Êsêkiêl 22:13 - Nau Brah Ndu Ngơi 2023

¹³ Ri, Gâp mpang ti Gâp tâm ndơ mâu di may hŏ ƀư jêh ri ta mham hŏ hoch tâm nklang may.

Êsêkiêl 22:13 ပူးပေါင်းရင်းမြစ်များ

Nau Hôr 28:8

Mbu nơm ăn bu manh sa kao jâk ƀiălah drăp ndơ păng gay n'hao ntop âk, Jêng prăp bun ndơ nây ăn ma bunuyh geh nuih n'hâm yô̆ nđach ma phung o ach.

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Êsêkiêl 21:14

“Hơi kon bunuyh, ngơi mbơh lor hom pô aơ: ‘Brah Yêhôva lah: Ngơi hom pô aơ: Du mlâm đao, du mlâm đao mplanh jêh ri chrêk!

Êsêkiêl 21:17

Hơi kon bunuyh, kuăl hom jêh ri lŭng nter yor ma đao gŭ ta klơ phung ƀon lan Gâp, gŭ ta klơ lĕ rngôch phung kôranh chiă uănh Israel jêng phung hŏ jao jêh ăn ma đao ndrel ma phung ƀon lan Gâp. Yor ri, tap hom tơm blu!

Êsêkiêl 21:19

Hơi kon bunuyh, pôri ngơi hom nau mbơh lor! Tap hom ti, kdŏ đao bar pe tơ̆. Nây jêng mlâm đao ƀư nkhĭt, du mlâm đao sreh nkhĭt âk bunuyh, dôl gŭ jŭm chiau meng

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 33:31

Khân păng n'hoch lĕ rngôch mpôl văch ma may; phung ƀon lan Gâp gŭ tanăp măt may jêh ri iăt nau may ƀiălah khân păng mâu tĭng ƀư ôh. Mbung khân păng ngơi âk bêng ma nau rŏng ƀiălah nuih n'hâm knŏng joi nau mâu tâm di.

Amôt 3:10

Brah Yêhôva lah: “Khân păng mâu gĭt ƀư nau sŏng ôh; Khân păng bun bêng drăp ndơ mhĭk ƀai jêh ri ƀư nau ntŭng tâm lĕ pôih toyh khân păng.”

Nau Kơp Bunuyh 24:10

Dôl nây, Y-Balak hao ji nuih ma Y-Balaam, bar ti mbang lăp ndrăng jêh ri lah ma Y-Balaam: “Gâp kuăl jêh may gay ăn may rak rtăp ma phung rlăng gâp, ƀiălah may ăn nau ueh uĭn ma khân păng pe tơ̆ jêh!

I Têsalônik 4:6

Tâm ntil nau aơ, lơi ăn geh bunuyh ƀư tih, mâu lah ndơm oh nâu păng nơm; yorlah Kôranh Brah jêng Nơm phat dôih tâm rmal ma lĕ nau nây, nâm bu hên hŏ lah lor jêh ri mbơh jêh ma khân may.