Êsêkiêl 22:11 - Nau Brah Ndu Ngơi 2023

¹¹ Ta ntŭk may, bunuyh aơ ƀư nau ƀơ̆ đah ur chiau meng păng, bunuyh êng ƀư ƀơ̆ đah ƀăn păng nơm, bunuyh êng đŏng ƀư prêng oh ruh păng jêng kon bu ur mbơ̆ păng.

Êsêkiêl 22:11 ပူးပေါင်းရင်းမြစ်များ

II Samuel 13:1

Jêh nau nây geh tât nau aơ: Y-Apsalôm, kon bu klâu Y-Đavit, geh du huê oh bu ur ueh ngăn, amoh H'Tamar. Y-Amnôn, kon bu klâu Y-Đavit, rŏng ma păng.

II Samuel 13:11

Ƀiălah dôl H'Tamar leo ƀănh hăn văch dăch ăn păng sa, păng rƀiah kuăn păng jêh ri lah: “Hơi oh, văch hom bê̆ch ndrel đah gâp.”

II Samuel 13:14

Ƀiălah Y-Amnôn mâu ŭch iăt păng ôh, jêh ri yorlah păng jêng dăng lơn, păng hŏ tom bê̆ch ndrel đah păng.

Yêrêmi 29:23

Yorlah khân păng hŏ ƀư jêh nau rluk tâm bri Israel, hŏ ƀư nau văng tĭr đah ur phung chiau meng, jêh ri hŏ tâm amoh Gâp ngơi ma lĕ nau mƀruh nau Gâp mâu mâp ntĭnh ôh. Gâp yơh jêng Nơm gĭt rah vah nau nây jêh ri mbơh nkoch ma nau nây.” Brah Yêhôva lah pônây.

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Êsêkiêl 18:11

nđâp lah mbơ̆ păng mâu ƀư ôh nau nây; ƀiălah păng sa ndơ nhhơr ta klơ yôk, ƀư bêk ur chiau meng păng;

Êsêkiêl 18:6

mâu sa ôh ndơ nhhơr ta klơ yôk mâu lah kâp gân ma phung rup brah ngih Israel; mâu ƀư bêk prêng ôh ur chiau meng păng mâu lah mâu gŭ êp ôh ma du huê bu ur dôl geh săk bu ur;

Êsêkiêl 33:26

Khân may nsing ma đao khân may ƀư lĕ nau ƀơ̆; ăp nơm tâm khân may ƀư prêng ur nơm chiau meng khân may. Khân may dơi sŏk ndơn bri neh aơ lĕ?’

Kan Lêvi 18:15

Lơi bê̆ch nsum đah ƀăn, yorlah păng jêng ur kon bu klâu may.

Kan Lêvi 18:20

Lơi bê̆ch ndrel đah ur phung chiau meng may ôh, gay ma may nơm mâu geh khan nau ƀơ̆ ƀơch.

Kan Lêvi 18:6

Lơi ăn du huê tâm phung khân may bê̆ch nsum đah phung mpôl băl dăch ndŭl deh êp đah khân may. Gâp jêng Brah Yêhôva.

Kan Lêvi 18:9

Lơi bê̆ch nsum đah oh nur may nơm, nđâp lah geh du mê̆ du mbơ̆, mâu lah du mbơ̆, êng mê̆ mâu lah du mê̆, êng mbơ̆, gĭt lah bu deh jêh tâm ngih mâu lah ta ntŭk êng.

Kan Lêvi 20:10

‘Tơlah du huê bu klâu ƀư tih văng tĭr đah du huê bu ur lĕ geh sai, mâu lah đah ur nơm chiau meng păng, lĕ bu ur jêh ri bu klâu nây mra nkhĭt da dê.

Kan Lêvi 20:12

Tơlah mbu nơm bê̆ch nsum đah ƀăn păng, bu mra nkhĭt lơi lĕ bar hê khân păng, yorlah khân păng hŏ ƀư jêh nau dŭt ƀơ̆ ƀơch, mham khân păng mra nkhŭt tay ta khân păng nơm.

Kan Lêvi 20:17

Tơlah du huê bu klâu sŏk ruh mâu lah oh păng nơm, mâu lah du mbơ̆, mê̆ êng êng, mâu lah du mê̆, mbơ̆ êng êng, nây jêng du nau dŭt bêk prêng, bu mra ngluh lơi khân păng luh bơh phung ƀon lan. Nơm hŏ ƀư bêk jêh oh ruh păng, nơm nây mra tuy nau djơh păng.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

Galati 5:19

Nau kan bơh nglay săk rah vah jêh, nây jêng nau văng tĭr, nau ƀơ̆ ƀơch, nau blă blơ,

Nau Vay Nkah Tay 22:22

Tơlah bu saơ du huê bu klâu bu ban dôl bê̆ch ndrel đah ur bu, pôri lĕ bu klâu jêh ri bu ur nây mra khĭt. Pônây khân may mra rai lơi nau mhĭk bơh phung Israel.

Nau Vay Nkah Tay 27:22

‘Di ma rak rtăp lơi ma nơm bê̆ch ndrel đah oh, ruh păng, mâu lah mbơ̆ nsum mê̆ êng mâu lah mê̆ nsum mbơ̆ êng!’ Ăn lĕ rngôch phung ƀon lan mra plơ̆ lah: ‘Amen!’

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.