khân may mra joi du nau tâm saơ tă bơh nơm mbơh lor ƀiălah nau ntrŭnh du bơh kôranh ƀư brah, jêh ri nau blau mĭn du bơh phung kôranh bu ranh.

Kan Lêvi 10:10

Ăn khân may gĭt tâm nkhah nau kloh ueh jêh ri ndơ neh ntu, nau ƀơ̆ ƀơch jêh ri nau kloh,

Kan Lêvi 11:47

gay tâm nkhah mpa mâu kloh đah mpa geh nau kloh, lĕ rngôch mpa bu dơi sa đah lĕ rngôch mpa bu mâu dơi sa ôh.’”

Kan Lêvi 13:43

Ăn kôranh ƀư brah sek uănh păng, tơlah saơ môr ta bôk plưn mâu lah ta ndăr kleng plưn geh nglang chăng, nâm bu ji phŭng tâm ntâu săk jăn,

Kan Lêvi 20:25

Pônây ăn khân may tâm nkhah mpa kloh đah mpa ƀơ̆, sĭm och kloh đah sĭm och ƀơ̆; lơi ƀư ma khân may nơm jêng ndơ ƀơ̆ ƀơch yor ma mpô mpa, yor sĭm och mâu lah lĕ rngôch ndrŭng vơr ta neh, jêng lĕ rngôch ntil Gâp hŏ tâm nkhah êng jêh gay ăn khân may gĭt lĕ ntil mpa nây jêng ƀơ̆ ƀơch.

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Malachi 2:8

Ƀiălah khân may nkhơng ma teng tă bơh trong ngăn, dŏng nau ntrŭnh ƀư ma âk bunuyh chêh prah, jêh ri ƀư rai nau tâm rnglăp phung Lêvi.” Brah Yêhôva ma phung tahan lah kơt nây.

Samƀŭt Pôl Njuăl Ăn Ma Phung Nsing Ta Ƀon Rôm 2:24

Tâm ban geh nau nchih: “Yor khân may yơh phung bu năch ngơi mưch rmot ma amoh Brah Ndu.”

I Samuel 2:22

Nôk nây, Y-Êli hŏ ranh ngăn. Păng tăng lĕ ntil nau bar hê kon bu klâu păng ƀư ma lĕ rngôch phung Israel, jêh ri ma nau khân păng bê̆ch ndrel đah phung bu ur pah kan ta mpông Ngih Bok Nau Tâm Rƀŭn.

I Samuel 2:29

Mâm ƀư khân may mưch rmot lĕ mpa ƀư brah jêh ri lĕ ndơ nhhơr Gâp hŏ ntăm jêh nhhơr ma Gâp mro mrăng? May yơk ma phung kon bu klâu may rlau lơn ma Gâp, jêh ri khân may mât rong khân may ăn lay ma lĕ ndơ nhhơr dŭt ueh tă bơh phung Israel, jêng phung ƀon lan Gâp!’