Êsêkiêl 2:3 - Nau Brah Ndu Ngơi 2023

³ Păng lah ma gâp: “Hơi kon bunuyh, Gâp prơh may hăn tât ma phung ƀon lan Israel, hăn tât ma phung vay mơng tâm rdâng đah Gâp. Khân păng jêh ri phung chô yau khân păng ƀư tih vay mơng tâm rdâng đah Gâp kŏ tât nar aơ.

Êsêkiêl 2:3 ပူးပေါင်းရင်းမြစ်များ

II Phung Hađăch 17:14

Ƀiălah, khân păng mâu iăt nau jêh ri dăng ko nâm bu phung chô yau khân păng, jêng phung mâu chroh ôh ma Yêhôva Brah Ndu khân păng.

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

Êsra 9:7

Ntơm rnôk chô yau hên kăl e tât aƀaơ aơ, hên hŏ ƀư tih toyh jêh. Yor nau djơh hên nơm, yor ri phung kon, phung hađăch, phung kôranh ƀư brah hên, lĕ jao jêh hên tâm ti phung hađăch bri bu năch, ma đao tak, bu nhŭp ƀư bu nă, bu pit in drăp ndơ, jêh ri bu gơm mưch kŏ tât ta nar aơ.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nau Mprơ Ơm 106:28

Phung chô yau hên gŭ râng jêh tâm nau mbah brah Baal-Pêôr, Sa ndơ ƀư brah ma phung khĭt,

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.

Yêrêmi 1:7

Ƀiălah Brah Yêhôva lah ma gâp: “Lơi ngơi: ‘May hôm e mom ndăm;’ Yorlah may mra hăn lam moh ntŭk Gâp đă may hăn, Jêh ri mra ngơi lĕ nau Gâp ntăm may ngơi.

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 36:2

“May sŏk hom du ndrom samƀŭt jêh ri nchih ta nây lĕ rngôch nau Gâp hŏ lah jêh đah may ma phung Israel, phung Yuđa, jêh ri ma lĕ rngôch bri dak, ntơm bơh nar Gâp lah jêh ma may bơh rnôk Y-Jôsia kŏ tât nar aơ.

Yêrêmi 44:20

Y-Yêrêmi lah ma lĕ rngôch phung ƀon lan, phung bu klâu jêh ri bu ur, ndrel phung mhe plơ̆ lah ăn ma păng kơt aơ:

Yêrêmi 44:21

“Di lĕ khân may jêh ri phung chô yau khân may, phung hađăch jêh ri phung kôranh khân ay may, ndrel phung ƀon lan tâm bri nây hŏ nhhơr jêh ndơ ƀâu kah tâm ăp ƀon toyh n'gor Yuđa jêh ri lĕ trong toyh ƀon Yêrusalem, Brah Yêhôva hŏ kah gĭt jêh ri hŏ prăp jêh tâm nau mĭn Păng nây lĕ?

Yêrêmi 7:2

“Dâk hom ta mpông ngih Brah Yêhôva jêh ri mbơh nau ngơi aơ: ‘Lĕ rngôch phung khân may jêng phung Yuđa hăn găn lĕ mpông aơ gay lăp yơk mbah Brah Yêhôva, iăt hom nau Brah Yêhôva.

Êsêkiêl 17:12

“Lah hom ma ngih tâm rdâng nây pô aơ: ‘Khân may mâu gĭt nau nây mâm nau rblang?’ Đă hom ma khân păng: ‘Ri, hađăch Babilôn tât jêh ta ƀon Yêrusalem, nhŭp hađăch jêh ri lĕ rngôch phung ndrŏng djôt leo ma Babilôn ndrel ma păng.

Êsêkiêl 24:3

Nkoch hom du nau ngơi ntĭt ma phung ƀon lan vay tâm rdâng jêh ri lah ma khân păng pô aơ: ‘Kôranh Brah lah: N'gân hom glah, n'gân hom glah Jêh ri troch hom dak.

Êsêkiêl 40:4

Bu klâu nây lah ma gâp: “Hơi kon bunuyh, sŏk măt uănh hom, sŏk tôr rkêng iăt jêh ri ăn nuih n'hâm gŭ mĭn ma lĕ nau gâp mra mpơl ma may; yorlah ăn may saơ dơi njŭn may tât ta aơ. Pôri nkoch hom lĕ rngôch nau may saơ ma phung Israel.”

Amôt 7:15

Brah Yêhôva nhŭp sŏk gâp tă bơh ntŭk chiăp biăp, jêh ri Brah Yêhôva lah ma gâp pô aơ: ‘Hăn mbơh lor hom ma phung ƀon lan Israel gâp.’

Malachi 3:7

Ntơm bơh rnôk chô yau khân may, khân may nkhah du jêh bơh nau vay Gâp dăp, jêh ri mâu djôt prăp. Plơ̆ sĭt hom ma Gâp, pôri mơ Gâp plơ̆ sĭt ndrel ma khân may.” Brah Yêhôva ma phung tahan lah pônây. Ƀiălah khân may lah: “Mâm nau hên ƀư mra plơ̆ sĭt?”

Nau Kơp Bunuyh 20:10

Y-Môis jêh ri Y-Arôn kuăl rgum phung tâm rƀŭn hăn tât panăp lŭ toyh jêh ri lah: “Hơi phung tâm rdâng, iăt hom! Hên mra ƀư ăn dak tă bơh lŭ toyh aơ rdŭl luh dak ma khân may dơi lĕ?”

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”

Nau Vay Nkah Tay 9:24

Ntơm bơh nar gâp gĭt năl khân may tât aƀaơ, khân may tâm rdâng ƀaƀơ đah Brah Yêhôva.

Nau Vay Nkah Tay 9:27

Dăn Kôranh Brah kah gĭt ma phung oh mon May jêng Y-Abraham, Y-Isăk jêh ri Y-Yakôb, lơi klăp ndăng ôh ma nau nuih n'hâm dăng ko, djơh mhĭk jêh ri ma nau tih phung ƀon lan aơ.