Êsêkiêl 20:5 - Nau Brah Ndu Ngơi 2023

⁵ May lah hom ma khân păng pô aơ: Kôranh Brah Yêhôva lah: ‘Tâm nar Gâp săch Israel, Gâp yơr ti ton ma kon sau ngih Yakôb jêh ri mpơl săk Gâp nơm ăn ma khân păng gĭt tâm n'gor bri Êjipt. Gâp lah ma khân păng pô aơ: Gâp jêng Yêhôva Brah Ndu khân may.’

Êsêkiêl 20:5 ပူးပေါင်းရင်းမြစ်များ

Nau Ntơm 14:22

Ƀiălah Y-Abram lah ma hađăch ƀon Sôdôm: “Gâp hŏ yơr ti tanăp măt Yêhôva Brah Ndu Dŭt Prêh, Nơm rhăk jêng trôk jêh ri neh ntu, jêh ri ton pô aơ

I Phung Hađăch 18:39

Saơ nau nây, lĕ rngôch phung ƀon lan chon mon tâm neh jêh ri nter lah: “Brah Yêhôva jêng Brah Ndu! Brah Yêhôva jêng Brah Ndu!”

Nau Mprơ Ơm 103:7

Păng tâm mpơl jêh trong Păng ma Y-Môis, Jêh ri ma phung Israel gĭt lĕ kan Păng.

Nau Mprơ Ơm 33:12

Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

Nau Ngluh Êjipt 3:16

Hăn kuăl rgum hom phung kôranh bu ranh Israel jêh ri lah ma khân păng: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, hŏ tâm mpơl jêh ma gâp jêh ri lah: Gâp hŏ mât mơh ngăn khân may jêh ri saơ jêh lĕ nau bu ƀư ma khân may tâm n'gor Êjipt.

Nau Ngluh Êjipt 3:6

Jêh nây Brah Ndu lah tay: “Gâp jêng Brah Ndu ma chô yau may, Brah Ndu Y-Abraham, Brah Ndu Y-Isăk, jêh ri Brah Ndu Y-Yakôb.” Y-Môis nking ro măt păng yorlah păng klach uănh saơ Brah Ndu.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Nau Ngluh Êjipt 4:31

Phung ƀon lan rnơm. Dôl khân păng tăng Brah Yêhôva hŏ khâl jêh phung ƀon lan Israel nđâp hŏ saơ jêh nau rêh ni khân păng, khân păng kŭnh bôk jêh ri yơk mbah.

Nau Ngluh Êjipt 6:2

Brah Ndu lah tay ma Y-Môis: “Gâp jêng Brah Yêhôva.

Nau Ngluh Êjipt 6:3

Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Nau Ngluh Êjipt 6:8

Gâp mra djôt khân may lăp tâm n'gor Gâp hŏ ton jêh ăn ma Y-Abraham, Y-Isăk, Y-Yakôb, jêh ri ăn n'gor nây jêng drăp ndơn ma khân may: Gâp jêng Brah Yêhôva.’”

Êsai 43:10

Brah Yêhôva lah: “Khân may jêng phung mbơh ngăn ma Gâp, Jêh ri jêng phung oh mon Gâp săch jêh, Gay ma khân may dơi gĭt năl jêh ri chroh ma Gâp, Jêh ri gĭt rbăng Gâp yơh jêng Nơm nây. Mâu lĕ geh brah dơi njêng lor Gâp, Jêh ri mâu lĕ geh brah pakơi Gâp.

Yêrêmi 33:24

“May mâu treng uănh hĕ moh nau phung ƀon lan aơ ngơi? Khân păng lah: ‘Brah Yêhôva hŏ chalơi bar ndŭl mpôl Păng hŏ săch jêh.’ Pônây, khân păng mưch phung ƀon lan Gâp, Pônây, mâu uănh phung ƀon lan aơ jêng du phung ƀon lan đŏng ôh!

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Êsêkiêl 20:15

Gâp yơr ti ton jêh ma khân păng tâm bri rdah pô aơ Gâp mâu mra leo khân păng lăp ôh tâm n'gor bri Gâp hŏ ăn ma khân păng, jêng n'gor bri bêng ma dak toh jêh ri dak sŭt, bri ueh lơn tâm lĕ rngôch bri.

Êsêkiêl 20:23

Tâm ban lĕ Gâp hŏ yơr ti ton đah khân păng tâm bri rdah pô aơ Gâp mra ƀư ma khân păng chah rai pru pra ta nklang lĕ rngôch phung ƀon lan jêh ri mprơh du tâm âk bri dak,

Êsêkiêl 34:24

Gâp, Brah Yêhôva, mra ƀư Brah Ndu khân păng, bi Y-Đavit, oh mon Gâp, mra ƀư hađăch ta nklang khân păng. Gâp Brah Yêhôva hŏ lah jêh pônây.

Êsêkiêl 35:11

Yor nây, Kôranh Brah Yêhôva lah: ‘N'hêl nanê̆ tĭng nâm Gâp gŭ rêh mro mrăng, Gâp mra ƀư ma may tĭng nau ji nuih jêh ri nau rmot may hŏ ƀư jêh ma khân păng nôk may tâm rmot đah khân păng, jêh ri Gâp mra mpơl Gâp nơm ta nklang khân păng dôl Gâp phat dôih may.

Êsêkiêl 47:14

Ăn khân may mra tâm pă ndrăng khân may nơm ƀư drăp ndơn yorlah Gâp ton jêh mra ăn neh aơ ma phung chô yau khân may, jêh ri khân may mra geh neh nây ƀư drăp ndơn.

Daniel 12:7

Gâp tăng bunuyh nsoh bok mhay dâk ta klơ dak krong, yơr ti ma jêh ri ti chiau leo pa trôk, sŏk amoh Nơm gŭ rêh mro mrăng sơm ton pô aơ: “Mra dơi rgăn du gưl, bar gưl jêh ri n'gul gưl, jêh ri nau ktang phung kloh ueh mra dŭt pôri lĕ nau aơ mra lôch ngăn jêh.”

Kan Lêvi 18:2

“Lah hom ma phung ƀon lan Israel pô aơ Gâp jêng Yêhôva Brah Ndu khân may.

Markôs 13:20

Tơlah Kôranh Brah mâu ăn n'hŭch gleh lĕ nar nây, pôri mâu geh du huê bunuyh dơi rklaih; ƀiălah yor phung Păng hŏ săch rĭ dĭng Păng n'hŭch gleh lĕ nar nây.

Nau Vay Nkah Tay 14:2

yorlah khân may jêng du phung ƀon lan kloh ueh ma Yêhôva Brah Ndu khân may. Brah Yêhôva hŏ săch jêh khân may tă bơh ta nklang phung ƀon lan klơ neh gay khân may dơi jêng du phung ƀon lan jêng ndơ ma Păng.

Nau Vay Nkah Tay 32:40

Gâp yơr ti let klơ trôk Jêh ri mbơh: ‘Gâp dơi rêh ƀaƀơ n'ho ro!’

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

Nau Vay Nkah Tay 4:37

Yorlah Păng rŏng ma phung chô yau khân may jêh ri hŏ săch noi deh khân may, jêh ri Păng nơm hŏ sŏk nau brah toyh Păng, njŭn khân may luh tă bơh n'gor Êjipt,

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

Nau Vay Nkah Tay 7:7

Brah Yêhôva mpơl nau rŏng jêh ri săch jêh khân may, mâu di yorlah khân may âk lơn ma lĕ rngôch phung ƀon lan êng, ngăn ya khân may jêng phung ƀon lan djê̆ lơn tâm lĕ rngôch phung ƀon lan.

Nau Tâm Mpơl 10:5

Tông mpăr gâp saơ nĕ dâk ta klơ dak mƀŭt jêh ri ta klơ neh yơr ti ma păng mpeh ta klơ trôk,

Nau Tâm Mpơl 10:6

sŏk amoh Nơm gŭ rêh n'ho ro, Nơm rhăk njêng trôk jêh ri lĕ rngôch ndơ klơ trôk, neh ntu jêh ri lĕ rngôch ndơ klơ neh ntu, dak mƀŭt jêh ri lĕ rngôch ndơ tâm dak mƀŭt, jêh ri sơm ton pô aơ: “Mâu mra hôm mbrĕ mbrơi ôh!