Êsêkiêl 22:10 - Nau Brah Ndu Ngơi 2023

¹⁰ Ta ntŭk may, geh bunuyh pơk mpơl nau rhôk phung mbơ̆ khân păng nơm; ta ntŭk may, geh bunuyh ƀư ƀơ̆ đah bu ur dôl geh săk bu ur.

Êsêkiêl 22:10 ပူးပေါင်းရင်းမြစ်များ

Nau Ntơm 35:22

Tâm rnôk Y-Israel gŭ ta n'gor nây, Y-Ruben hăn bê̆ch ndrel ma H'Bilha, ur yông mbơ̆ păng. Y-Israel tăng nau nây.

Nau Ntơm 49:4

Ktang tâm ban ma dak rbuh, rĭ dĭng may mâu rlau lơn mbu, Yorlah may hŏ hao klơ sưng bê̆ch mbơ̆ may Ƀư ma sưng bê̆ch mbơ̆ may ƀơ̆ ƀơch!

I Nau Rêh Jêng 5:1

Yorlah Y-Ruben, kon bu klâu bôk rah ma Y-Israel, ƀư ƀơ̆ sưng bê̆ch mbơ̆ păng, yor ri nau dơi kon bôk rah bu jao jêh ma phung kon Y-Yôsep, jêng kon Y-Israel. Yor ri, bu mâu nchih păng tâm noi deh tâm ban kon bu klâu bôk rah.

Êsêkiêl 18:6

mâu sa ôh ndơ nhhơr ta klơ yôk mâu lah kâp gân ma phung rup brah ngih Israel; mâu ƀư bêk prêng ôh ur chiau meng păng mâu lah mâu gŭ êp ôh ma du huê bu ur dôl geh săk bu ur;

Kan Lêvi 18:19

Lơi bê̆ch nsum đah bu ur me dôl ƀơ̆ ƀơch rnôk păng geh săk bu ur.

Kan Lêvi 18:6

Lơi ăn du huê tâm phung khân may bê̆ch nsum đah phung mpôl băl dăch ndŭl deh êp đah khân may. Gâp jêng Brah Yêhôva.

Kan Lêvi 20:11

Tơlah mbu nơm bê̆ch ndrel đah ur mbơ̆ păng nơm, jêng hŏ ƀư bêk mbơ̆ păng, lĕ khân păng bar hê bu mra nkhĭt lơi, mham khân păng mra nkhŭt tay ta khân păng nơm.

Kan Lêvi 20:18

Tơlah du huê bu klâu bê̆ch nsum đah du huê bu ur dôl bu ur rnôk păng geh săk bu ur jêh ri bu klâu nây ăn bu gĭt nau bu ur nĕ geh săk bu ur jêh ri bu ur nĕ ƀư ăn bu gĭt mham păng luh, bu mra nsot lơi lĕ bar hê khân păng bơh phung ƀon lan păng.

Amôt 2:7

Khân păng jot plên bôk phung ndĭt trơi tâm bŏk krăk, Jêh ri ƀư kue trong ma bunuyh dêh rhêt. Kon jêh ri mbơ̆ păng hăn bê̆ch nsum ma du huê bu ur. Jêh ri pônây ƀư ƀơ̆ kơt nĕ amoh kloh ueh Gâp.

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

Nau Vay Nkah Tay 27:20

‘Di ma rak rtăp ma nơm bê̆ch ndrel đah ur yông mbơ̆ păng, yorlah păng ƀư bêk ma mbơ̆ păng!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 27:23

‘Di ma rak rtăp ma nơm bê̆ch ndrel đah mê̆ ur păng!’ Ăn lĕ rngôch phung ƀon lan mra plơ̆ lah: ‘Amen!’