Êsêkiêl 21:12 - Nau Brah Ndu Ngơi 2023

¹² Tơlah khân păng lah ma may: ‘Mâm ƀư may lŭng nter?’ Pôri may plơ̆ lah pô aơ: ‘Yorlah mbơh tât lam ntŭk ƀư ma lĕ nuih n'hâm rung răng da dê, lĕ rngôch ti mâu geh n'hâm suan, lĕ rngôch nau mĭn huăr rgănh, lĕ rngôch kômâk ra ai nâm bu dak. Aơ, nau nây dăch geh tât mra jêng nau ngăn, Kôranh Brah Yêhôva lah pônây!’”

Êsêkiêl 21:12 ပူးပေါင်းရင်းမြစ်များ

Êsai 13:7

Yor nây, lĕ rngôch ti huơi ngăn da dê Nuih n'hâm ăp nơm mra rai da dê.

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Yêrêmi 31:19

Jêh nau vĭ nhhơt, gâp hŏ rmal nau tih; Jêh geh nau nti, gâp hŏ tŭr tang tơh nduyh tôr; Gâp prêng brâp muh măt Yorlah hŏ anh nau bu mưch rmot bơh nôk hôm mom.

Êsêkiêl 21:11

Hơi kon bunuyh, may lŭng nter ma nuih n'hâm rngot; di ngăn, lŭng nter hom tanăp măt khân păng ma nau rngot ngăn.

Êsêkiêl 21:13

Geh nau Brah Yêhôva lah ma gâp:

Êsêkiêl 21:14

“Hơi kon bunuyh, ngơi mbơh lor hom pô aơ: ‘Brah Yêhôva lah: Ngơi hom pô aơ: Du mlâm đao, du mlâm đao mplanh jêh ri chrêk!

Êsêkiêl 21:25

May treh hom du mlâm trong ăn ma đao hăn rgăn rlet ma Raba, ƀon phung kon sau Ammôn, jêh ri du mlâm trong rlet ma Yuđa ta Yêrusalem jêng ƀon geh pôih nâp.

Êsêkiêl 21:6

Geh nau Brah Yêhôva lah ma gâp:

Êsêkiêl 22:6

Uănh hom, phung kôranh Israel gŭ tâm may, ăp nơm sŏk tĭng nau dơi chiă uănh da dê ƀư pling mham.

Êsêkiêl 30:2

“Hơi kon bunuyh, mbơh lor hom pô aơ nau Kôranh Brah Yêhôva lah: ‘Nhĭm vơl hom! Ngăn yơh jêng nar rêh ni ngăn!

Êsêkiêl 6:11

Yêhôva Brah Ndu lah tâm ban pônây: “Tap hom ti, ntrâm jâng jêh ri ngơi: ‘Ơ yuh! Yorlah lĕ rngôch nau ƀai khư tâm rmot ngih Israel! Yorlah khân păng mra khĭt ma đao, nau sa sât ji ngot jêh ri nau ji tưp.’

Êsêkiêl 7:17

Lĕ rngôch ti hŏt rgănh da dê, lĕ rngôch kômâk rbăn huơi da dê nâm bu dak!

Êsêkiêl 9:8

Dôl khân păng lơh nkhĭt gâp gŭ êng du huê. Gâp păn muh măt jêh ri kuăl nter pô aơ: “Ơ Yêhôva Brah Ndu! May ŭch nkhŭt nau ji nuih tâm ƀon Yêrusalem gay ƀư rai lơi lĕ rngôch phung hôm klen ta ƀon Israel mâm ƀư?”

Yôel 1:13

Hơi phung kôranh ƀư brah, nsoh hom ao ƀau jêh ri nhĭm vơl! Hơi phung pah kan ta nơng ƀư brah, nhĭm vơl hom! Hơi phung pah kan ma Brah Ndu gâp, Văch nsoh hom ao ƀau rngeh lĕ du măng! Yorlah ndơ ƀư brah rnih môi jêh ri ndơ nhhơr nhêt sa mâu hôm geh nhhơr Tâm ngih Brah Ndu khân may!

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Mika 1:8

Yor nau nây, gâp mra nhĭm nhhiăng jêh ri nter vơl, Doh săk hưl jêh ri hăn jâng dơm; Gâp mra kuăl lŭng nter nâm bu so bri Jêh ri rđêng nđor nâm bu sĭm ôtrus.