Êsêkiêl 20:41 - Nau Brah Ndu Ngơi 2023

⁴¹ Gâp mra vơt dơn khân may nâm bu ndơ n'hôl ƀâu kah tơlah Gâp djôt leo khân may luh bơh phung mpôl băl êng jêh ri tâm rgum khân may tă bơh lĕ bri dak khân may hŏ nchah rai pru pra, jêh ri nau kloh ueh Gâp mra dơi tâm mpơl ta nklang khân may tanăp măt phung bu năch.

Êsêkiêl 20:41 ပူးပေါင်းရင်းမြစ်များ

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

II Samuel 24:23

Hơi hađăch, Y-Arauna ăn lĕ ndơ aơ ma hađăch.” Y-Arauna lah tay: “mbơh sơm Yêhôva Brah Ndu hađăch dơn hađăch!”

Êsai 5:16

Ƀiălah Brah Yêhôva ma phung tahan geh nau n'hao tâm nau phat dôih, Brah Ndu jêng Nơm Kloh Ueh mra tâm mpơl Păng jêng nơm kloh ueh tâm nau sŏng srăng.

Yêrêmi 23:3

Gâp nơm mra rgum biăp hôm klen luh bơh lĕ rngôch bri dak Gâp hŏ mprơh jêh khân păng tât. Gâp mra njŭn khân păng plơ̆ sĭt ma ndrêch gơ̆ khân păng nơm; khân păng mra bĭk rơ̆ dŭt âk ngăn.

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Êsêkiêl 11:17

Yor nây lah hom: ‘Kôranh Brah Yêhôva lah: Gâp mra tâm rgum khân may tă bơh ƀon lan lĕ mpôl bunuyh, mra sŏk sĭt khân may tă bơh bri dak khân may pru pra jêh, jêh ri Gâp mra plơ̆ ăn ma khân may n'gor bri Israel.

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Êsêkiêl 28:22

May ngơi hom: Kôranh Brah Yêhôva lah: ‘Hơi ƀon Sidôn, aơ Gâp tâm rdâng đah may; Gâp ŭch ƀư ang amoh Gâp ta nklang may. Khân păng mra gĭt Gâp jêng Brah Yêhôva Tơlah Gâp mra ƀư nau phat dôih, Jêh ri mpơl nau kloh ueh Gâp ta nklang păng.

Êsêkiêl 28:25

Kôranh Brah Yêhôva lah: “Tơlah Gâp rgum ngih Israel tă bơh nklang phung ƀon lan khân păng hŏ ƀư nchah rai pru pra jêh, Gâp mra mpơl nau kloh ueh Gâp ta nklang khân păng panăp măt lĕ phung ƀon lan. Nôk nây, khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb.

Êsêkiêl 34:11

‘Kôranh Brah Yêhôva lah: Aơ Gâp nơm yơh mra joi biăp Gâp, Gâp mra tĭng joi khân păng.

Êsêkiêl 34:19

Bi phung biăp Gâp mra sa gơ̆ khân may lĕ jot jêh ma jâng, jêh ri nhêt dak lĕ jâng khân may nchŭ rkhăl!’

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Êsêkiêl 38:8

Âk nar pakơi, may mra sŏk dơn nau bu kuăl hăn tâm lơh. Tâm lĕ năm nglĕ dŭt, may mra hăn tâm lơh tâm du n'gor bu hŏ sâm rklaih jêh tă bơh đao, jêh ri phung ƀon lan păng tâm rgum âk mpôl băl bunuyh ma n'gor yôk Israel, jêng ntŭk rngot njăp lĕ roh rai bơh jŏ jêh. Bu hŏ njŭn khân păng sĭt tă bơh phung mpôl băl bunuyh jêh ri lĕ rngôch gŭ rêh đăp mpăn da dê.

Êsêkiêl 6:13

Tơlah phung bu nkhĭt khân păng lâng khĭt ta nklang phung rup brah gŭ jŭm nơng ƀư brah, ta klơ yôk prêh, ta klơ lĕ rngôch n'gơn yôk, tâm dâng ăp tơm si ndrêh jêh ri tơm n'ho pŭm, ăp ntŭk khân păng nhhơr ndơ ƀâu kah ma lĕ rngôch rup brah khân păng, nôk nây khân may mra gĭt Gâp jêng Yêhôva.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:17

jêh nây bu mra nkhêk bar năr sĭm nây, ƀiălah mâu nkhêk tăch ôh. Kôranh ƀư brah mra gŭch păng ta klơ nơng ƀư brah ta ntŭk ŭnh dôl hit. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.’”

Kan Lêvi 1:9

Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Amôt 9:14

Gâp mra njŭn leo phung ƀon lan Israel Gâp plơ̆ sĭt bơh bu nă; Khân păng mra ndâk tay lĕ ƀon toyh lĕ rai jêh, jêh ri gŭ ta nây. Khân păng mra tăm đang krăk ƀâu jêh ri nhêt ndrănh păng, Khân păng mra jik mir khân păng jêh ri sa play păng.

Nau Kơp Bunuyh 20:13

Dak nhêt nây dơi rnha jêng dak nhêt Mêriba, jêng ntŭk phung ƀon lan Israel tâm rlăch đah Brah Yêhôva jêh ri Păng geh nau kloh ueh tanăp măt khân păng.

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

II Kôrintô 2:15

Yorlah hên jêng n'hôl ƀâu kah Brah Krist nhhơr ma Brah Ndu, ta nklang phung bunuyh geh nau rklaih jêh ri phung bunuyh geh nau rai yot.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.