Êsêkiêl 20:6 - Nau Brah Ndu Ngơi 2023

⁶ Tâm nar nây, Gâp ton ma khân păng pô aơ Gâp mra djôt leo luh tă bơh n'gor bri Êjipt gay ma lăp tâm du n'gor bri Gâp joi rơm ndrăp ăn ma khân păng, du n'gor bri, jêng bri geh dak toh jêh ri dak sŭt, bri ueh lơn tâm lĕ rngôch bri.

Êsêkiêl 20:6 ပူးပေါင်းရင်းမြစ်များ

Nêhêmi 9:12

Nôk nar Kôranh Brah njŭn leo khân păng ma n'gâng tŭk Jêh ri bri măng ma n'gâng ŭnh gay nchrat ang tâm trong khân păng hăn rgăn.

Nêhêmi 9:9

Kôranh Brah hŏ saơ jêh nau rêh ni phung chô yau hên ta n'gor bri Êjipt, Hŏ tăng jêh bâr khân păng kuăl dăn ta meng Dak Mƀŭt Chăng.

Nau Mprơ Ơm 106:24

Thoi ma nây, phung chô yau hên tâm rmot ma n'gor neh ueh uĭn, Mâu chroh ôh ma nau Păng ngơi.

Nau Mprơ Ơm 47:5

Brah Ndu hao gŭ nklang bâr troh maak, Brah Yêhôva hao gŭ tâm bâr nŭng.

Nau Mprơ Ơm 48:2

Yôk Siôn prêh ngăn ueh reh Jêng nau răm maak ma lĕ rngôch neh ntu. Jêng yôk prêh lơn ma Saphôn, Jêng ƀon Hađăch dŭt toyh.

Nau Ngluh Êjipt 13:5

Pôri, nôk Brah Yêhôva njŭn khân may lăp tâm n'gor phung Kanaan, phung Hitit, phung Amôrit, phung Hivit, jêh ri phung Jêbusit, jêng n'gor bêng ma dak toh jêh ri dak sŭt, Păng hŏ ton ma chô yau khân may mra ăn ma khân may, pôri lah tât khay aơ khân may kah gĭt prăp nau vay rƀŭn nây.

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 33:3

gay leo khân may tât ta n'gor bêng ma dak toh jêh ri dak sŭt; ƀiălah Gâp mâu mra hăn ôh ndrel ma khân may, yorlah khân may jêng du phung ƀon lan dăng ko, klach lah Gâp mra ƀư rai khân may rŏ trong.”

Nau Ngluh Êjipt 6:8

Gâp mra djôt khân may lăp tâm n'gor Gâp hŏ ton jêh ăn ma Y-Abraham, Y-Isăk, Y-Yakôb, jêh ri ăn n'gor nây jêng drăp ndơn ma khân may: Gâp jêng Brah Yêhôva.’”

Yêrêmi 11:5

Pôri, Gâp dơi ƀư nau ton jêh Gâp hŏ ton ma phung chô yau khân may, jêng ăn ma khân păng du n'gor bri bêng ma dak toh jêh ri dak sŭt, nâm bu hŏ geh jêh nar aơ.’” Gâp plơ̆ lah: “Ơ Brah Yêhôva! Amen!”

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Yêrêmi 32:22

May ăn jêh ma khân păng bri aơ, du mlâm bri geh ndơ sông sa rmeh ler, May hŏ ton jêh ăn ma phung chô yau khân păng.

Êsêkiêl 20:15

Gâp yơr ti ton jêh ma khân păng tâm bri rdah pô aơ Gâp mâu mra leo khân păng lăp ôh tâm n'gor bri Gâp hŏ ăn ma khân păng, jêng n'gor bri bêng ma dak toh jêh ri dak sŭt, bri ueh lơn tâm lĕ rngôch bri.

Êsêkiêl 20:23

Tâm ban lĕ Gâp hŏ yơr ti ton đah khân păng tâm bri rdah pô aơ Gâp mra ƀư ma khân păng chah rai pru pra ta nklang lĕ rngôch phung ƀon lan jêh ri mprơh du tâm âk bri dak,

Êsêkiêl 20:42

Khân may mra gĭt Gâp jêng Brah Yêhôva tơlah Gâp njŭn khân may lăp tâm n'gor bri Israel jêng n'gor Gâp hŏ yơr ti ton ăn jêh ma phung chô yau khân may.

Êsêkiêl 20:5

May lah hom ma khân păng pô aơ: Kôranh Brah Yêhôva lah: ‘Tâm nar Gâp săch Israel, Gâp yơr ti ton ma kon sau ngih Yakôb jêh ri mpơl săk Gâp nơm ăn ma khân păng gĭt tâm n'gor bri Êjipt. Gâp lah ma khân păng pô aơ: Gâp jêng Yêhôva Brah Ndu khân may.’

Êsêkiêl 47:14

Ăn khân may mra tâm pă ndrăng khân may nơm ƀư drăp ndơn yorlah Gâp ton jêh mra ăn neh aơ ma phung chô yau khân may, jêh ri khân may mra geh neh nây ƀư drăp ndơn.

Daniel 11:16

Hađăch mpeh pa lơ mra hăn tâm lơh ƀư tĭng nâm păng nơm ŭch, jêh ri mâu geh nơm dơi tâm rdâng đah hađăch nây. Păng mra gŭ tâm bri chrêk rmah, djôt nau dơi ƀư nkhĭt tâm ti.

Daniel 11:41

Păng mra lăp tâm ban lĕ tâm n'gor bri chrêk rmah. Geh âk rbăn bunuyh mra cha lôt khĭt, ƀiălah phung ƀon lan Êđôm, phung Môap jêh ri du phung gĭt blau tâm ƀon lan n'gor Ammôn mra klaih bơh ti hađăch nây.

Daniel 8:9

Bơh du mlâm tâm lĕ nke nây hon du mlâm nke jê̆ jêh nây jêng văch toyh ngăn, rlet mpeh pa dâng, mpeh nhâp nar jêh ri rlet ma n'gor bri chrêk rmah.

Kan Lêvi 20:24

Gâp hŏ ntăm jêh ma khân may: “Khân may mra dơn n'gor khân păng, Gâp mra ăn khân may n'gor nây jêng drăp ndơn khân may; nây jêng du n'gor bêng ma dak toh jêh ri dak sŭt.” Gâp jêng Yêhôva Brah Ndu khân may, hŏ tâm nkhah jêh khân may luh bơh phung ƀon lan êng.

Sakari 7:14

Gâp ƀư ăn pru pra khân păng nâm bu sial vănh blông ta nklang lĕ rngôch ntil mpôl bunuyh khân păng mâu mâp gĭt năl ôh. Pôri bri neh pakơi khân păng kŏ tât jêng rngol mâu hôm geh ôh bunuyh brô̆ nsong. Khân păng hŏ ƀư ăn bri dak ueh maak jêng rngot.’”

Nau Kơp Bunuyh 13:27

Khân păng nkoch ăn ma Y-Môis pô aơ: “Hên hăn tât jêh ma n'gor khân may hŏ prơh hên hăn. Nây jêng du n'gor bêng ma dak toh jêh ri dak sŭt; aơ jêng kao play tă bơh n'gor nây.

Nau Kơp Bunuyh 14:8

Tơlah Yêhôva maak đah he, Păng mra njŭn he lăp tâm n'gor nây jêh ri ăn ma he du n'gor bêng ma dak toh jêh ri dak sŭt.

Nau Vay Nkah Tay 11:9

jêh ri gay ma khân păng dơi rêh jŏ tâm n'gor Yêhôva ton jêh ăn ma phung chô yau khân may jêh ri ma noi deh khân păng, jêng n'gor bêng ma dak toh jêh ri dak sŭt.

Nau Vay Nkah Tay 26:15

Bơh ntŭk kloh ueh May gŭ, ta ntŭk trôk prêh klơ, dăn Kôranh Brah treng uănh jêh ri ăn nau ueh uĭn ma phung ƀon lan Israel May, ma n'gor bêng ma dak toh jêh ri dak sŭt May ăn jêh ma hên, tâm ban May sơm ton jêh ma phung chô yau hên.’ ”

Nau Vay Nkah Tay 26:9

njŭn leo hên lăp tâm ntŭk aơ jêh ri ăn ma hên n'gor bêng ma dak toh jêh ri dak sŭt.

Nau Vay Nkah Tay 27:3

Lah khân may hŏ rgăn jêh dak krong gay lăp tâm n'gor Yêhôva Brah Ndu ăn ma khân may, jêng n'gor bêng ma dak toh jêh ri dak sŭt tĭng nâm Yêhôva Brah Ndu phung chô yau khân may hŏ ton jêh ma khân may, ăn khân may nchih ta klơ plơp lŭ nây lĕ rngôch rplay ngơi bơh nau vay aơ.

Nau Vay Nkah Tay 3:25

Gâp dăn ma Kôranh Brah ăn gâp dơi vay hăn rgăn jêh ri saơ n'gor ueh, n'gor klơ dor yôk ueh nây jêh ri dor Liban mpeh đah ri dak krong Yurdan.’

Nau Vay Nkah Tay 31:20

Yorlah Gâp mra njŭn phung ƀon lan aơ lăp tâm n'gor Gâp hŏ ton ăn jêh ma phung chô yau khân păng, jêng n'gor bêng ma dak toh jêh ri dak sŭt; ƀiălah tơlah khân păng sa kŏ tât hơm bêng jêh ri lay dăng khân păng mra nchuăt tĭng phung brah êng jêh ri pah kan ma khân păng, mưch ma Gâp jêh ri rlau nau tâm rnglăp đah Gâp.

Nau Vay Nkah Tay 32:40

Gâp yơr ti let klơ trôk Jêh ri mbơh: ‘Gâp dơi rêh ƀaƀơ n'ho ro!’

Nau Vay Nkah Tay 32:8

Lah Nơm Dŭt Prêh tâm pă drăp ndơn ma lĕ phung ƀon lan, Jêh ri tâm nkhah phung kon bunuyh, Pôri Păng tâm nal n'har neh ma lĕ rngôch ntil mpôl băl bunuyh Tĭng nâm rnoh phung ƀon lan Israel.

Nau Vay Nkah Tay 6:3

Pôri, ơ Israel, iăt hom jêh ri blau njrăng ƀư tĭng nau nây gay khân may dơi geh nau ƀŭn lap jêh ri bĭk rơ̆ âk râk tâm nkual neh bêng ma dak toh jêh ri dak sŭt, nâm bu Yêhôva Brah Ndu phung chô yau khân may hŏ ton lah jêh ma khân may.

Yôsuê 5:6

Yorlah phung ƀon lan Israel hŏ hăn tâm bri rdah puăn jât năm kŏ tât ma lĕ rngôch phung ƀon lan jêh ri lĕ phung tahan hŏ du luh bơh Êjipt khĭt ƀhiau, yorlah mâu tông bâr Brah Yêhôva. Brah Yêhôva hŏ ton ma khân păng pô aơ Păng mâu ăn ma khân păng saơ neh Brah Yêhôva hŏ ton ma chô yau khân păng mra ăn ma he, jêng neh bêng ma dak toh jêh ri dak sŭt.