Êsêkiêl 22:2 - Nau Brah Ndu Ngơi 2023

² “Hơi kon bunuyh, di lĕ may mra phat dôih, di lĕ may mra phat dôih ma ƀon pling mham aơ? Pôri ƀư hom ăn păng gĭt lĕ rngôch nau mhĭk păng.

Êsêkiêl 22:2 ပူးပေါင်းရင်းမြစ်များ

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 2:34

Ta klơ ntôr ao may Ăt krêp mham phung o ach mâu geh nau tih, Nđâp lah may mâu nhŭp ban khân păng lôk mpêr, Ƀiălah may ƀư lĕ rngôch.

Êsêkiêl 11:6

Khân may hŏ nkhĭt âk râk ngăn bunuyh tâm ƀon aơ jêh ri ƀư bêng ma bunuyh khĭt tâm lam ăp trong sâng.’

Êsêkiêl 20:4

Hơi kon bunuyh, may ŭch phat dôih khân păng, may ŭch phat dôih khân păng lĕ? May lah hom ăn khân păng gĭt nau ƀơ̆ phung chô yau khân păng.

Êsêkiêl 22:1

Geh nau Brah Yêhôva lah ma gâp:

Êsêkiêl 22:3

Lah hom ma păng: ‘Kôranh Brah Yêhôva lah: Du rplay ƀon ƀư pling mham gŭ ta nklang păng tât năng tâm nal; păng ƀư jêh lĕ rup brah gay ƀư nau ƀơ̆ ƀơch êng păng nơm!

Êsêkiêl 24:6

Yor nây, Brah Yêhôva lah: ‘Rêh ni ngăn ma ƀon pung mham, Rêh ni ma glah lĕ ek găm Ek găm nây mâu jut kloh ôh! Sŏk hom du mlay du mlay ăn kŏ tât lĕ, Mâu sŏk tâm nchroh mâu lah săch ôh.

Êsêkiêl 24:9

Yor ri, Brah Yêhôva lah: ‘Rêh ni ngăn ma ƀon phung pling mham! Gâp tâm ban lĕ mra bun long ăn âk.

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Nahum 3:1

Rêh ni ngăn ma ƀon toyh krêp mham! Păng bêng ma nau mƀruh jêh ri janh ƀai Mâu rlu ôh nau ntŭng ndô ndơ.

Mathay 23:35

gay ăn ma mham phung sŏng srăng hoch luh jêh ta neh ntu mra nkhŭt ta khân may da dê, ntơm bơh mham Y-Abel mâu geh nau tih tât ta mham Y-Sakari jêng kon bu klâu Y-Baraki, nơm khân may nkhĭt jêh tâm vah vang Ntŭk Kloh Ueh jêh ri nơng ƀư brah.

Mathay 27:25

Lĕ phung ƀon lan plơ̆ lah da dê: “Dăn mham păng tŭp ta hên jêh ri ta phung kon sau hên!”

Luka 11:50

Kơt nây, rnôk aƀaơ aơ mplơ̆ tay rnon mham lĕ rngôch phung nơm mbơh lor nkhŭt jêh tâm rnôk ntơm rhăk njêng neh ntu,

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

I Timôthê 5:20

Mpơl hom nau nduyh ma phung bunuyh vay ƀư tih, gay ma phung êng klach đŏng.