Êsêkiêl 20:12 - Nau Brah Ndu Ngơi 2023

¹² Gâp ăn đŏng ma khân păng nar saƀat Gâp tâm ban du nau mbên ta nklang Gâp jêh ri khân păng, gay khân păng gĭt pô aơ Gâp jêng Brah Yêhôva prăp jêh khân păng jêng kloh ueh.

Êsêkiêl 20:12 ပူးပေါင်းရင်းမြစ်များ

Nau Ntơm 2:3

Păng ăn nau ueh uĭn ma nar tal pơh jêh ri ƀư nar nây jêng nar kloh ueh, yor tâm nar nây Păng rlu tơlah hŏ lôch jêh lĕ nau kan rhăk njêng.

Nêhêmi 9:14

Kôranh Brah ƀư ăn khân păng gĭt nar saƀat kloh ueh Kôranh Brah. Jêh ri ăn jêh ma khân păng lĕ nau vay ntăm, lĕ nau vay ƀư jêh ri nau vay Ma Y-Môis jêng oh mon Kôranh Brah.

Nau Ngluh Êjipt 16:29

Ăn khân may kah gĭt hom Brah Yêhôva ăn jêh ma khân may nar saƀat, yor nây tâm nar prao Păng ăn ma khân may piăng let tŏng ma bar nar. Tâm nar pơh, ăn ăp nơm gŭ ta ntŭk păng nơm, lơi ăn bunuyh du luh ôh tă bơh ngih khân păng.”

Nau Ngluh Êjipt 35:2

Bu mra pah kan tâm prao nar; ƀiălah ăn khân ay may djôt prăp nar tal pơh ƀư nar kloh ueh, jêng nar saƀat jêng nar rlu, prăp ma Brah Yêhôva. Mbu nơm ƀư ăp ntil kan tâm nar nây, bu mra nkhĭt păng.

Êsai 56:2

Ueh maak ngăn ma bunuyh ƀư nau nây, Jêh ri ueh maak ngăn ma kon bunuyh djôt prăp păng nâp, Jêng lah nơm prăp nar saƀat, mâu ƀư ƀơ̆ păng ôh; Jêh ri nkân ti păng mâu ƀư du ntil nau mhĭk ôh!”

Yêrêmi 17:22

Tâm nar saƀat, lơi ta tung mbăk luh bơh ngih khân may, lơi ta ƀư du ntil kan ôh, ƀiălah kah gĭt hom prăp êng nar saƀat jêng kloh ueh nâm bu Gâp hŏ ntăm jêh ma phung chô yau khân may.

Êsêkiêl 20:20

Prăp hom lĕ nar Saƀat Gâp jêng kloh ueh; păng mra ƀư du nau mbên ta nklang Gâp đah khân may gay ăn khân păng dơi gĭt Gâp jêng Yêhôva Brah Ndu khân may.’

Êsêkiêl 20:26

Gâp hŏ ƀư jêh ăn khân păng jêng ƀơ̆ jêh yor ndơ ƀư brah dôl khân păng nhhơr lĕ rngôch kon bôk rah tâm ŭnh, gay yor nây, Gâp ƀư ăn ma khân păng jêng rngol ŭch ma khân păng gĭt pô aơ Gâp jêng Brah Yêhôva.

Êsêkiêl 37:28

Rnôk nây, lĕ bri dak mra gĭt Gâp, Brah Yêhôva, hŏ ƀư kloh ueh ma phung Israel yorlah ngih brah kloh ueh Gâp mra gŭ ta nklang khân păng ƀaƀơ n'ho ro.’”

Êsêkiêl 44:24

Tơlah geh nau tâm rlăch, khân păng jêng kôranh phat dôih, jêh ri phat dôih tĭng nâm nau vay Gâp. Khân păng mra djôt prăp nau vay Gâp jêh ri nau vay dăp Gâp tâm lĕ rngôch nar năng tâm rƀŭn Gâp jêh ri prăp dơi jêng kloh ueh lĕ nar saƀat Gâp.

Kan Lêvi 20:8

Ăn khân may djôt prăp jêh ri ƀư tĭng kơt lĕ nau vay Gâp dăp; Gâp jêng Brah Yêhôva, Nơm ƀư kloh ueh khân may.’

Kan Lêvi 21:15

kơt nây, păng mâu mra ƀư nau đit prêng noi deh ndŭl mpôl dăch păng, yorlah Gâp jêng Brah Yêhôva, Nơm ƀư kloh ueh păng.’”

Kan Lêvi 21:23

ƀiălah păng mâu dơi hăn dăch bok nching mâu lah hăn dăch nơng ƀư brah ôh, yorlah păng geh ntŭk kuet ji. Kơt nây păng mâu ngơi sưr ôh ta lĕ ntŭk kloh ueh Gâp, yorlah Gâp jêng Brah Yêhôva, Nơm ƀư kloh ueh lĕ ntŭk nây.’”

Kan Lêvi 21:8

Yor ri ăn khân may uănh kôranh ƀư brah nâm bu kloh ueh yorlah păng nhhơr ndơ sông sa ma Brah Ndu khân may. Khân păng jêng kloh ueh đah khân may, yorlah Gâp, Brah Yêhôva jêng kloh ueh, jêng Nơm ƀư kloh ueh khân may.

Kan Lêvi 23:24

“Ăn may ntăm hom ma phung ƀon lan Israel pô aơ: ‘Lơ nguay khay pơh jêng nar ăn ma khân may rlu, jêng du nar ndray đah tăng uh bâr nŭng, jêh ri geh du nau tâm rƀŭn kloh ueh.

Kan Lêvi 23:3

Lĕ rngôch nau kan dơi ƀư tâm prao nar, ƀiălah tal pơh jêng nar saƀat, du nar rlu, jêng nar tâm rƀŭn kloh ueh, khân may mâu dơi ƀư du ntil kan ôh; nây jêng nar saƀat ma Brah Yêhôva tâm lĕ rngôch ntŭk khân may gŭ.

Kan Lêvi 23:32

Aơ jêng nar saƀat ma khân may, du nar geh nau rlu ngăn, jêh ri ăn khân may ât sông sa. Ăn khân may djôt prăp nar saƀat, ntơm bơh nar nhâp tâm lơ sĭn tât nar nhâp tâm nar ôi taơ.”

Kan Lêvi 23:39

Kơt nây, ta nar jât ma prăm khay pơh, lôch jêh khân may pĕ play bơh neh, ăn khân may djôt prăp du nau rƀŭn ăn ma Brah Yêhôva tâm pơh nar. Nar tal nguay mra jêng nar rlu jêh ri nar tal pham, lôch jêh nau rƀŭn ăt jêng nar rlu đŏng.

Kan Lêvi 25:4

Ƀiălah năm tal pơh mra jêng năm saƀat gay ăn neh rlu, jêng năm saƀat ma Brah Yêhôva, khân may mâu dơi tuch tăm ôh tâm mir mâu lah koh nkra đang krăk ƀâu khân may;

Kôlôh 2:16

Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.