Êsêkiêl 2:4 - Nau Brah Ndu Ngơi 2023

⁴ Nây jêng phung kon sau sưr dăng bôk Gâp prơh may hăn tât ma khân păng. Lah hom đah khân păng pô aơ: ‘Nau Yêhôva Brah Ndu lah pô aơ!’

Êsêkiêl 2:4 ပူးပေါင်းရင်းမြစ်များ

I Phung Hađăch 22:14

Ƀiălah Y-Mika plơ̆ lah: “Gâp sŏk amoh Brah Yêhôva gŭ rêh mro mrăng gay sơm ton, gâp mra ngơi moh nau Brah Yêhôva lah ma gâp.”

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Nau Mprơ Ơm 95:8

Lơi ƀư dăng ôh nuih n'hâm khân may nâm bu ta Mêriba, Nâm bu ta nar Masa tâm bri rdah.

Nau Hôr 21:29

Bunuyh mhĭk jan ƀư janh, Bi ma bunuyh sŏng ƀư nâp trong hăn păng nơm.

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Yêrêmi 1:7

Ƀiălah Brah Yêhôva lah ma gâp: “Lơi ngơi: ‘May hôm e mom ndăm;’ Yorlah may mra hăn lam moh ntŭk Gâp đă may hăn, Jêh ri mra ngơi lĕ nau Gâp ntăm may ngơi.

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yêrêmi 36:21

Hađăch prơh Y-Jêhudi njŭn ndrom samƀŭt tât, Y-Jêhudi sŏk ndrom samƀŭt tă bơh jrô kôranh nchih samƀŭt Y-Êlisama jêh ri rŏ ăn hađăch ndrel ma lĕ rngôch phung kôranh gŭ êp hađăch tăng.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 6:15

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,” Brah Yêhôva lah pônây.

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Êsêkiêl 3:11

Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Êsêkiêl 3:27

Ƀiălah tơlah Gâp lah ma may, Gâp mra pơk trôm mbung may jêh ri may mra lah ma khân păng pô aơ: ‘Yêhôva Brah Ndu lah kơt aơ: Mbu nơm ŭch iăt, iăt hom; mbu nơm mâu ŭch iăt, lơi ta iăt ôh! Yorlah khân păng jêng du rplay ƀon vay mơng tâm rdâng.’”

Êsêkiêl 3:4

Păng lah tay: “Hơi kon bunuyh, hăn hom ma ngih Israel jêh ri mbơh nau Gâp ngơi ăn ma khân păng.

Êsêkiêl 3:7

Ƀiălah ngih Israel mâu mra iăt nau may ôh yorlah khân păng mâu ŭch iăt Gâp. Yorlah lĕ rngôch ngih Israel dăng bôk dăng nuih n'hâm da dê.

Amôt 7:15

Brah Yêhôva nhŭp sŏk gâp tă bơh ntŭk chiăp biăp, jêh ri Brah Yêhôva lah ma gâp pô aơ: ‘Hăn mbơh lor hom ma phung ƀon lan Israel gâp.’

Sakari 7:12

Khân păng ƀư ăn nuih n'hâm jêng dăng nâm bu lŭ diamôn, gay mâu tăng nau vay jêh ri lĕ nau ngơi Brah Yêhôva ma phung tahan hŏ njuăl jêh ma Huêng Brah Păng ăn ma phung nơm mbơh lor kăl e ri. Yor nây Brah Yêhôva ma phung tahan geh nau ji nuih toyh ngăn.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Nau Vay Nkah Tay 10:16

Pôri ăn khân may koh ntâu nuih n'hâm khân may jêh ri lơi hôm jêng dăng bôk ôh,

Nau Vay Nkah Tay 31:27

yorlah gâp gĭt nau tâm rdâng jêh ri nau dăng bôk khân may. Nar aơ, dôl gâp hôm e rêh ndrel khân may khân may hŏ tâm rdâng đah Brah Yêhôva, sa ang lah gâp lĕ khĭt!