Êsêkiêl 2:8 - Nau Brah Ndu Ngơi 2023

⁸ Ƀiălah hơi kon bunuyh, iăt hom nau Gâp lah ma may. Lơi tâm rdâng ôh nâm bu ngih mơng vay tâm rdâng nây. Hă hom trôm mbung sa ndơ Gâp ăn ma may.”

Êsêkiêl 2:8 ပူးပေါင်းရင်းမြစ်များ

Nau Mprơ Ơm 105:28

Păng njuăl nau ngo jêh ri ƀư ma n'gor ngo klĕng, Ƀiălah phung nây ăt mâu iăt ôh nau Păng.

Êsai 50:5

Kôranh Brah jêng Brah Yêhôva hŏ pơk jêh tôr Gâp, Bi Gâp, Gâp mâu tâm rdâng ôh, Mâu lĕ Gâp plơ̆ rŭch.

Êsai 8:11

Ma ti ktang n'gân ta gâp, Brah Yêhôva ntĭm nti jêh ri mbơh jêh ma gâp lơi hăn ôh tâm trong phung ƀon lan aơ. Păng lah:

Yêrêmi 13:2

Tĭng nau Brah Yêhôva ntĭnh lah, gâp rvăt rse vân bŭt jêh ri vân ta bŭt.

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Êsêkiêl 12:7

Gâp ƀư tĭng nau Kôranh Brah hŏ ntĭnh jêh. Gâp djôt leo ndô ndơ gâp nâm bu ndô ndơ bunuyh ƀư bu nă hăn dôl nôk nar, jêh ri tât kêng mhaơ ma ti gâp nơm lôk êng du trôm tâm mpêr. Gâp mbăk ta klơ săng nglik jêh ri hăn du tâm bri măng tanăp măt khân păng.

Êsêkiêl 3:10

Păng lah đŏng ma gâp pô aơ: “Hơi kon bunuyh, dơn hom tâm nuih n'hâm jêh ri iăt ma trôm tôr lĕ rngôch nau Gâp mra ngơi ma may.

Êsêkiêl 33:7

Aơ hơi kon bunuyh, Gâp hŏ njêng may ƀư bunuyh kâp gak ăn ma ngih Israel, yor nây iăt hom nau ngơi tă bơh bâr mbung Gâp jêh ri tâm tang Gâp mbơh ăn khân păng njrăng.

Êsêkiêl 40:4

Bu klâu nây lah ma gâp: “Hơi kon bunuyh, sŏk măt uănh hom, sŏk tôr rkêng iăt jêh ri ăn nuih n'hâm gŭ mĭn ma lĕ nau gâp mra mpơl ma may; yorlah ăn may saơ dơi njŭn may tât ta aơ. Pôri nkoch hom lĕ rngôch nau may saơ ma phung Israel.”

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Yônais 1:3

Ƀiălah Y-Yôna dâk hăn du pôn ma bri Tarsis gay der bơh panăp măt Brah Yêhôva. Păng hăn jŭr ta ƀon Jôpa mâp du mlâm kumpăn hăn ma bri Tarsis. Y-Yôna ăn prăk ncho jêh ri jŭr kumpăn hăn Tarsis ndrel khân păng gay der bơh panăp Brah Yêhôva.

Nau Kơp Bunuyh 20:24

“Y-Arôn mra sĭt ma phung chô yau păng nơm; păng mâu dơi lăp ôh tâm n'gor Gâp ăn jêh ma phung ƀon lan Israel, yorlah khân may hŏ ƀư nau tâm rdâng, mâu tông tĭng nau ntăm Gâp ntĭnh ta dak nhêt Mêriba.

I Pêtrôs 5:3

mâu dŏng nau dơi chiă uănh bu jao jêh ma khân may nơm, ƀiălah ƀư leo trong ueh ma phung biăp.

Nau Tâm Mpơl 10:9

Pôri, gâp hăn văch ta tông mpăr jêh ri dăn ma păng ăn ndrom samƀŭt jê̆ nây ma gâp. Tông mpăr lah: “Sŏk hom jêh ri sa păng! Tâm ndŭl may mra tăng, ƀiălah tâm mbung may păng jêng njŭng nâm bu dak sŭt.”