Êsêkiêl 20:7 - Nau Brah Ndu Ngơi 2023

⁷ Gâp lah ma khân păng: ‘Ăn ăp nơm khân may mƀăr lơi ăn ngai khân may bơh nau ƀơ̆ măt khân may ŭch uănh jêh ri lơi ta ƀư ƀơ̆ ôh khân may nơm ma lĕ rup brah bri Êjipt! Gâp jêng Yêhôva Brah Ndu khân may.’

Êsêkiêl 20:7 ပူးပေါင်းရင်းမြစ်များ

II Nau Rêh Jêng 15:8

Tơlah Y-Asa hŏ tăng jêh nau ngơi nây jêng nau ngơi mbơh lor bơh nơm mbơh lor Y-Ôdet, ri mơ hađăch ntop nau janh ktang. Păng mƀăr lơi rup brah ƀơ̆ ƀơch luh bơh lam n'gor Yuđa jêh ri Benjamin, jêh ri luh bơh lĕ ƀon păng lĕ pit in jêh ta klơ nkual yôk Êphraim. Păng nkra tay nơng ƀư brah Brah Yêhôva mpeh panăp ndring ngih Brah Yêhôva.

Nau Ngluh Êjipt 16:12

“Gâp hŏ tăng jêh nau phung ƀon lan Israel nduyh. Yor ri, ăn may lah ma khân păng pô aơ: ‘Kêng mhaơ khân may mra sa puăch, kêng ôi khân may mra sa piăng let kŏ tât hơm; jêh ri khân may mra gĭt Gâp jêng Yêhôva Brah Ndu khân may.’”

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Ngluh Êjipt 20:4

Kon mâu dơi ƀư ma may nơm du mlâm rup brah tĭng nâm rup lĕ mpa tâm trôk ta klơ, mâu lah ta neh ntu, mâu lah tâm dak tâm dâng neh ntu.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Nau Ngluh Êjipt 22:20

Mbu nhhơr mpa ƀư brah ma lĕ rngôch brah êng mâu tăp ma Brah Yêhôva ôh ăn bu nkhĭt lơi păng.

Êsai 31:7

Yorlah tâm nar nây, ăp nơm mra mƀăr lơi lĕ rup brah ƀư ma prăk jêh ri ma mah, yor bơh ti tih mhĭk khân may nơm ƀư jêh.

Êsêkiêl 14:6

Yor nây, lah hom ma ngih Israel pô aơ: ‘Kôranh Brah Yêhôva lah: Plơ̆ sĭt hom, chalơi rup brah khân may, rle muh măt du tă bơh lĕ nau mhĭk Gâp tâm rmot khân may.

Êsêkiêl 18:15

tơlah kon nây mâu sa ndơ ƀư brah ta klơ yôk mâu lah mâu kâp gân ma rup brah ngih phung Israel; tơlah mâu ƀư prêng ma ur phung chiau meng păng;

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Êsêkiêl 18:6

mâu sa ôh ndơ nhhơr ta klơ yôk mâu lah kâp gân ma phung rup brah ngih Israel; mâu ƀư bêk prêng ôh ur chiau meng păng mâu lah mâu gŭ êp ôh ma du huê bu ur dôl geh săk bu ur;

Êsêkiêl 20:19

Gâp jêng Yêhôva Brah Ndu khân may; ƀư hom tĭng nau vay dăp Gâp, djôt prăp nau vay ƀư Gâp jêh ri tĭng ƀư.

Êsêkiêl 20:8

Ƀiălah khân păng ŭch tâm rdâng đah Gâp jêh ri mâu ŭch iăt Gâp ôh; ăp nơm mâu mƀăr ôh lĕ nau ƀơ̆ măt khân may jêh ri mâu chalơi phung rup brah bri Êjipt. Rnôk nây, Gâp lah pô aơ Gâp mra nkhŭt nau Gâp ji nuih ta klơ khân păng, nkhŭt lĕ nau ji nuih Gâp mra tâm rdâng ma khân păng ta nklang bri Êjipt.

Êsêkiêl 23:3

Khân păng văng tĭr ta Êjipt, ƀư nau văng tĭr dôl khân păng druh mom; ta nây, toh khân păng lĕ bu pet jêh ri roh ndŭl druh.

Êsêkiêl 23:7

Păng ƀư văng tĭr ma phung bu klâu ndăm ueh ngăn phung Asiri; păng ƀư ƀơ̆ êng păng nơm ma phung păng rŏng ndrel ma lĕ rngôch rup brah khân păng.

Êsêkiêl 23:8

Păng mâu lơi ôh nau văng tĭr păng djôt leo ntơm bơh n'gor bri Êjipt jêng ntŭk bu hŏ ƀư bêk păng dôl rnôk hôm druh mom, ƀư ăn roh ndŭl druh păng jêh ri nkhŭt nau văng tĭr ta khân păng.

Êsêkiêl 34:24

Gâp, Brah Yêhôva, mra ƀư Brah Ndu khân păng, bi Y-Đavit, oh mon Gâp, mra ƀư hađăch ta nklang khân păng. Gâp Brah Yêhôva hŏ lah jêh pônây.

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Kan Lêvi 11:44

Yorlah Gâp jêng Yêhôva Brah Ndu khân may; pôri prăp hom khân may nơm ăn kloh ueh jêh ri kloh ueh hom, yorlah Gâp nơm jêng kloh ueh. Lơi yor ăp ntil ndrŭng vơr ta klơ neh ƀư ma khân may nơm geh nau ƀơ̆ ƀơch.

Kan Lêvi 17:7

Khân păng mâu dơi nhhơr ndơ ƀư brah ma phung brah mhĭk, jêng phung brah khân păng ƀư nau văng tĭr. Nây jêng nau vay dăp n'ho ro ma khân păng tâm lĕ rngôch rnôk.’

Kan Lêvi 18:2

“Lah hom ma phung ƀon lan Israel pô aơ Gâp jêng Yêhôva Brah Ndu khân may.

Kan Lêvi 18:3

Lơi khân may ƀư ôh lĕ nau khân păng ƀư tâm n'gor Êjipt, ntŭk khân may hŏ gŭ njưh jêh, mâu lĕ dơi tĭng ƀư nau khân păng ƀư tâm n'gor Kanaan, jêng n'gor Gâp mra njŭn khân may tât. Mâu dơi hăn tĭng ndô̆ ôh nau vay dăp khân păng.

Kan Lêvi 20:7

Khân may prăp hom khân may nơm tâm nau kloh jêh ri dơi jêng nau kloh ueh, yorlah Gâp jêng Yêhôva Brah Ndu khân may.

Yôsuê 24:14

Pônây aƀaơ ri, klach yơk hom ma Brah Yêhôva jêh ri pah kan ma Păng ma lĕ nuih n'hâm jêh ri ma nau răp jăp. Mƀăr lơi hom phung brah phung chô yau khân may pah kan ta đah ri dak krong tâm ban ma tâm n'gor Êjipt jêh ri knŏng pah kan hom ma Brah Yêhôva.