Êsêkiêl 20:1 - Nau Brah Ndu Ngơi 2023

¹ Tâm năm rơh pơh, năng jât khay prăm, geh bar pe nuyh kôranh bu ranh Israel văch ôp ma Brah Yêhôva, jêh ri khân păng gŭ panăp gâp.

Êsêkiêl 20:1 ပူးပေါင်းရင်းမြစ်များ

II Phung Hađăch 3:13

Y-Êlisê lah ma hađăch Israel: “Moh nau gâp geh đah may? Hăn ôp hom ma phung nơm mbơh lor mbơ̆ may jêh ri phung nơm mbơh lor mê̆ may.” Ƀiălah hađăch Israel plơ̆ lah: “Mâu ôh. Yorlah Brah Yêhôva yơh kuăl jêh pe nuyh hađăch hên văch gay jao ma ti phung Môap.”

II Phung Hađăch 6:32

Tâm nôk Y-Êlisê dôl gŭ tâm ngih păng nơm nđâp ma phung kôranh bu ranh. Hađăch prơh du huê bunuyh tâm phung oh mon hăn joi păng. Ƀiălah êlor bunuyh mbơh nây tât, Y-Êlisê lah ma phung kôranh bu ranh: “Khân may saơ lĕ nơm nkhĭt bunuyh nây prơh bunuyh hăn tât gay koh trô ko gâp? Uănh hom, tơlah nơm mbơh văch tât, nchăng mpông hom jêh ri kuăn ăn nâp mpông, lơi ăn păng lăp ôh. Mâu di hĕ khân may mâu tăng nteh nhuat jâng kôranh păng groi pakơi păng?”

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Yêrêmi 21:2

“Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Êsêkiêl 1:2

Ta năng prăm khay nây — jêng năm rơh prăm pakơi bu mprơh Hađăch Jêhôjakin jêng bu nă —

Êsêkiêl 20:2

Rnôk nây, geh nau Brah Yêhôva lah ma gâp:

Êsêkiêl 24:1

Tâm năm rơh sĭn, khay jât, năng jât, geh nau Brah Yêhôva lah ma gâp:

Êsêkiêl 26:1

Tâm năm rơh jât ma nguay, năng nguay tâm khay, geh nau Brah Yêhôva lah ma gâp pô aơ:

Êsêkiêl 29:1

Tâm năng jât ma bar, khay jât, năm rơh jât, geh nau Brah Yêhôva lah ma gâp:

Êsêkiêl 29:17

Ta năng nguay, khay nguay, năm rơh bar jât ma pơh, geh nau Brah Yêhôva lah ma gâp:

Êsêkiêl 30:20

Tâm năng pơh, khay nguay, năm rơh jât ma nguay, geh nau Brah Yêhôva lah ma gâp:

Êsêkiêl 31:1

Ta năng nguay, khay pe, tâm năm rơh jât nguay, geh du nau Brah Yêhôva lah ma gâp:

Êsêkiêl 32:1

Tâm năng nguay, khay jât ma bar, năm rơh jât ma bar, geh nau Brah Yêhôva lah ma gâp:

Êsêkiêl 40:1

Năm rơh bar jât ma prăm rnôk he jêng bu nă, ta bôk năm, năng jât khay nây, jêng năm jât ma puăn jêh bu sŏk ƀon toyh Yêrusalem, ăt tâm nar nây lĕ, ti Brah Yêhôva dơm ta klơ gâp jêh ri Păng leo gâp lăp tâm ƀon nây.

Êsêkiêl 8:1

Năm rơh prao, ta năng prăm khay prao, dôl gâp gŭ tâm ngih gâp ndrel ma phung bu ranh Yuđa gŭ panăp, ti Yêhôva Brah Ndu pah ta gâp.

Êsêkiêl 8:11

Dâk panăp rup nây geh pơh jât kôranh bu ranh ngih Israel, tâm phung nây geh Y-Jasania, kon bu klâu Y-Saphan, ti ăp nơm djôt khăl gŭch ndơ ƀâu kah nhhŭk ndơ ƀâu kah n'hôl rlet klơ.

Mathay 22:16

Khân păng njuăl phung oh mon khân păng ndrel ma phung bunuyh tâm mpôl Hêrôt hăn lah ma Brah Yêsu pô aơ: “Hơi Nơm Nti, hên gĭt May jêng bunuyh sŏng ngăn jêh ri nti trong Brah Ndu ma nau di, mâu chrê ma bu ôh, yorlah May mâu uănh ma bunuyh padih ôh.

Luka 10:39

Păng geh du huê oh bu ur amoh păng H'Mari gŭ ta jâng Kôranh Brah gay iăt nau Păng ngơi.

Luka 2:46

Pakơi pe nar, khân păng saơ Păng tâm ngih Brah dôl gŭ ta nklang phung kôranh nti phung Yuđa, Păng iăt ƀă ôp ƀă.

Luka 8:35

Lĕ rngôch bunuyh hăn uănh nau mhe tât geh. Nôk khân păng văch ta nây saơ Brah Yêsu, saơ bunuyh klaih jêh tă bơh phung brah mhĭk lăp, gŭ ta jâng Brah Yêsu, nsoh kho ao, nau mĭn kah gĭt rah vah pôri khân păng klach hâu ngăn.

Kôranh Oh Mon 22:3

“Gâp jêng bunuyh Yuđa, deh ta ƀon Tars, n'gor Silisi, ƀiălah bu rong gâp tâm ƀon aơ, gâp nti bơh nơm nti Y-Gamaliel. Gâp geh nau nti di tĭng nâm nau vay phung chô yau, bêng ma nau nsrôih ngăn ma Brah Ndu, tâm ban ma lĕ rngôch phung khân may nar aơ.